قصيدة لأحد شعراء قبيلة عتيبة يمتدح فيها سلايل هجن الحويطات
وعمر هذه القصيدة اكثر من 150 عام
اول جـوابـي طلـبـة الله مـبــداة
عساه يغفرلي ويصلـح لـي اعمالـي
ارجيه فـي الدنيـا ويـوم الملاقـات
يدمـح لـي الـزلات فيمـا مضالـي
وبرقـت فالدنيـا ولامـن طـرابـات
شانـه وقافيهـا الفـنـا والكمـالـي
وطاري طرالي في الرياض مسمـات
هيـض هواجيسـي وفيـح دلا لــي
وان جيت ابا في بعض الاحوال نوعات
اكود علـي مـن عـروض الجبالـي
وقلطت محماسـي وحطيـت حبـات
ومن الزعـل شبيـت فيـه الشعالـي
باتلـى الشهـر الا لـيـال قلـيـلات
مبـدا القمـر قبـل السبـوع التوالـي
رديت من بـا لـي لحونـن عجيبـات
كودن علـى اللـي يبدعـون المثالـي
ادله بهـا فـي ليلـة عقـب ضيقـات
والقابهـا هجـوه وتوسـيـع بـالـي
ادلـه بهـا يـوم اسهـر ولا بــات
وانقـد معانيهـا ســوات الريـالـي
والله يلومتـس يـا العيـون المعـنـاة
يا اللي على هـدرا وجرفـن هيالـي
وشالو مزاهبهم عـل خمـس وزنـات
ولا هـم شفقيـن لكـثـر الاكـالـي
فرحه على فرحه من سـاس فرحـات
فرحان على فرحـان تسعـة جمالـي
وهنه علـى زيـن الطبايـع وديبـات
ونظارهـن يكـفـن دون السـوالـي
حراير من نسـل جيـش الحويطـات
اصايلـن سـوات بعـض الحمـالـي
ورقابهـن مثـل الزواريـق عـدلات
وجنوبها مزنـن جـرد مـن خيالـي
عصي اهلهـا ~~~وهـا خيزرانـات
وبشوتهـم شقـرن حوايـك شمـالـي
ومتحيزمين اكمـار فـي حضرميـات
ومعلقيـن قصـار مـن شغـل تالـي
ولا العسل مبـري السبـود العليـلات
اللـي يحطونـه لسـبـع العـلالـي
الى ان يقول
وتسعين بيتن كلهنه تقـاوات
نظمتها سوات نظـم اليالـي
وستغفر الله كان عديت زلات
قدام تكتـب علـي الزلالـي