اقتباس:
|
المشاركة الأصلية كتبت بواسطة الشريف الشرّقي
عجيب !! أبو أنس / أبوزياد/ يزيد النمي ..مؤامرة 
يارب لطفك والستر والسعادة = ومن بعدهن يارب قوة ارادة
نبي نسطر للجماعة افادة = ماسطروها ماسكين الطباشير
يابو أنس راحت حياتي خسارة = لا ادركت أنا مزنة ولا شفت سارة
مثلي يسمونه : سويويق طارة = حده يدق السلف ويعشق القير
مانيب مثلك يازبون الونية = تقلط على حد الخطر والمنية
من طيب فعلك ياعذاب العبية = اصبحت فارس للبنات الغنادير
وأبو زياد علوم طيب وشهامة = بالمرجلة حاز الفخر والزعامة
واللي على خده من الحسن شامة = لا شك يطمح للرجال المناعير
ويزيد ماينقص ولا يلحقه نقص = صقرٍ تعلى واقتنص صيدته قنص
والحر من يمناه ماينطر الشنص = تولعن به سمرهن والمغاتير
وأنا على الله في زماني تقل ضب = كم وحدةٍ قالت : تقلع وجنب
وبيني وبينك مرةٍ قِيل لي : جب = روح اركب الطراد واجمع قراقير
اللهم لا حسد ..
|
الشريف الشرقي..............
لن اطاولك شعرا فأنت نهر لاينقطع ونبع لاينضب
اكتفي بإظهار سعادتي بتواجدك المحبب المرغوب
لك تحية تشبهك وشكر يطال قدرك