بسم الله الرحمن الرحيم
أطول بيت شعر قد كتب في الشعر هو للشاعر الذي أطلق عليه الشاعر المعجزة <<مع تحفظي لكلمة معجزة>> وأطلق على قصيدته الطيارة القصيدة المعجزة الشاعر حمد بن هادي المسردي رحمه الله وأسكنه فسيح جناته
يقول في قصيدته وسأذكر البيت الأول فقط ثم سأضع في الرد قصيدته كاملة إن شاء الله
يا راكب من عندنا طيارة ماطـــورها
لارن عبت كنبريشن فل وافتـــــرت
مراوحها وطارت بالفضـــا من
طائرات اطراز ميج اربع
مراوح واربعة
متحركات
.
من نوع سبعمية وسـبعة وارد امريكا وصنع
فرانكفـورات اسطول من احدث اساطيل
الفضاء قد صممت باكبر
مصانع سابقات
اصواتها
فحاولت مجاراتها مع تغيير القافية الثانية وأسميتها قصيدة الصاروخ فأقول مستعينا ً بالله وعلى بركة الله وللمعلومية القصيدة جديدة والتسجيل الصوتي سجلته الآن ولكن أتمنى أن تنال إعجابكم
لسماع القصيدة أضغ هنا
للتحميل أضغط هنا بزر الفأرة الأيمن م حفظ الهدف باسم
قصيدة الصاروخ
ياراكبـن صـاروخ طايـر للفضـا هـاك الرسايـل بثهـا عبـر الفضـا فـي عالمـن فيـه الفضـا يرسـل رسـالات الخبرفـي ثانيـة باقمـار تنشـر علمهـا للمستـمـع كــل اللـغـات
أقمـار فيهـا خيـر للأمـه وفيهـا شـر مـاودك تشوفـه لكـن اللـي عاقـلـن يـعـرف طريـقـه ينتـقـي منـهـا مــراده فــي حيـاتـه ماتـبـع شـهـوات نفـسـه فــي هــوا شيطانـهـا
ودي أبيـن فـي قصيـده مانشوفـه فـي حياتـن صـار كـل إنسـان منـا مايهمـه غيـر نفسـه لـو يشـوف الشـر يكثـر مايناصـح أو يوجـه بـس يقـول إحنـا بعصـر العولـمـات
وشلي بغيري دامني ساير بحالي كافين خيري وشري في زمانن صار فيه الخير شرن واصبح المنكر نشوفـه شـي عـادي والفضيلـه شـي مستغـرب علـى مـن صانهـا
أول رسالـه ديننـا ديـن العقيـده والتراحـم والترابـط بيننـا ماهـو بديـن إرهـاب تكفيـرن ولا قتـل أبريـا فـي عالمـن صـار الضعـيـف ســلاح بيـديـن الـوحـوش الكـاسـرات
الـديـن ديــن أخــلاق ديــن أفـعـال فيـهـا الطـيـب عــاده لاتـشـدد لاتعنـصـر لاتبـاغـض لاتنـافـر لاكراهـيـه ولاحـقــدن يـفــرق مايـجـمـع يـضـعـف الأمـــه يـهــد أركـانـهـا
الله أمرنـا فـي كتابـه نجتمـع مانفتـرق والله أمرنـا بالتعـاون فـي أمـور الخيـر مـن يخطـي نـدلـه ننـصـح المخـطـي بحسـنـى فــي محـبـه مانـصـارخ مانـزيـد المشـكـلات
والله أمرنـا بالخصـال الطيبـه مـن صـدق قولـن حسـن فعلـن والوفـا بالعهـد مانظلـم ولانسـرق ولاغيبـه ولاناخـذ لصاحـب حـق حقـن لــو عـلـى نـفـس الفـتـى نكرانـهـا
أيضـن علينـا واجبـن منهـو كبيـر نوقـره منهـو صغيـرن نرحمـه منهـو مريـض نـزاوره نفشـي سلامـن بابتسامـه فـي تواضـع الغنـي مثـل الفقيـر وماتفرقـنـا الصـفـات
الجار نحفظ جيرته والضيف نكرم ضيفته واللي فقير نساعده هذي طبايع ديننـا لـو بـه تمسكنـا اهتدينـا واصبـح المسلـم عزيـزن فـي ديـاره والعـدا تبكـي علـى خذلانهـا
والثانيـه يابايعـن دخـان شيشـه أو مـروج للمخـدر والخمـر بعتـو دمـار شعوبكـم فـي نصرتـن لأعدائكـم وأعظـم خطـر بأفعالكـم صرتـو سبـب قتـل النفـوس الطـاهـرات
جبتـو خسايـر للوطـن والرابـح اللـي ماخسـر صانـع صنعهـا قـد كفـر هاكـم نصيحـه واسمعـو توبـو قبـل لاتندمـو يومـن تكـون أجسادكـم فـي نـار منكـم تشتعـل نيرانهـا
والثالثه ياللي تنادي بالتحرر للمره تبغى المره مع الرجل في مكتبن واحـد سـوا تبغـى المـره فـي مرقصـن ترقـص لمثلـك فـي دلـع تبغـى يكونـو فـي الشـوارع فاتنـات
تبغـى تكـون بلادنـا مثـل العجـم فيهـا بيوتـن للدعـاره والخنـا فيهـا مراقـص للبنـات العاهـرات اللـي يبيعـون الـشـرف بـأرخـص ثـمـن هــذا طلبـكـم للـشـرف حرمانـهـا
واللي تنادي في مساواة الرجل تبغى المره مثل الرجل خلي الرجل في كل شهر يحيض ثم يحمل ويولد ثم يرضع لأجل نصبح في تساوي بالحقوق الحاصلـه والواجبـات
كيف التساوي يجتمع والفرق شاسع متسع الله قسم كلن على هيئه وشكلن مختلف والكل له واجب حسب ماقد أمر فيها التعاون مشترك والفضل منهو واجباته زانها
صنفين دعوتهم بدعوة من يهـود الغـرب تسعـى فـي فسـاد أمـة محمـد والهـدف تدميرهـا للديـن بالفتنـه ونشـرن للدعـاره بيـن أمـه عزهـا فـي ديـن راعـي المعجـزات
قد قالها خير البشر في مثلهـم فيمـا روا عنـه البخـاري فـي الحديـث المعتبـر معنـى حديـث المصطفـى داعـي علـى بـاب الجحيـم الموقـده مـن يتبعـه يدخـل معـا بيبانهـا
والرابعـه ياصاحـب المـال الكثيـر اللـي ملكـت مـن الفضـا ساحـه تبـث الشـر فيهـا للبشـر فـي كـل بيتـن مـن بيوتـن آمنـه تفسـد بنشـرك للرذيلـه صالحـيـن وصالـحـات
تنشر عبر شاشات في وسط البيوت الحافظه رقص البنات العاريات اللي لها غنج وطرب فيها مياعه بين شلـه مـن شبابـن فاسـده ترقـص علـى أنغـام عـزف ألحانهـا
تنشر مسلسل فيه قصه للغرام الزايفه فيه القبل فيـه الخيانـه والغـدر فيـه الخمـر شربـه بطولـه والمدخـن هـو بطـل يعنـي فسـاد أخـلاق جيلـن مـن شبـاب ومـن بنـات
تنشـر برامـج فاسـده تكسـب ذنـوب اللـي يشاهـد مـن تأثـر كلهـم يـوم القيامـه يطلبونـك للحسـاب اللـي مصيـرك تاصلـه تحـمـل وزور أقــوام ماتحـصـي عــدد أوزانـهـا
والخامسه ياللي تظن المرجله ضرب المره في عصمتك المرجله ماهي شوارب والعضل المرجله بأخلاق دينن فـي تفاهـم بينكـم تصفـى نفوسـن مـن خطايـا حاصـلات
خذ من حياة المصطفى في بيت أهلـه مدرسـه عامـل برفقـن فـي محبـه صادقـه خلـك حليمـن صابـرن عندالغضـب تكسـب سعـاده دايمـه أحسـن تلاقـي ردهـا بإحسانهـا
والسادسـه هـي للبنـات وللبنـيـن الـلـي تـبـدل جنسـهـم يقـلـدون الـغـرب فــي موضاتـهـم مايـاخـذون إلا ردا أفعالـهـم قـصـة شعـرهـم والسـلاسـل والثـيـاب الفاضـحـات
والوشـم فـي أجسادهـم أصبـح علامـه بـارزه خسـرو عوايـد ديننـا عـادات ترفـع راسنـا واستبدلوهـا بالمياعـه وانحـلال اخلاقهـم سـارو علـى درب الـغـوى وادرانـهـا
البنـت تلبـس للقصيـر اللـي يبيـن ساقهـا مـع الفخـذ والبطـن عـاري موضـةن مستحدثـه حتـى العبايـه أصبحـت فتنـه ولاهـي للستـر يعـنـي نسـائـن كاسيـاتـن عـاريـات
فـي مثلهـم أنصـح نصيحـه ياعساهـم يقبلـون الفايـده لاتخسـرون الآخــره بأسـبـاب دنـيـا فانـيـه تـوبـو وعــودو للـصـواب الـلـي عـلـى نـهـج الحبـيـب يقـودكـم لجنانـهـا
والسابعه هي للشباب اللي لهم في المجتمع خانه كبيره فاضيـه فـي طيبهـم طيـب الأمـم هـم للعـدو أكبـر هـدف هـم للوطـن أكبـر أمـل صلاحهـم يعنـي بـلادن شامخـات
فــي ديــن ربــي عـزكـم تمسكـوبـه تفلـحـو أنـتـو عـمـاد المجتـمـع لاتتركـونـه يـنـهـدم مـــن الـعــدو تعـلـمـو عـلــم الـعـلـوم النـافـعـه صنـاعـتـن بـأسـرارهـا وأفنـانـهـا
لاتدفنـون أوقاتكـم علـى أمـورن ضايعـه شاشـات تاخـد وقتكـم فيهـا أغانـي ماجنـه أو دردشـه علـى الهـوا فيـهـا ضـيـاع أموالـكـم وأعمـاركـم عـلـى أمــورن تافـهـات
لاتشغلون أوقاتكم سهرات فوق الأرصفه أو فـي أماكـن تجتمـع فيهـا العوايـل والأهـل تقضـي فراغـك بالغـزل ترقيـم أو خـدش الحيـا العـرض دينـن فـي السمـا ديانهـا
أو فـي الشـوارع فرفـره تفحيـط يقتـل أبريـا فيـه الخسايـر واضحـه أصحابهـا تفـاخـرو بأفعالـهـم لـكـن فخـرهـم مهـزلـه مـافـادو أنفسـهـم ولا سلـمـت نفـوسـن ثانـيـات
لـو كـل فاضـي يشتغـل ينتـج يقـدم للوطـن كــان الأمـانـي حاصـلـه فيـهـا النتـايـج ناجـحـه والـكـل يـوصـل للهدف بــلا تـراخـي أو كـسـل وبـلادنـا تــزدان فــي عمرانـهـا
هـذي رسايـل قلتهـا منظومتـن محبوكتـن فيهـا حقـايـق حاصـلـه جمعتـهـا لـلـي يـبـون الفـايـده أنـصـح بـهـا نفـسـي قـبـل غـيـري ونفـسـي للخطـايـا لازم إنـهـا كاسـبـات
جاريت فيها المسردي حمد ولد هادي الأصيل اللي سلـك صعـب القوافـي والبحـور النـادره أدعـي إلاهـي يرحمـه يجعـل بقبـره روضتـن فـي جنتـن مـن ريحهـا ريحانهـا
هذي قصيده وزنها مستفعلن في شطرها خمسة عشر تفعيلتن بحرن جديـدن لابـن هـادي ناظمـه حاولـت فـي نظمـي أكـرر هالبحـر شكـرن لابـن هـادي بنظـم النـادرات
فيهـا الختـام أرسـل صلاتـي مـع سلامـي للنبـي الهاشمـي خيـر البشـر والأنبيـا هـادي إلـى نـور الهـدى آخـر رسولـن مرسلـن مـن عنـد ربـي للأمـم سيـد ولـد عدنانهـا
كلمات أخوكم مشبب القحطاني أسير الصمت
تقبلوا تحياتي ومن كان له نقد أو تعديل فأقبل التوجيهات والنصح ومنكم أستفيد.