قصيدة التوجد ؟؟؟؟؟؟؟؟؟؟؟ والمري

[الطامي]

ياوجودي وجد من راح في وقتٍ مخيف= في سموم القيض والذيب بالصوت ايعوي
والذلول اللي عليها مزاٍدٍ لـه عسيـف= غر فيها بعقلها يحسب ان حبلـه قـوي
راح يطردها بتالي الجهد قد هو ضعيـف= لين طاحت بندقه والفشق فيهـا سـوي
قلط المزلاج والذيب مقبل لـه صفيـف= وفي ثوانيٍ كزها وكذبـت كـل النـوي
رد للخنجر خابرها شباها حد سيف = مادرى ان انصابها في حديده ملتوي
اعتزى يومن قرب حفيفٍ من حفيف= وطوح ابصوته ياعزاه مايوجد خوي
مادرى الا صوتها مثل رعاد القنيف = طلقة في راس سرحان ماجاته غوي
التفت ثم شاف سمحه تزرفل بالرديف= فوقها ربعٍ على الموت كلٍ مهتوي
فوقها اخوه المسمى وولدٍ له لطيف = بالاثر قصوه من خوفهم ثار اعبوي
صاح من فرحته يومه مديم وزيد شيف = وفرحته بشوف الجماعه بعد كان اخلوي

1- كل النوي ؟؟ اي نواياه قبل الرمي بالبندقيه
2- ماجاته غوي ؟؟ ماجات طلق طايش
اي ماهي بغاوية دربها بل مقصودة له
3- ثار اعبوي ؟؟ ثار للأخرين عليه
بمعنى عابينٍ له وهي كلمه شرقيه عند الباديه

[يوسف بن صالح]

اخوي : منصور المري

صح لسانك ولاهنت

لي الشرف ان اكون اول المصافحين لهذا الجمال

كتبت فأبدعت .. كنت أقرا وكأني اعيش جو هذه القصة


لاعدمناك ..

[ابومياس]

سبق اطلاعي على مقدمتها في قطرات

وكنت انتظر هطول السحابة

فهاهي تتباهى بحسنها

صح لسانك يالمري

وبيض الله وجهك

دمت بخير

[علي محمد العتيبي]

منصور المري

ياسلام عليك

كتبت فأبدعت

قصيده رائعه

لله درك من رائع

صح لسانك ملايين



اعجابي واحترامي

[ماجد المهدي]

صح لسانك يا المري

قصيدة جزله من شاعر تعودنا منه الجزاله والابداع

لا هنت

تحياتي

ماجد المهدي

منصور المري

صح لسانك

ابيات جزله من شاعر جزل

الله يعافيك

تحياتي

[سناعيس]

الله عليك يالمري
صح لسانك وبيض الله وجهك
رائعه كالعاده من شاعر رائع وجزل
لاهنت

تحياتي

الله الله يالمرّي


كعادتك
لاتأتي إلا بكل جزل

وجدانيه من أروع
ماقرأت ....

صح لسانك مدد بلاعدد




لاهنت..




إحترامي وتقديري

[صنداح الزلامى]

المشاركة الأصلية كتبت بواسطة منصور المري

ياوجودي وجد من راح في وقتٍ مخيف= في سموم القيض والذيب بالصوت ايعوي
والذلول اللي عليها مزاٍدٍ لـه عسيـف= غر فيها بعقلها يحسب ان حبلـه قـوي
راح يطردها بتالي الجهد قد هو ضعيـف= لين طاحت بندقه والفشق فيهـا سـوي
قلط المزلاج والذيب مقبل لـه صفيـف= وفي ثوانيٍ كزها وكذبـت كـل النـوي
رد للخنجر خابرها شباها حد سيف = مادرى ان انصابها في حديده ملتوي
اعتزى يومن قرب حفيفٍ من حفيف= وطوح ابصوته ياعزاه مايوجد خوي
مادرى الا صوتها مثل رعاد القنيف = طلقة في راس سرحان ماجاته غوي
التفت ثم شاف سمحه تزرفل بالرديف= فوقها ربعٍ على الموت كلٍ مهتوي
فوقها اخوه المسمى وولدٍ له لطيف = بالاثر قصوه من خوفهم ثار اعبوي
صاح من فرحته يومه مديم وزيد شيف = وفرحته بشوف الجماعه بعد كان اخلوي

1- كل النوي ؟؟ اي نواياه قبل الرمي بالبندقيه
2- ماجاته غوي ؟؟ ماجات طلق طايش
اي ماهي بغاوية دربها بل مقصودة له
3- ثار اعبوي ؟؟ ثار للأخرين عليه
بمعنى عابينٍ له وهي كلمه شرقيه عند الباديه

الشاعر منصورالمري



صح لسانك يالغالي ان للشعر شعراء وان

للحكمة امراء وهذا وانت احد الشعراء

التي يتقنون حكمة الكلمة قصيدة جزلة

من شاعر مبدع ومعروف على مستوى من

الشاعرية تقبل مروري المتواضع ...... دمت بخير

[الطامي]

يوسف بن صالح
صح بدنك
بمرورك لاهنت
وشكرا لك