الموضوع
:
ناديتني والا جـروحي
عرض مشاركة واحدة
21-07-2019, 09:59 PM
رقم المشاركة :
1
الطائر المهاجر
** (عثمان العبدالله) ** المؤسس والمشرف العام
معلومات إضافية
النقاط :
20
الحالة :
ناديتني والا جـروحي
غناء ابوريم
بصوتي
ناديتني والا جـروحي تنـــادا= والا نحيب القلب في تالي الليـل
ياللـي نسى حبّي بطول البعـادا = حصّلت بعـدي حب يعطيك تدليل !!
ان كان تسمعني ترى النزف زادا = وان كان تذكرني فلا عاد بي حيل
بعت المحبّـه عيـزةٍ بالمـزادا = وخلّيتني اشكي من الحزن والويل
سلّمت لك قلبي واشوفك تمـادا = تدفنه حـي بعد حبسٍ وتنكيـل
واقضي بقايا العمر ليلي سهـادا = كني كسير حسّ بالرجـل تنميـل
يسري بي الهوجاس فوق الوهادا = ضايع بدربي لانجـوم وقنـاديل
يمكن اعرف السر وادري الوكادا = ليش التغيّر بين صـدٍّ وتبـديل
كنّـا مثـل طيـرين حب وودادا = ادعيك يا قمرا وتناديني ياسهيل
ولو غبت لحظه تفقدين الرشادا = حتى تعرفي بالخبر دون تاجيـل
ومن غيرتك عشت النكد بازديادا= ابعد عن الاصحاب خايف من القيل
لا تحسبيني طير سهلٍ يصـادا = صعبٍ تصيدي الحر بين الرجاجيل
يا لعنبو حبٍ يـذل العبــادا = من يقبـل الذلات ذيلٍ ولد ذيـل
الحب شمسه ما تبي اجتهـادا = روحٍ تخـاطب روح ما فيه تمثيل
والحب إيثـارٍ وقصرٍ يشـادا = ما ينبنى قصرٍعلى ساس به ميـل
وحبي لروحك عن ثبات وسـدادا = مانيب غـروٍ جاهل بالمداهيل
اكتب لك احساسٍ يحرك جمـادا = تنطق به الحـاني بعذب المواويل
عـودي لعقلك واتركي هلعنـادا = ما دام في قلبي المعذّب مداخيل
والا وطيت القـلب علـمٍ وكـادا= مالي بقلبٍ ينخـدع بالتمـاثيل
توقيع
الطائر المهاجر
تفاعلك مع غيرك يشجعهم على التفاعل معك
الطائر المهاجر
مشاهدة ملفه الشخصي
البحث عن المشاركات التي كتبها الطائر المهاجر