طـال الصبر ياذيب

[الطائر المهاجر]

طـال الصبر ياذيب والحظ ما قام = مدري علامه ما انتهض من منامه
ظنّك توفـى او الاقيه قــــدام = والا يكمّـل نومته للقيامـــــه
يا ذيب انا والوقت في عند وخصام = ما بيننـا ولفه وصعب افتهـامه
يفرض علي امره وميلات الاحكام = يبيني احيـــا مثل بـوم ونعامه
وانا على الفطره على دين الاسلام = مقدر نفــاق وكذب لاصل سنامه
نجـدٍ غذتني بالشجاعه والإقـدام= وأسقيت طفلي من حليب الشهامة
ما اخضع لغير اللي بالاحوال علام= ربٍ خلقنـي حـرّ ماني فـدامه
ما نيب حصني يعـرف البحر عوّام= في مظهره يخـدعك والا سلامه
يفهـم بلهجتنـا ويعزف بالانغـام = يكسب رجــالٍ قالطه من كلامه
يتمسكن بخبثٍ ويمسك للاختــام = في الـدار يلعب دون حد وعلامه
ياذيب هذا الوضع ماهـوب بفـلام = وهذي الحقيقه ما عليهـا غمامه
وبعض الطيور اليوم صارت كلايتام = الفقـر حاديهـا لفعـل الغشامه
وان جو يبون الدرس حدوا بالارقام = صاروا جلوسٍ دون علم وفهامه
وان جو يبون الشغل فالـوعد قدّام = والعذر والم دون خوف الملامه
ذولا طيـور المرجله طـول الايام = درع الـوفا وقت الغثا والعتامه
من لازرع لابـد يحصـد للاوهـام = ينـدم ولكن ما تفيـد النـدامه

[منيع]

ياسلام عليك
جزل ومبدع يادكتور
شكرا لك
تحياتي

[الطامي]

صح السانك ملايين
قلت فأبدعت لافض فوك
ولاهنت

[ملكة الشرق]

صح لسانك
مليون ولا يكفون
ابدعت يادكتور عثمان

احترامي

[الطائر المهاجر]

شكرا منيع
على كريم المتابعه
لاهنت
تحياتي

[داعي الشوق]

اصبر وماعقب الصبر نفس تنظام
.. ياطير يامهاجر عساك السلامه

صح لسانك وفكرك ابوعبدالله