[عمر ال شيبي]

يالله دخيلك سترة الحال بالحال =سج الظمير اللي تعنا ذليله
مفرد لها نيشان قلبي منال =صعب التراخي من ربيع ٍ دليله
انطيتها عرق المحبه ولاْهوال=جابت لنا سم الافاعي فعيله
مثل الهرش منبوذ رعي لاْوصال= همل الرعايا ما لقينا وصيله
خلفة عشارا همها وسط همّال=فاطر عناها الروح حاشي يشيله
مردوفة الحملان عين ٍ له الخال = معيونة الاوصاف تخلي سبيله
بكر و ظناها الشوق مجهم ومرسال= زمل ٍ تشوف النار فر ٍ جفيله
وجفالها مرصود صحر ٍ به الغال = خلج ٍ تشوق النفس موطن رحيله
احوارها مفقود موت ٍ جناْ الزْال = واسبالها مقطار نوم ٍ ذبيله
وحقادها بالعين قهر ٍله الشال = برموشها المطلوق موت ٍ مسيله
ومْسوحها تِحنان حلب ٍ لِاْمِزوال = غتر المغاتير المِحايل تِحيله
قالوا الوفا يا صاحبي صبر ومحال = قلنا الهوى والروح تمشي هويله
كيفن لنا وسْبيب يطرف له المال = منقوعها رشراش شان الطويله
فرسن لها الخطوات ميسر وسلسال =وسْلامها من جود رحب الكفيله
منخارها محبوب صلف ٍ وحلحال = وقرونها بسنام مد ٍ جميله
يالله دعيتك تاخذ الحق منوال = تنطي حنايَ اقعودها من يعيله
دنيا خليه من طواريش واموال = زود التراحيب الاصايل حليله
هجت لطاري من رحاب الرحال = يم الاماره اللي تسوق القبيله
نوخ الذلول اللي يسابق لاْمطوال = مابين غارب والردف من يجيله
هذا ابن شيبي رصْدها بالكفّي جال =فنجال هيل ٍ من مِكايف مقيله
نار ٍ وشبت والمزاين غِنا الفال = يا ليت ابلقى من يزاحم خليله
شبيتها مكتوم والحال منزال = يم المسافر كهفة الشوق ميله
طرقي ترى مسحوب والقول مرسال = راعي المكاسب والمعاين تخيله
يالله دخيلك سترة الحال بعمال =دام الغنايم في رحابك مثيله