[الطامي]

هو الشاعر براهيم بن مزيد رحمه الله
http://www.fatahilah.com/showthread.php?t=16141
كان كثير الاسفار واقام في عدد من الدول والبلدان

منها الكويت ومصر والعراق وسمى نفسه ( غريب الدار ) وله قصيده مشهوره قالها في احد شوارع

القاهره الذي يبدو انه انبهر مما رأى فيه ..


( وان مت في شارع فؤاد ادفنوني ....يمشي على قبري بنات(ن) مزايين )

قصيدته قصيده مشهوره تحكي معاناته مع الناس واختلاف طباعهم

ولعلها لا تعني الاصول القبليه بقدر ما تعني تعامل الناس وفزعاتهم لبعضهم حيث يتميز البعض

بالنخوه والكرم والشهامه على البعض الاخر

القصيده ...

لقيت الناس ما منهم سلامه =لزوم(ن) يلحقك منهم ملامه
ولا تحسب مالك لو تبيده =يبي يفداك من هرج الفدامه
بذلت الجود في من لاجزاني=سوى ذم اذا هبت ولامه
حقود القلب نقال الوشايه =هذور سهمته نقل النمامه
الا من طرى له ما طراله =تكلم ما يثمن وش كلامه
يقوله يزعم انه ما زح به=وهو ينقض ويفتل في عدامه
الا ياليت ربي يوم سوى=عبيده حط للطيب علامه
لجل منهو با الناس جاهل=يعرف الحر من برق الجهامه
لجل بالناس شيطان ملبس=ولو لوى على راسه عمامه
يغرك بالسلام وبالتحفي=ولا تدني منامك من منامه
وبعض الناس في ممشاه رافض=يختل الناس في قل اهتمامه
يحني لحيته كنه مطوع=ولا يفرق حلاله عن حرامه
حذارك لا تحطه لك ظنينه=ترى ذاك الطمع منه سلامه
وبعض الناس يبدي لك نصيحه=ولكن ما تعرف وشهو مرامه
وهو ما مقصده نصح ولكن=يبي يلبسك للحاجه خطامه
وبعض الناس يوريك المحبه=وأرق من البريسم في تمامه
إلا قام يتمسكن بالتلفظ=تقول اطهر وأصح من الحمامه
وهو بولة حمار عزك الله =ينجس من مشى حولك رشامه
وبعض الناس محمود السجايا=رقى العليا بعزمه والتزامه
الا منه بدا لك فيه لازم =قضى لازمك ما ثمن حطامه
كما انه وافي في كل خصله=عريب الجد خيلانه عمامه
اسأل الله يرفع كل خير =عن الخذلان لا يهفي مقامه
اقول الناس مشكاهم على الله =لزوم(ن) يلحقك منهم ملامه