رسالتي الخاصه ل:
1/المشرف العام ..واقول والله اني اعتبرك مثل ابوي الحريص علي فأي خطأ تلقاه صدر مني ياليت تنبهني عليه لان الانسان مو معصوم عن الخطأ لكن الخطأ ان الواحد يشوف الخطأ ويسكت وماراح ازعل منك فكيف البنت تزعل من نصائح ابوها او تتذمر منه ((وممكن ما اناديك الا بكلمه يابوي))
2/للريم+اصاله+شموخ +ام فيصل والله العظيم عزيتكم وودي اشوفكم
3/الامل واقول عزيتك وسامحتك على اللي صدر منك وانتي سامحيني على اللي صدر
4/العنود+نجود+وجدان +الهنوف الغاليات:
رسالتي لكم امكن تكون طويله بس عادي تستاهلون
اقول والله العظيم ثم والله العظيم اني احبكم مووووووووووووت بعد ماتفرقت انا وصديقت عمري وطفولتي فائزه بسبب ظروفنا الله عوظني عنها باربع صديقات
وانا ترى يوم اسوي مقالب بس علشان نضحك مو شايلين بس هم الدراسه يعني لازم فيه ضحك وسامحوني ترى داريه مقالبي تتطفش اللي صار لها المقلب بس تضحك الباقين بس بالله عليكم لو ارجع وش بتسوون بدوني بتضحكون ؟! مين بيسوي فيكم مقالب فكروا؟؟
العنود:اول وحده تعرفت عليك وفي العاديات بعد حتى في الكليه ماكنت اعرف شكلك الابعد كم يوم بس الحمدالله ان ربي جمعني فيك وفي قلب طيب مثلك..
نجود+وجدان :تذكرون كيف تعرفنا على بعض ياحليلنا كنى عاقلين كل وحده منى يادوب تقول كلمه للثانيه يعننا نبي نعلم بعض انى عاقلين وشاطرين الحمدلله ان ربي جمعني فيكم
الهنوف:تذكرين يوم جلستي جنبي في القاعه في محاضره من المحاضرات صح كانت حركة كثيره وكل شوي تسأليني سؤال وانا اقول ياربي البنت ذي وش فيها غثتني بس ماكنت ادري ان البنت ذي تحمل ارق الاحاسيس والطيبه المتخبيه في قلبها الحنون واقول الحمدلله ان ربي جمعني فيك


تصدقون احس اني اعرفكم من سنوات طويله وراح احبكم واعزكم للأبد


والله اني يوم اكتب هذه الكلمات والرساله لكم اني ابكي واقول صدق اني غبيه ربي جامعني بصديقات زيكم وافكر اني ارجع واتركهم
وهاه هذاني احلف لكم (والله العظيم) بعد ماوعدت ناس اني اشيل فكره السقوط من بالي وبعد ماشفتكم يوم ماتبوني اروح وتهاوشوني وتقولون قفلي الموضوع اني معكم معكم باقيه حتى لو بقيت للعاده حتى لو ظليت اعيد السنوات راح ابقى معكم
بس لاتصيرون نذلات إذا بقيت للعاده على الاقل وحده تبقى معي خخخخخ
الله يوفقنى كلنا ويوفق جميع المسلمين وانشاء الله نكمل دراستنا بدون ولاوحده تبقى للعاده
وهذي رسالتي اتمنى اني وصلت كل اللي بقلبي لكم بالرغم اني متأكده لو اني ابي اقول لكم كل اللي بقلبي لكم كان ماينتهي

والسلام عليكم جميعا