ناض هاجوسي عليهم وبكاني

[نجم الإبداع]

معْ هدوء الليل والنفس مقهوره=ناض هاجوسي عليهم وعناني
عالذي قفى وذكراه محفوره = في ضميري واصبح اليوم يسلاني
لو تقول الناس ياقلب معذوره=ليش ذكراهم مع الوقت تعناني
ياوجود المبتلى وجد اخو نوره=يوم هو لازال في دار بن ثاني
من شريط العمر في كل فاتوره=رجع الهاجوس فكري وقناني
قام يرسل صورتٍ لي بثر صوره=لين وصلني على بوك بكاني
صورة الشيخ الذي ماخفى دوره=يوم وقف بي عليها وخلاني
شيخ كل اهل القناء ياخذو شوره=في المجالس له مكانه وسلطاني
لاتكلم صاغ من عقد بلوره = والجواهر والقصايد لها الحاني
صاحب الميقاف لاقامت الثوره=ماتوانى لاكفخ كفخ شيهاني
كل ماقابلت شيخ افتكر طوره =ثم ذكرني بجوده وناجاني
ياعسى روحه من الرب منصوره=في جنان الخلد متريح وهاني

[الطائر المهاجر]

يوم هو لازال في دار بـن ثانـي
كان في الكويت وليس قطر
صح لسانك
ولاهان راسك
جزله وطيبة
تحياتي

[حرف وشعر]

النجم النجم النجم مدرسه يافلاح

كل يوم ولك ابداع متجدد

تقبل كل الود ايها الشامخ

[داعي الشوق]

صح لسااااااااااااااااانك مليوووووووون يا نجم الابداع

شاعر مبدع و جزل و رائع دائما

لاهنت يا بو محمد

و صح لسانك

***************

[عبدالعزيز العمار]

صح لسانك يافلاح وجاد بيانك

جميل وجزل في طرحك كما هي عادتك

تحياتي وتقديري

[أم ريما]

صح لسانك

قصيده جميله


يعطيك العافيه

[عبدالله راشد الثويني]

صــــــــــــــــــــــــح قلبك يابعدي
نص اجبرني على قراءته لاكثر من مره
كيف لا ...؟؟
وكاتبه شاعرنا المتألق والذي عودنا دائماً على الابداع
تسلم يمناك اخوي فلاح ولا هنت ياعزوتي
طامعين بجديدك دائماً
تقبـّـل تحيتي

[الطامي]

صح السانك يافلاح
رحم الله العود رحمة واسعه وغفر له
وغيرك مثلك يتصور له اللي ياتيك في من رحل
نعم صحيح يادكتور كان في دار ابن ثاني قبل لايذهب للكويت
شكرا لك ولاهنت على هالطيبه

[سناعيس]

صح لسانك يابو محمد
وبيض الله وجهك
وكلام ابو عبدالله في محله
لاهنت ياغالي

تحياتي

[مسلم عواد العميري]

والله اني داري انها ابداع من نجم الابداع
صح لسانك وفكرك
نص رائع وجزل
لاعدمنا تواجدك ياغالي
تحياتي