الموضوع: غياب
عرض مشاركة واحدة
قديم 16-08-2018, 03:58 PM   رقم المشاركة : 1
سمّار
/شاعر





معلومات إضافية
  النقاط : 10
  الحالة :سمّار غير متواجد حالياً

 

افتراضي غياب


‏ليه الغياب....اللي فتح للحزن باب=يدخل منه...للصدر معْ مُــرّ فقدك
‏قلبي عليك انلاف وأنشبّ وانصاب=ولا عاد به مخلوق.....يبريه بَعدّك
ياللي اخاف عليه.وأقلق ليا غاب=وان صار طيب...قلت يا قلب سعدك
لك قصر في قلبي مثل قصر مرقاب=ولك روح في روحي ولك نبض وحدك
وتبقى بباقي العمر لك قسم وحساب=بدعاي وأفكاري ولا اخلف بوعدك
ولوهي مشاعرنا غدن مثل الاغراب =اذكر مشاعر وجِد روحي ووجْدَك
وان كنت ناوي روحةٌ ما بها اياب=عساك تنساني ليا جَـدّ عهدك
عشان مايلحقك من ذكري اتعاب=ويتوه طيفي ولا يصل يوم عندك
وحتى ولو بتقول ...ماعادنا احباب=اقلّها صاحبك يوجعه بُعْدك






توقيع سمّار
 
يالله........ ثبتني على الارض ...لاطير
لين اشرب الشاهي..واكمل علاجي...
بندر بن سرور
لعيونك
  رد مع اقتباس