السلام عليكم ورحمة الله وبركاته
عندي لكم سؤال ؟؟
شلون تقطعون الدجاجه المجمده الكامله ؟؟؟؟؟؟؟
هههههههههههههههههه
شوفوا إذكرو الله وقولوا مشاء الله تبارك الله
وصلوا على النبي عليه أفضل الصلوات والتسليم
نبدأ بتقطيع الدجاج
بسم الله وعلى بركة الله-----------------------
1--------- جيبي دجاج مبرد وقطعيه على الأشكال اللي تبينه أنصاف أرباع تتركينه كامل أو تسوين جزء\أنصاف وجزء أرباع على حسب حاجتك وأغسليه ونشفيه من الماء الزائد
وحطيه بالفريزر وإرتاحي يصير ما يبي إلا تطلعينها وتطبخينها ومو مشكلة لو نسيتي ما طلعتيها بدري
وأنا اليوم اللي ما أطلع دجاج بدري أقوم أطلع اللي مقطع أرباع وأسوي برياني هههههههههه
لأنه أطبخ الدجاج في قدر والرز في قدر ويمديهم يستوون بسرعة ثم أضيف الرز على الدجاج تعرفون الطريقة عاد بقول قصة حياتي
والرجال يجي يحسبني مسوية له مفاجئة ومتعبه نفسي على البرياني خخخخخخخخخخخ ما يدري إنه ناسية أطلع الدجاج بدري بس خليه مبسوط هههههههههه
2-------- تدرين إن الدجاجة إذا قطعتيها أنصاف يروح طعمها ؟؟!!!!ما أدري شنو السر المهم لاحظت إني إذا تركت الجاج كامل وطبخته وبعدين حمرته بالفرن وبعدين أقصه أنصاف ولا أرباع إنه أطعم
وألذ
3--------أوقات أقوم أفتح الدجاجة من الخلف الظهر بس ما أفصلها نصفين وأنظفها وأنقعها بالخل والملح وبعدين أطلعها وأغسلها وأتبلها تتبيلة خفيفة لا تكثرين البهارات وأدهنها بالشطة العلالي ولا أي شطة حقتنا المعروفة ولو عندي ثوم من حق البروستد أحطه وأوقات أسوي خلطة من الشطة ورشة بهارات وزيت وثوم لو حبيتي بعد بس إنتبهي البهارت رشه يدوب تشوفينها مو تغلفينها بهارت لأنها تحترق منها وتصير سودا
المهم أدخلها الفرن في المستوى الوسط وأولع اللي فوق بس والدجاجة تكون من جهة الأحشاء
وسبحان الله لايمكن يصير لونها ذهبي إلا لما يكون اللحم مستوي ثم أقلبها على الجهة اللي عليها الجلد
وأتركها لحد ما تتحمر وأدعوا لي
4-------طريقتي منول إذا جانا ناس فجأة وبسوي عشاء أطلع الدجاج وأقوم أجيب سكين قوية وهذي مخصصتها للشي هذا أحط السكين في منتصف ظهر الدجاجة وبيد الهاون ((النجر)) كم طقة لينها نصفين متساويين خخخخخخخخخخخخخخ وخواتها مثلها ولو بغيتها أرباع بعد نفس الطريقة الله يسلم يد الهاون والسكين ولا الساطورة وهات يا ضرب خخخخخخخخخخخخخ
ثم أحطه بماء دافي مو حااااااااااااااار إنتبهوا ترى الحاريخربه وملح لين أغسل الرز وأجهز باقي الأغراض
5------ وطريقة أخرى لطبخ الدجاج اللي نسيتي تطلعينه بدري خخخخخخخخخخخخ
قومي هاتي مقلى ولا صينية لها غطاء تكون عميقة شوي وقطعي بصل شرائح وشوحيه مع فص ثوم وصلصة الطماطم معجون يعني
وشرائح طماطم وفلفل أخضر وأحمر بارد حسب الرغبة بس لذيذ تراه
وبعدين أصف الدجاج فوقه وأضيف له جزر وكوسة وبطاطس وفاصولياء لو حبيتي ومقطعة أصابع
بس عريضة شوي ولو الدجاج ثلج مرررررررررة أخليهم أنصاف اللي هم الخضار
وأضيف ماء وملح وكم عود قرفة بس وأغطيهم ولا أحركهم أبد لما اشوف الخضار مستوية خلاص أطفيه وطبعا أكون مجهزة متبل وسلطة ولا حمص ولا سلطة روسية وخبز أبيض وأسمر
وإدلع نفسي أنا وزوجي وعيالي
وهذي الطريقة لذييييييييييييييييذة جداً حتى لو مافيها خضار جنان وبالخضار بعد أحلى
الحمدلله إنتهينا 
؟؟؟؟؟؟؟؟؟؟؟؟؟!!!!!!!!!!!!!!!!! !
إذا خطر شي على بالي جيت وحطيته ولا جمعته لكم في موضوع ثاني أحسن كني أشوف إنه عندي مواهب خخخخخخخخخخخخخخخخ