[بنت النور]

المشاركة الأصلية كتبت بواسطة الطائر المهاجر

قولوا لعقّال العرب لايغفلون= اشوف من خلف السحابه اعاصير
وطابور خامس باع دينه لصهيون=واصبح يخدمه دام يقبض دنانير
واحدٍ عطوه الوعد باملاك فرعون= لا نفذ المطلوب من غير تقصير
تجمعت اطماع حصني وقيطون= وكلٍ بتسبيحه يخدع الجماهير
مر بجهاد ومر ثورات وجنون= ومن خلفها صهيون ينفخ بها الكير
بان الهدف واضح بلا شك وظنون= تقسيم في تشريد بارض المناعير
اللي لهم تاريخ معروف بالكون= ودوله عظيمه حطمت للأباطير
من فرس او رومٍ لهم عالي حصون= ويهود ذلوا بعد عز وتقدير
سلاحهم ايمان صادق ومكنون= ماهو نفاق وكذب بعض الطراطير
اللي لقى العادي بهم صيد مضمون= وصاروا يخدمونه على غير تفكير
بعضٍ له جنود وبعضٍ له عيون= والوف تقتل بين ذبحٍ وتفجير
ونار الطوائف تشعل لجو مشحون= ومن صار ضدك جته فتوى بتكفير
ياحيسفا برجال وصلوا الى الدون= من اجل دنيا ما تساوي لقطمير
يلعب بهم صهيون للذل يشرون= نسيوا جدود بالشجاعه مغاوير
ماخبر فيهم من بخبثٍ يخونون= ولا خبر فيهم من تديره مغاتير
ولا خبر فيهم عضو في حزب ماسون= ولا خبر فيهم من يزور المزامير
واليوم اشوف البعض عن جهل يبنون= احلام واوهامٍ على غير تقدير
اوراق تستخدم وتحرق بغليون = ومن لا اعتبر بالغير يجني المخاسير

صح لسانك وعتلى شانك
ابداع ياسيد الابداع
يعطيك العافيه
لاهنت
تحياتي لـ سموك