الــزمــن مــســرح وحــنـــا مـمـثـلـيـن
والـغـبــي الــلـــي بـــــدوره مـــــا درى
ولا درى نـوع الحضـور الجالسيـن
ولا درى الأنـــوار تـخــدع مـــن رأى
ولا درى منـهـو يـراقـب مــن يمـيـن
ولا درى الإعــلام يكـتـب مــا جــرى
ان اجــاد الــدور كـسـب القادمـيـن
وحصـل اللـي ماحلـم بــه واحـتـرى
وان خرج عن نص ماله سامعيـن
كـــــــود مـــأجــــورٍ يـــــــدور لــلــثـــرا
حـكـمـة الله فـــي زمـــان التايـهـيـن
ومـن يـدل الــدرب بالنـفـس افـتـرى
غمض عيونك مع اللي مغمضين
وامــش معـهـم بــس لا تـنـظـر ورا
ودام خربانـه فــلا لــك مــن معـيـن
انـخـرب معـهـم واقـحـش مــا تـــرى
كـود تنفـع مـن تجـد مـن بائسـيـن
مــا دروا فيـهـم ولــو فــوق الـثــرى
تـحـت ارجلـهـم كـنــوز القاحـشـيـن
وفـوقـهــا جــوعــا وبــعــضٍ بـالـعــرا
ولو تشوف النخل بارض الرافدين
مــا خبـرنـا النـخـل يطـلـع فــي كــرا
مسرحيـة تكـشـف الـلـي مــا يبـيـن
مــن عـهـودٍ سـالـفـه فـيـهـا خـشــرا
مـن حـروف الضـاد باقـي كلمتيـن
الـجــهــل نـعــمــه بـــوقـــتٍ دحــــــدرا
صح لسانك واعتلى شأنك
نص رائع من شاعر رائع
لاهنت
دمت بود