03-04-2009, 03:51 PM
|
رقم المشاركة : 1 | |||
|
عبد المعين من اهل الافتا والاصلاح = واهل المعرفـه والمزايـا العجيبــــــه نبراس شعره مثل فـلاج الاصبــــــاح = مرجع ورمز وقـدوة ٍ نقتـدي بــــــــــه عملاق ما نوفيـه حقـه بالامـــــــداح = ولا ننصفه مهما شعبنـا النجيبـــــــــه رمز الشعر من جد ماهيب الامزاح= حامـل لـواه وعبقريـه واديبــــــــــــــه وحين وفاته رثاه الشاعر محماس بن شميسان بقصيدة منها هذه الأبيات :
يالله ياللـي ماتعـدد حسانـيــــــــــه =رحمتك يالمعبود جزل الوهايـــب ياواحـدٍ كـلٍ يعبـده ويرجيـــــــــــه = بفضلك تعدينا عظيـم المصايـــــب واللي بعدها البوك لاهنت عطنيه =واكتب بعد جاء للقوافي سبايـــــب نويت اغني الشعر وارثي مغنيه = رفيق لوهو حدر عوج النصايــــب عبدالمعين اعنيه وارجي لباريـه = يثبتـه قـدم الهـول والعجايــــــــــب شاعر عتيبه نسج فكره مسميــه = نظيف طرق ولاسلـك للمعايــــــب الشعر في موفي حقوقـه نعزيـــه = اللي نهج جزله شبـابٍ وشايــــــب هذاك من خلد من الشعر صافيـه = فوق الجموس ويوم وقت الركايب بالشعر عالج كل ماكـان يعنيـــه = بالمنهج الواضح بعيـد المعايـــــب هنا قصائد الشاعر المرحوم عبد المعين بن ثعلي
أبدي بذكر الله وأصلي على النبي = على محمد سيد الانام يقول ابن ثعلي وهذي هديته = على جميع المستمع سلام أكرر تحيتها وأقد ّم سلامها = وأقول من حسن الكلام كلام قلته وانا والله ماأذم ولاأمدح = ماني بمد ّاح ٍ ولاذمـّام ماقول فالمقفـّي ولاكل عرضه = علي من رب العباد آثام الا ّ هل العوجا تكلمت فيهم = اللي لهم روس العلا مرام لو كان مكفيهم من المدح مامضى = أبطال وكرام ٍ عيال كرام الاوله لافـّرق الله شملهم = يجعل لهم يوم المقام مقام والله مانجزي حساني فعولهم = خلـّوا لنا الدنيا زهر وأنعام الا ّ بقولة يالله انـّك تعزهم = عد الليال وعد ّة الايام عشنا بفضل الله ثم بفضلهم = وعاشتبه الارمال والايتام تطـّور بهم دار ٍ سقى الغيث جالها = صيف وربيع وكل يوم غمام تطورت بالعز والمجد واكتست = في كل عام ٍ أخير منه العام كساها شرفهم واستقامت بمجدهم = واليوم هاهي ذروة السنام وافهـّمك ياللي جاهل ٍ في نظامهم = ولا إن عقال الرجال إفهام الله خلقنا كلنا واسمنا العرب = الاسم واحد والعقول أقسام ونظامهم لاغير الله حكمهم = السيف حكمه والكتاب نظام ولو يحكم الشرع على عيالهم = منهم وفيهم مضـّوا الاحكام تحذر واخذ حذرك من الميل والجهل = من خوف لاتزهق بك الاقدام أهم عليك مشرعات ٍ سيوفهم = سيف ٍ وراك وسيف من قد ّام سيف لراع الحق يعطيه حقه = وسيف ٍ لراع الجرم والاجرام والله لا لاالله ثم مسلول سيفهم = اللي لعوجان الخطا لطـّام لاقول يمد الذيب والنمر والفهد = تعشوا العصفور والحمام والحر يفرس فالحباري وفالرخم = ويحط من باقي الطيور إ يدام لاشك رادعهم من الخوف رادع = حطـّوا لمطلوق اللجام لجام هل الرايه الخضرا ليا رزو ّوا العلم = لارز ّت الاعلام للاعلام على علمهم لااله إلا ّ الله = واسمه هو الغالب على الآ سام هل الدين والتوحيد والعز والشرف = اقاموا عمود الدين للاسلام وأهل السيوف ليا جرى مثل ماجرى = ليا غطـا ضو النهار ظلام تقلـّدوا بيض السيوف ومالوا = جوف المعارك يلبسون حرام وارواحهم ترخص ولو كان غاليه = إليا اغتشا روس الجبال عسام من يومهم من يوم كانوا ومامضا = ورث لجـّدان ٍ وأبا وأعمام وسيوفهم تروى بضرب أيمانهم = يرو َ ن وبقيـّا السيوف حيام أنا أشهد ان السيف يصنع لمثلهم = على غيرهم نقل السيوف حرام حيث إن مكتوب ٍ لحد سيوفهم = قطف النفوس وجـّذة الانسام هل العزوه اللي كلنا نعتزيـبها = لاحل مابين الشعوب زحام عزوتهم التوحيد والسيف والظفر = اللي يخل المشركين هدام مخالفة دين الرسول محمد = عبـّادة الأوثان والاصنام ضد الضديد إليا رقص شيطانه = إليا زمر فيل الضديد وزام ضديدهم مايدخل النوم عينه = تسهر عيونه والعباد نيام على راي قايدنا ملكنا زعيمنا = إمامنا في كل حال إمام فيصل عمود الدين ضد عدو ّه = سم الضديد معالج الأسمام ليث العروبه عز ّها نصر دينها = ليا نواها الله بنصر وقام ماهرولت بنت الحصان بمثله = فالشرق والغرب وجنوب وشام ولاجابن الخفرات مثله ولاجلس = للحكم مما جا من الحكام الله على ماكل عذرا ً تلحلحت = عن مثل فيصل جاية ٍ بغلام منـّا وفينا ماتعـّدى حدودنا = من أقصى بحر جده ليا الدمام نبيه دون الدين والشعب والوطن = يروس عنـّا كل علم ٍ هام عمـّت مشاريعه على البر والبحر = دامت مشاريع الامام ودام يشهد له الله ثم تشهد له العرب = والسيف والتاريخ والأ قلام ولد عديم ٍ جاذبه من راسه = سطام لطـّام العدى سطـّام كم من ضديد ٍ سو ّلت له روابعه = خلا ّه في موج البحر عو ّام كم من طبـّة ٍ يشبع بها ضبعة الخلا = يشبع بها طير الهوا حو ّام وكم معسر ٍ فر ّج لهمـّه وكربته = مرهون في دين ٍ عليه مظام كم ليلة ٍ غنـّى على الهجن واوجهن = و ظلـّن على دربه على الدرهام كل أبلج ٍ يوهف لوجناه بالعصا = يحثها وهيه تبا قد ّام على درب أخو نوره ليا هج واصتوك = مثل النعام أو كنهن أروام ربع ٍ مشاكيل ٍ على أوساق حز ّب = أهمه مشاكيل ٍ وهن همام عاشوا بيوم العز والمجد وانتهوا = حيـّا ً غدا كلـّه رميم عظام والعمر إلـه يوم ٍ محدد وينتهي = زرع موقـّت واقتفاه صرام وحياتهم يوم اتذكـّر حياتهم = أحلام ليل وضاعت الاحلام تغمـّدهم الباري بعفوه ورحمته = فضل ٍ من الباري عليهم عام وإليا غدوا عنـّا لقينا عيالهم = لو مات حكـّام ٍ يجي حكـّام وختامها منـّي صلاة ٍ على النبي = واسلـّم عليكم والسلام ختام
لاضاق صدري قلت يا قاسمت خيـر=سج القدم يمشي علـى غيـر داعـي عديـت للعالـي بعالـي النواضـيـر=وادله ليا شفته على الحـزم اشاعـي واسهروساهـرت النجـوم الزواهيـر=لامـايـجـي للفجرنوروشـعـاعـي قالولي ابلـه قلـت ياهـل التفاكيـر=هاذي علوم اهـل العـوم الضياعـي وانا مغير مولـع القلـب يـا بديـر=اشـري وابيـع مشترايـه وباعـي والله مغير اصخـر القـاف تصخيـر=تصخير مادوب العصا ليـن اطاعـي ومن دق به مثلي هجوس وحواشيـر=يضيق بـه لـو الطريـق اتساعـي امقابلـن خضـر الوداياالمهاجـيـر=علـى حفافـن بيـن حـره وقاعـي والله لو ان الغرس والقصـر والبيـر=تمشي علـى مافـي هوايـه وناعـي عن ديرتـن فيهـا تـدب الجعاريـر=وفيها الدجاج وماشبـه لـه يعاعـي لشدوانـزل فـي مـرب الخـواويـر=وامشي مع الحزم السماح الوساعـي ليااختلـط نـبـت الزهروالنـواويـر=غزيت في العبلـه عمـود الشراعـي ياويـل مرباعـن بهـاك النهابـيـر=وياوي سلفانن بهـا القلـب ياعـي تلقا بهـا سمـر البيـوت الدواويـر=سمـر البيـوت مثولثـات الرباعـي بأطرافهـا كنـه قصابـة جـزازيـر=يفرح بها الطرقي لياأضـرم وجاعـي واهـي بيوتـن متيهييـن المعاشيـر=ألاد روق أهـل الطعـون الوساعـي اللي ابهـم شقـح البكـار المغاتيـر=ترعا بهم فالخـوف مـن غيرراعـي تلقابهـا شقـر البـنـي الغنـاديـر=زرع القلـوب لكـل قلبـن ولاعـي اللـي لهـن بمولـع القلـب تاثيـر=قسـمٍ مـن البنـك الكبيرالـزراعـي واللي لهن من طب الامراض تقريـر=تقريـر طـبٍ للقلـوب الوجـاعـي اخذتلـي معهـم مطيـر ومشـاويـر=ركضة جهل يـوم الهلـع والدلاعـي واليوم عنه اقفيـت لوهـن مناحيـر=حسـم ٍلحـل المشكلـه والنـزاعـي واقفيت عنه اقفـاي ركـب المعاييـر=واخذت من تالـي المحبـه وداعـي الا بحـب اللـي بنـاري مصايـيـر=سمرن على جـال المنـاره مقاعـي يازيـن شبـت نارهـا للمسايـيـر=لجالهـم عـنـدي عليهااجتمـاعـي اخـذ بهـم زال الحيـاة التعابـيـر=والا انهـا ماغيـر عبـر ومتاعـي واسند عليهـم فـي ليـال المعاسيـر=ويروح شبري فـي محطـة ذراعـي والاهـي الدنيابـربـح ومخاسـيـر=يـومٍ حدورويـومٍ الهـا ارتفـاعـي ولا كل طيـرن ينتقلـد علـى طيـر=ولا كل من هام الشجاعـه شجاعـي ماينتقـلـد بالـحـرار العصافـيـر=ولاينتقـلـد بالقـرمـب الافـاعـي لـو قلدواشـيٍ علـى شـي تغييـر=مايتقـلـد بالطبيـعـي صـنـاعـي
يامل قلبن من هـوى العـذب متلـول =تلـت رشـا ملحـا طويلـن قليـبـه تلة رشا ملحا علـى السيـم مفتـول =تقفـي وتقبـل بـه تـروح وتجيبـه عليك ياللـي حـط بالقلـب نشبـول=شبيت لك بأقصـى الضمايـر لهيبـه روحي بروحه طول الايـام مشغـول=وأرخي بقلبـي شـي ماينحكـي بـه غروٍ تفاصيلـه علـى كـل مجمـول =شـره الحلايـا بالعـذارا غريـبـه مربوع في قيمـاه بالقصـر والطـول=هافي حشـا كـل المناظـر عجيبـه مافطّروه خبـوز حظـرٍ علـى فـول=يتلي سهاف الشـول يشـرب حليبـه مايشرب الاّ من لبن عطّـف الشـول=عليـه مـن شبّـت شبابـه غذيبـه وصدر وحصيله بيّن الوسط مفصـول=وإن هـب ذعـذاع النسيـم يغديبـه وعنقٍ طويل وقرن أشقـؤ ومجـدول=ذيل أشقـر يكسـر حوافـز سبيبـه وليل تبسّم عـن ثمـانٍ كمـا اللـول=يـودع صناديـق الظمايـر حطيبـه والعين عين أشقـر الريـش ناجـول=حرٍ علـي بـرق الحبـاري مصيبـه خفاق صفاق خطيـرٍ علـى الجـول=أهـوي بمخلابـه جروحـه عطيبـه جاني يتهذلف لـه بمقطـع وبلبـول =مقطع حريـر وشيلتـه يغتطـي بـه تهذلف اللي وخرها الريـم جهجـول=مـع غبّـة الربـه مسيبـه مغيـبـه يرعى طرف خدٍ من الوسـم مسيـول=مجهول من غـب المطـر ماوطيبـه خزّت وفزّت شافـت الخـد منـزول=خافت وشافـت واستـذارت رعيبـه حازت مع الحزم البراحه عن الغـول=تعطـي مصاقيـل البـراح وجذيبـه هـذي تفاصيلـه علـى كـل ماقـول=يفرق على غيـره عنـا مـن بليبـه قالوا لي أنسه قلت ماهـوب معقـول=قالـوا نسيـك وقلـت لـه مايعيبـه الحب من بيـن المحبيـن بوصـول=مارضى ولا يرضـى علـي الغليبـه لاسلت عن غيـره ولانـي بمسيـول=دايـه دوايـه طـب روحـي طبيبـه ان عالج الـدا بالـدوا منـه مكفـولول=يـا تحمّـل ذنـبـي الله حسيـبـه علاه بـاب القلـب مغلـق ومقفـول=ومفتاح بـاب القلـب لامـى حبيبـه ارسلت لـي يمـه ثلاثيـن مرسـول=مامنهـم اللـي راح ماقـال اجيـبـه اول مراسيلـي لهـم قـارع الحـول=واتلااهم امس وكلهـم فـي المغيبـه لاشك مايقض الغـرض كـل مبـدول =ابطو ومرسـول البطـى منـه ريبـه ولا الرجال اللـي صناديـد وزحـول=عيّـو وخطوتهـم عليّـه صعيـبـه وأنا تعـرض لـي نشابيـل وشتـول=مـدري نصيبـي فيـه ولانصيـبـه
هات القلم وأكتب لما اقول لك يا بديـر=لخوان وضحا واوصـل العلـم منـي سلّم علـى هـاك الوجيـه المسافيـر=يـوم الليـال بغيبـهـن شقلبـنـي سمـر الليالـي والليالـي معاشـيـر=تلقـح بخـيـر وشــر ويولـدنـي يـومٍ تلـد باسبـاب شـر وتعاسيـر=ويـومٍ بحلـو اثمارهـن يطلعـنـي ويـومٍ بتيسيـر ويــومٍ يتعسـيـر=ويـومٍ يلاقـي خيرهـن شرهـنّـي ويـومٍ مدابيـر ويــومٍ مناحـيـر=وان ناحـراً لابـد هــن يدبـرنـي أمّا ادبرت ولهـن لغيـري مشاويـر=والا أقبلـن سمـر الليـال وخذنـي واقفن بي أقفاي الضمايا عـن البيـر=ماعـاد مـع مصدارهـن يرجعـنـي أنا وغيـري مـع دروب المصاديـر=ليـن العـلـوم التالـيـه يقبلـنـي هذي سنـه يابديـر ولهـا كواسيـر=مارايـدٍ منهـم ولا أحـدٍ وصلـنـي غـدا بهـم شقـر البنـي الغناديـر=يبونـهـن يـرضـن لايزعـلـنـي يوم الفـرح وأيـام عيـد المفاطيـر=وأنـا عيونـي بالبـكـا عايـدنـي وأنـا لهنّـه بيـن عـذّال ومشيـر=واسترسلـن بالـدمـع ماشـاورنّـي لو إن ماجاني مـن الربـع تقصيـر=ميـر السوالـف والعلـوم تغبـنـي سوالفـي تسمـر عليهـا المساييـر=ومثايلـي يسمـر عليهـا المغـنـي ولهـا علـى رب السمـاوات تدبيـر=محـي العظـام الميـتـه يبعثـنـي يامـا ويامـا والليـالـي مقـاديـر=يلّيـمـن الـشـمـل ويفـرقـنـي مافرّقـن مـن ناطحيـن الطوابـيـر=أمـرٍ مـن البـاري بعـد يومرنـي والموت له فـي كـل ديـره مداويـر=واحد ومامـور علـى أنـسٍ وجنّـي يالله بعفـوك ياحسـيـن التدابـيـر=ياغافي الذنب العظيـم اعـف عنـي
يا اهل الونيت اللي جديد (ن) مديلـه=ورد مديلـه عـام خمـس وثمانيـن مــاوردوه الا لـمـن يستويـلـه=مامهـجـوه مـدوريـن البعـاريـن شيلوا عليـه وخففـوا مـن مشيلـه=من وادي (ن) عله صدوق المقابيـل وادي (ن) لعل الغيث يسقـي مسيلـه=وادي المـزارع والنخـل والبساتيـن سجـوا لاطـراف الفريـع ونجيلـه=يوم اذن المـذن لفـرض المصليـن ولا إليـا راقـد خليـلـن لخلايـلـه=يسري به اللي يسرى من الليل ثلثين والـخـط والله مايبيـلـه دلـيـلـه=خط الجنوب اللـي عليـه الشيابيـن تلقى المجالـس والبيـوت الضليلـه=وهذي عوايدهم مـن اول وهالحيـن سلـم علـى فيحـان شيـخ القبيلـه=شيـخ القبيلـه والقبيلـه مطيعـيـن وقلـه يابـو نـواف زبـن الدخيلـه=يا كاسب الجمـلا اولـوف وملاييـن مشكور فـي مـد العطايـا الجزيلـه=وألكم علـى صنـع العطايـا قوانيـن مهـوب رديـان الوجيـه البخيـلـه=هرامـة المجلـس كـروه المعاطيـن ولا انت من ساس الحصان الاصيلـه=هذال اخو همـلا صعـوط المجانيـن زيـزوم نمـر مثـل نبـو الرفيـلـه=لشـد ناصيهـم يشـدون مقفـيـن وألهم على بـوش الضديـد تحويلـه=يــردون الصـادريـن المغبـيـن مرويـن مذلـوق الرمـاح الطويلـه=لامثالـهـم وامثالـهـم مستعـديـن وأليـا عصوهـم للعصـاة الاصيلـه=للحـق للـذي قـر قـرت موازيـن
يابدير ما ازين شبت العصـر للنـار=لمالـت الفيـه وحــار الظـلالـي وهب البـراد وسيـر الجـار للجـار=وجات السوالف بين غالـي وغالـي سوالف (ن) بين النشامـا لهـا كـار=ليـا مشـى فنجـال بيـض الدلالـي يرجعبهـم قلبـي لياسـج وحـتـار=وتدله بهـم عينـي لياضـاق بالـي افخربهم واجهربهـم شـق وشعـار=وادحم بهم وازحـم بهـم دون حالـي كم هازهـم رمحٍـن وخلـوه قنطـار=وكم رازهم مـن واحـدن واستقالـي ياماتقاضـومـن عميـلـن ليـابـار=قولـن لياقلتـه يـصـدق مقـالـي جمال التخـوت مفـدرت كـل هـدار=فتخـان الايـدي للحمايـل جمـالـي انـا علـي اكلفلهـا بـن وبـهـار=وانتـه عليـك تقـوم وتشبهـا لـي في فيّ قصر(ن) يوم ضل العشي حار=لابدنامـن غيـب سـمـر الليـالـي لابد مـن يـومٍ بـه القصـر ينهـار=ولا نموت ويصبـح القصـر خالـي ويبقى لمن يبقى على طول الاعمـار=وانا نـزل غيـري وحـل ارتحالـي مرت على غيـري تراديـد ومـرار=لاشـك مـامـرت علـيـه لحـالـي ياربي اغفـر زلتـي وانـت غفـار=بحسنـا جلالـه ياعزيـز الجـلالـي يامن شمل عفوه وعطفه هـل الغـار=ويامن رست بأمـره رواس الجبالـي يالخالق البـاري وياالنافـع الضـار=يــاوارث الدنياعلـيـك اتـكـالـي ماكل ليل(ن) من ليالـي أبـو سـرار=ولادامـت الدنيـا ببسـط وعـدالـي يوم(ن) لها اقبالن ويوم(ن) لها أدبار=كم فرقت مـا بيـن غالـي وغالـي وليا اقبلـت عسلـج زهرهـا بنـوار=رجعن يعلـه كـل يـوم(ن) خيالـي يامـا قطـف جنايهـا مـن الاثمـار=ويامـا شـرب منهاالقـراح الزلالـي عشاقهاتضـرب لـه الزمروالـطـار=وقامـت تزهنقلـه بحسـن وجمالـي ولياادبـرت عجـلـن فلكهالـيـادار=تدرجبـه ادراج الـرشـا للمحـالـي ياماسقت من واحدن كـاس الامـرار=ويامانشـاء فيهـا شبـابٍ وزالــي كم عاش فيها من طويليـن الاشبـار=قوايـد الهيجـا زحـول الرجـالـي اليوم مامنهـم علـى الحـزم ديـار=هـذي منازلـهـم خلـيـن تـلالـي ماكنـهـم كـانـو ولاصارمـاصـار=راحوهبـاً منثورتـحـت الرمـالـي حطولهـم فيهـا عقـارات وامــدار=وهي دامره وعظـام اهلهـا بوالـي ماكـن فيهـا الهـم منـازل وميثـار=وابـوك دنيـاً مالـك اول وتـالـي تلـعـب لياليهابعمـيـان الابـصـار=لـوبـرقـت فيهالهلهااحـتـيـالـي تـروح منهافـي طويـلات وقصـار=يكفيـك منهـادون الاقصاالمـوالـي وليا جفاك الدار غيـره ميـة دار=ومناكـب الديـره عراضـن طوالـي ولاتشتشير ابشار مـن لامعـه شـار=والـعـد لاتــرده بلـيـا مـدالـي وماقـل دل وكـل شـيـاً بمـقـدار=ماهيـب فوضـه كـل شيـاً يكالـي الكيـل والمـيـزان لصغاروكـبـار=شيٍٍ خفيـف وشـيً منهـن ثقالـي ولو مال مع سوق الفضا كلـه هـذار=سولـف وفكلهـا طويـل الحبـالـي ياخذبـغـفـلات الاجاويـدمـشـوار=يركـض علـى غراتهـم مايبـالـي حيـال ميـالٍ مـع الهـذر منـشـار=هـمـاز لـمـازٍ هـيـال وميـالـي لوماينال مـن الشـرف وزن دينـار=كنـه مـن امثـال ابوزيـد الهلالـي وانا بخبره حايـط(ن) كـل الاسـرار=لاهـوب لامكسـب ولا راس مـالـي النـاس توخـذ بالفوايـه والاذكـار=وكل (ن) وما حصل على كـل حالـي تمت وصل الله علـى سيـد الاخيـار=علـى نبـي مرسـلـن بالعـدالـي اعداد مـا مالـت هماليـل الامطـار=وماهبـت الحايـه جنـوب وشمالـي وماغرهدالقمري على روس الاشجار=وماهل في عرض السما مـن هلالـي
سـلام ياعـد صبـاحـه وردنــاك=اليـوم ماعينـت لــي ورد جـاكـا
ياعـد ويـن اللـي طراتـه لياجـاك=اللـي ليـا جيتـك يجينـي عـلاكـا اللي ليا جيتـك يجينـي علـى مـاك=واليـوم لاجانـي ولاجــا يبـاكـا في ما مضى تدهـل وروده ضمايـاك=واليوم مـن ورده خلـي جـال ماكـا اليـوم خـلانـي وقـفـا وخــلاك=خـلاك واخـلا ورد مـاك وجفـاكـا عد جفيت سهيـف الـروح يجفـاك=واهمـه عـلاك الهـم منـول مداكـا ياعـل همـال السـحـاب يتـعـداك=شيءٍ يجـي دونـك وشـيءٍ وراكـا لالاك ماشـد اريـش العـيـن لالاك=لكـن حاديـه الضمـا مـن ضماكـا وعساك تسقـى يـوم حنـا نزلنـاك=مـن جاهـزٍ خيـل عـلاك وسقاكـا وعساك تمحل واصبح المزن لاسقاك=لالاك مـا صـار التفـرق لالاكــا يازين ياللـي عنـي البعـد ينحـاك=البعـد ينحـانـي وعـنـي نحـاكـا خليتنـي واقفيـت واقفـت رعايـاك=واقفت خطاي وعنـي اقفـت خطاكـا يـاذاك يالطـف الخواصيـر يـاذاك=والله ما اعلـم بـك ولا اقـول ذاكـا من خوف هـرجٍ يقتفينـي ويقفـاك=ابـا اتحصـن عـن قفـاي وقفاكـا اقفيـت ماعلمتنـي ويـش نـيـاك=لا اقـول شـح ولا تجـود بعطـاكـا لا ايست منـك ولا عرفنـا نوايـاك=ولا قلت مطلوبٍ رخـص فـي فداكـا مدحت لي مـدك وجـودك وعطـواك=وانتـه عطـاك قريـبٍ مـن رداكـا ليتـك تعلمنـي بغيـبـك ومعـنـاك=لين اني اعرف ويـش غيـب مناكـا مدري تماري لـي باالامـزاح منـاك=والا علـي مغـل مثـلـي عـلاكـا عطني عطاك الله ومد الـك واعطـاك=لاتقصـر المعـروف منـي اليـاكـا ان جاز لي لاماك جالـي بـلا مـاك=وان جزت عني جـاز حالـي بلاكـا والله مع اهل الجود مد الك واعطـاك=واقبل ومـن غيـري تبـاه ويباكـا ياجادلٍ ون جيـت اوصفـك واقـداك=لاعبـج لا عريـان عـذبٍ لمـاكـا لا خوخ لا رمان ما اعـرف حلايـاك=عـن كـل هـذا عـايـزاةٍ حـلاكـا ولاعنق ريمي الجـوازي ليـا صـاك=ان شاف لـه ذيـره وزيلـه نصاكـا ولا ضيمران وساقي العيـن ياطـاك=وعـلاه للفـي الظلـيـل انفـراكـا ياعنبرٍ مـن عالـي الوجـن مجنـاك=مـا كـل رقـايٍ ليـا جـا رقـاكـا ولا محمـل الشامـي ولا كنـه ايـاك=ولا انتـه بمثـل لـه ولاهوكمـاكـا ولا من هل الغربي ولا التهم مربـاك=ولا من هل الخبت الحتـون الحكاكـا الشرق مربى لـك ودارك ومشهـاك=دارك وديـرة حيـك اللـي ربـاكـا وجدي على قربك وهرجـك ولامـاك=لامــاك ياغروٍعـلـى مستـواكـا لاماك لو امشي واقارن بـا لامـلاك=مافـي يـدي الا عصـاي وعصاكـا لاكن مـن دونـك حدونـي دنايـاك=دونـك حدونـي وابعدونـي ولاكــا ان جيت ارودك يا اريش العين وابغاك=دونـك حدانـي واحـدٍ ثـم حـداكـا يالله ياللـي كـل عـيـن تـرجـاك=ياللي جميـع الخلـق تطلـب رجاكـا انـك تديـره يامـديـرٍ بـالافـلاك=يالله يالـلـي لا الـــه سـواكــا يارب دعـوة مسخـرٍ منـك وليـاك=يبغاك تطلـق لـه هـذ مـن هذاكـا اطلق شبك من منشبه عسر الاشبـاك=يـا الله يامطلـق قــوي الشبـاكـا من منشبه عسر الشبك كيف ينحـاك=ينحـاك لـو مايحسبـنـه يحـاكـا ويا رب يوم اطلبك واسألك وانخـاك=انـك لتقبـل دعـوة اللـي دعـاكـا كان اني امشي في مطوعتك وارضاك=ماذي ولا استاذي واعايـن رضاكـا واهوه مواذيني وحتى انـت يعصـاك=ملعـونٍ ايـواذي العـرب ويعصاكـا وانك تحتـه مـن لزايمـك وعـراك=يـارب حتـه مـن لزايـم عـراكـا وانـك تجيـه بحيتـن مـن حيايـاك=والا تجيـه بمـرودٍ مــن سمـاكـا حديتني عنهم عسـى الويـل يحـداك=عن شـف بالـي لا رحـم والداكـا ويومني انخـا الله يضـرك بدنيـاك=ابغـا عسـاه يفكنـي مـن غثـاكـا لاشك قلبـي مجحـرٍ منـك واشـاك=لاشـاك فـي حـالٍ وحـالٍ اشـاكـا لا شاك في حالٍ وفـي حـال شكـاك=شـكٍ بــد حويرثـيـن حشـاكـا وياقلب يوم انصحك واعذلك وانهـاك=عييـت تقبـل دعـوة اللـي دعاكـا اقـول تبـعـك للغنـاديـر عـنـاك=عنـاك ياقلـب العنـا مـن عنـاكـا يلعب بك اطراق الهوى ليـن غـواك=واليـوم ميـز رشدكـا مـن غواكـا لاعاد تعناني وانا عـاد مـا اعنـاك=مـن يـوم منحـلاً عليهـم رواكــا ما احلاك يا قافن على ياك ما احـلاك=انصح بـك اللـي ياللحـون انتقاكـا يلعب بك الشاعر علـى قـد معنـاك=وعلى هـدف معنـاك يطـرح بناكـا ستيـن بيـتٍ كلهنـه علـى يــاك=يازيـن ترتيبـي علـى قـاف ياكـا آخر تعديل صنداح الزلامى يوم 03-04-2009 في 06:44 PM.
|
|||
|
|
03-04-2009, 04:13 PM
|
رقم المشاركة : 2 | |||
|
مشكور |
|||
|
|
|
03-04-2009, 05:24 PM
|
رقم المشاركة : 3 | |||
|
لا شكر على واجب |
|||
|
|
|
04-04-2009, 01:17 AM
|
رقم المشاركة : 4 | |||
|
صنداح الزلامي |
|||
|
|
|
05-04-2009, 03:18 PM
|
رقم المشاركة : 5 | |||
|
صنداح |
|||
|
|
|
09-04-2009, 07:54 PM
|
رقم المشاركة : 6 | |||
|
يعطيك العااافية |
|||
|
|
|
25-06-2009, 05:27 PM
|
رقم المشاركة : 7 | |||
|
مشكووووووووور يا صنداااااااااااح |
|||
|
|
|
10-09-2009, 11:34 PM
|
رقم المشاركة : 8 | |||
|
لاهنت
ومشكور على النقل الرائع |
|||
|
|
|
01-10-2009, 09:21 PM
|
رقم المشاركة : 9 | |||
|
صح لسانه |
|||
|
|
|
03-12-2010, 08:15 PM
|
رقم المشاركة : 10 | ||
|
|
بارك الله فيك |
||
|
|
 |
| مواقع النشر (المفضلة) |
| الذين يشاهدون محتوى الموضوع الآن : 6 ( الأعضاء 0 والزوار 6) | |
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قراءات في الشعر الشعبي | الطائر المهاجر | حوارات في الشعرواللهجات | 15 | 16-12-2010 06:50 AM |
| ابحاث في شعر ابن لعبون | الطائر المهاجر | حوارات في الشعرواللهجات | 17 | 15-12-2010 11:58 AM |
| في الشاعر/ شجاع الأكلبي | محمد الأحمري | همس القوافي للشعر النبطي | 32 | 14-04-2009 08:42 PM |
| الشاعر الكبير مطلق البخيتان بيننا | الطائر المهاجر | قصر الفطاحلة | 10 | 16-01-2006 02:01 PM |
الشاعر الكبير عبد المعين بن ثعلي
