قالت تعبت من السهر .....

[حوريه]

مساء الورد

عجبتني القصيده وحبيت اسدحها هنيا

ارجو أن تحوز على ذائقتكم الشعريه

قالت سلام وقلت حـيّ السلامـي=قالت وِصَلْت وقلت حي المواصيل
قالت وش المطلوب قلت اللثامـي=زتّيه عن ثغـرٍ مورّينـي الويـل
شيليه عن جمرٍ يثيـر اهتمامـي=وجمرة شفاتك تتعب القلب بالحيل
باقـول ماقالـه رشيـد الزلامـي=بعض الغلا يفني قلوب الرجاجيـل
يا للي خذيت الحسن نجدي وشامي=يامملكة روعـه ويافتنـة الجيـل
قالت وش اسمي قلت قصة غرامي=واسمك عذاب،جروح،حيره،غرابيل
لك في ضمير المبتلي عشراسامي=وفي كل يوم اجدّد العشـر وازيـل
قالت مقامي قلت باعلـى مقامـي=أقـدّرِك تقديراهـل مصـر للنيـل
عن حب غيرك قلب مغليك صا مي=ومن ينزله بَعْدِكْ نهارين ويشيـل
لاغبت عن عيني تزايـد هيامـي=واسهر رفيقي بالسهر نجمة سهيل
ولابان زولك يـا ظبّـي العدامـي=جتني من كفوف السعاده مراسيـل
حبّك جرى بين اللحـم والعظامـي=الصدر وادي والغلا داخلـه سيـل
قالت بَعَدْ ، قلت البدر في ظلامـي=لولاك ياشيـن السنيـن المقابيـل
قالت بعد،قلت العتـب والملامـي=ماتسمعه منّي على العدل والميـل
أسقيك من كف الغلا وانت ظامـي=واعطيك صدق الحب ماهوبتمثيـل
قالت بَعَدْ،زدنـي بعـذب الكلامـي=قلت الغلايصعب على القال والقيل
خوذي غلاقلبـي ولمّـي حطامـي=وضمّي خفوقي بالرجا والتساهيـل
قالت حبيبي قلت والقلـب دامـي=يابنت شفت بحبّك انتـي تهاويـل
قالت تعبت من السهر قلت نامـي=على ذراعي وارقدي باقـي الليـل
قالت بردت وقلت شبّـي عظامـي=خلّي سناها مثـل نـور القناديـل
ونامت وانا خلّصت ميمي ولامـي=قصيـدةٍ غنـت لعينـه مواويـل
هذي خلاصة ليلتي مـع مرامـي=ومرام هي طب القلـوب المغاليـل

لـشاعر ــ عبدالله المجلاد

حــــوريــــه

[حي الضمير]

منقول رائع
والف شكر

[حوريه]

حي الضمير

حياك الله

الرائع حضورك لاعدمتك

شكرا لك

[نفحات حساسة]

الله عليك..
يعطيك العافيه.. حوريه
وصح السان قايلها
لاهنتى

[حمود السكراني]

حورية مشكورة على النقل الرائع

سدحتيها ووقفت شامخة صح لسان

الشاعر وسلمتي على نقلك هالرائعة

[الطامي]

حوريه
صح السانك الشاعر
وشكرا لنقلك الطيب
لاهنتي

[حوريه]

نفحات حساسه


شرفتيني يا بعـدي


شكرا لك

[حوريه]

حمود ...

زان المتصفح بحضورك لا عدمتك

شكرا لأطرائك

دمت بألف خير

[حوريه]

الطامي


الطيب فيك لا عدمتك


شكرا لك

[همس الورد]

اختيار رائع و مميز

مشكوورة اختي الفاضلة