دنّي دموعك ونا , بآدنّ موالي

[ماجد الزيد]

اضحك وداري همومي كل مابانت=واسج لاضاق صدري فالخلا الخالي
امّا اجوس الوسيعة كل ما شانت=ولا تنادمت لا ضاقت مع دلالي
لاقلت هانت يقول الليل,وش هانت؟=ون قلت سهله يقول القلب .شف حالي
كني محكومن وساعة ذبحته حانت=عزّ النصير وتذكّر ربّه العالي
وجدي على اللي يطول الوقت ما خانت=اوفى من هْمومي الي داحمة بالي
اصونها بالهوى لامنّها صانت=قلبي لها دار ٍ و مدهل ومنزالي
موّنت قلـبي عليها وهي بعد مانت =لين طْعنتي وخلتني على فالي
مدري تغابي او ان قلوبنا رانت =مدري . ولكنّ قلـبي دمدم ٍ بالي
بعيونها كنت كل الكون ,وهي كانت=الكون كلّه ولا اغلى منها غالي
ياوجد حالي على الي كل ما زانت=يردّها الوقت قفر ٍ مشهب اللالي
دام الحياة إن صدقنا فالهوى دانت=دنّي دموعك ونا بادن موّالي
ليت الذلول اللي اقفت فيك ما توانت=لاوالله إلا يا ليت الأرض تنزالي
مدري ردى حظّ ٍ او عدواننا عانت=عين الحسد منّها الجيلان تنهالي
لو اشتكي الهمّ لصخور الهدا لانت=ناره وشبّت بجيب الثّوب والشّالي
اضحك لو إنّ القطيعة بيننا بانت=اخاف لاسكت تجيب العين همّالي

[منيع]

من الروائع
شكرالك ولحرفك المميز
تحياتي

[عبدالله راشد الثويني]

شاعرنا الجزل / مـاجد الزيـد
صح لسانك مليـون ولا يكفون أبدعت وامتعت
رغم الألم الذي يسكنها إلا انك نسجتها بإسلوب شاعر متمكن
تسلم يمناك على ماخطت طامعين بالقادم المـُـشرق بإذن الله
تقبـّـل تحيتي

[بنت العز]

رائعة من شاعر رائع
ومتجدد الإبداع
صح لسانك وفكرك
ودام ابداعك
يعطيك العافيه

[عبدالعزيز ابراهيم المنصور]

ماجد الزيد
لافض فوك ولاهنت
نص رائع وكلمات جميلة
سلمت ودام هذا الإبداع
دمت بخير

[داعي الشوق]

شاعرنا الجزل / مـاجد الزيـد

صح لسانك مليـون ولا يكفون

أبدعت وامتعت يا بو حمد

ولاهنت

^^^^^^^^^

[عمر ال شيبي]

كانت

لا هنت

صح لسانك

لا هنت ابد

تحيه وتقدير فوق العادي

[الراقي]

صح فكرك

ودام حرفك ..

و صح لسانك

كل الشكر لك

[ابو أنس]

الفاضل ماجد الزيد.................زز
نص قوي وجميل كالعاده
من شاعر متمكن
تحيتي وودي

[حوريه]

اصونهـا بالهـوى لامنّهـا صانـت
قلبـي لهـا دار ٍ و مدهـل ومنزالـي

صح لسانك مليوووون ياماجد
جزله من شاعر جزل
دمت ودام حرفك