يـا الله يــا والــي عـلـى كــل جـبّـار
يا محصي ٍ خلقـك وعـلام الأسـرار
أدعــوك ياعـالـم خـفـيـات الأبـحــار
انــك تيسـرلـي امـــور ٍ عـسـيـرات
ماخـاب منـهـو طــق بـابـك ونــاداك
يدعـوك بصفاتـك وعــزك وبسـمـاك
متعلـق ٍ عـن كــل رجــوا بـرجـواك
رحمتـك يـا خـالـق جمـيـع البـريـات
أسألك ياربي تجيب السؤالي
يم يسر ٍ كل الأمور الثقالي
بسمك أنادي يا عظيم الجلالي
يا سامع ٍ سر النفوس الخفيات
تعـافـي امـــي يـــا إلـــه المخـالـيـق
يـا والـي الشـدات يـا فـارج الضيـق
أسهـر طـوال الليـل نـومـي تخافـيـق
والكبـد تصلـى والمدامـع غـزيـرات
يمـه غـلاك بداخـل القـلـب حـسـاس
وقدرك رفيع ومركزه عالي الـراس
لامـن فقـدتـك كــن قلـبـي بمحـمـاس
ولاشفـتـك قبـالـي تـــزول التـنـهـات
انتـي بقلـبـي مـثـل بــدر ٍ سطـوعـي
نـوره يسلـي خاطـري مــا يـروعـي
نقشـت أنـا حـبـك بعـالـي ضلـوعـي
يـفـداك يــا يـمــه عـيـونـي هـديــات
بهديك من قلبي كثير السلاما
وبهديك حب ٍ محتويه الغراما
يا بهجة أنفاسي حنانك وساما
متعلي ٍ حايز رفيع الدراجات
يسوقني ماضي بعيد المشاوير
يحدني أبكي دموعي طوابير
يومي صغير ٍ مثل فرخ العصافير
يومك تلقميني من الصدر رضعات
خوفك عليّه من هبوب الرياحي
حجرك سريري فيه حلو المراحي
وردك عليّه بالمساء والصباحي
يحفظني ربي من نفوس ٍ مشقات
كم ليله ٍ عينك تعاف المباتي
لازادت أجروحي وزادت شكاتي
يحتار فكرك من جميع الجهاتي
كله على شاني عيونك سهيرات
الله أمـرنــا ومـــره الـيــوم مـلــزوم
ويـا سعـد رجـل ٍ لمـه يـبـر ويــروم
يرجي رضى ربه ويسعد على الدوم
ويـوم القيامـه يهتنـي وســط جـنـات
ولي عصـى ربـه وعـق امـه الحيـن
مــا ينفـعـه جـاهـه وكـثـر الملايـيـن
فـي يـوم فازو بـه هـلّ الحـق والديـن
يـوم ٍ يـجـازا كــل عـبـد ٍ بـمـا فــات
وصــلاة ربــي عــد وبــل الغمـامـه
عـلـى النـبـي أحـمـد رفـيـع ٍ مقـامـه
يـشـفـع بـــإذن الله بــيــوم الـقـيـامـه
يـوم عسيـر ٍ يـذهـل العـقـل حــرات