ماينفعك لاصـرت محتـاج بالحيل ،،، جديدنا

[الطامي]

ماينفعك لاصـرت محتـاج بالحيـل=الا شمـيـمـيِ مــــن عــيــال بــــدوى
والا حضـريِ لاعطـى يوفـي الكـيـل=من طيب راسـه مايواعـدك غـدوى
واعــم فـيـهـا الطيـبـيـن المشـاكـيـل=وكـل ابلـجٍ خــلَا المطالـيـق قــدوى
ولا اقصر منها كل طيب وحلحيل=الـلــي لـــدرب الغانـمـيـن ايـتـقـدوى
اللي مجالسهـم بهـا البـن والهيـل=والا الـردي جعـلـه عليـهـا مـفـدوى
ماهمـهـم كـثـر الـحـكـي والاقـاويــل=ولاهمـهـم غنـجـة سمـيـره وشــدوى
لاجــت سوالفـهـم بـوقـت التعـالـيـل=محبوكة مـن الخمـل حبـك سـدوى
ماهـي علـوم فـلان وفـلان بالقيـل=والكـل منهـم لـه طـريـق بــه ادوى
يالله عسى دنيا القروم التساهيـل = الــلــي نـفـعـهـم لـلـقـرايـب مــبــدوى
قـلـتـه ولالـــي حــاجــة يـارجـاجـيـل=لاكن اذكَر كان فـي القـول جـدوى

[الطائر المهاجر]

صح لسانك
طيبه من طيب
لاهنت
تحياتي

[الطامي]

والسانك دكتور
وشكرا لمروك
لاهنت

[داعي الشوق]

صح لسانك يا بو محمد

ابيات جزله و شاعر جززل

لاهنت يالشاعر

[الطامي]

صح بدنك داعي
وشكرا لمرروك
لاهنت

[منيع]

رائعة من رائع
شكرا لك
تحياتي

[الطامي]

منيع
صح بدنك
وشكرا لمرورك
لاهنت

[بنت النور]

صح لسانك ياشاعر الفطاحله
يعطيك العافيه على ماخطه قلمك
لاهنت تحياتي وتقديري

[نجم الإبداع]

صح لسانك يابو محمد

مصافحه جميله

لاهنت


تقديري

[حرف وشعر]

رايعه يامنصور رايعة ،،

سلامى على هكذا ابداع ،،