السمح × الطائر المهاجر

[عبدالله راشد الثويني]

السلام عليكم والرحمه


محاوره خطـّــافيه على الصباح الباكر بيني وبين استاذي طائرنا المهاجر ابو عبدالله أحببت أن ادونها لعلها تروق لكم

بعد ما اختلفت اراءنا عن الحـُـب


بديت فيها وقلت

الحـُـب مالك فيه يالعود مصلوح = لا تشرحه مادمت تجهل معانيه

الطائر

الحـُـب فن(ن) يعرفه كل مملوح=يضحك على قلبٍ تداعى مبانيه

السمح

الحـُـب أعمى يتلف القلب والروح = كم شامخ(ن) راسه من الحُب حانيه

الطائر

ماهوب أعمى .. لا لقى رجل مصلوح=عقله يقوده مامشى في مشاهيه

السمح

مهما يكابر راعي الحِب مفضوح=يظهر بعينه يالنقي شوق مغليه

الطائر

لا جِعت تاكل خانسً غير مملوح =ولامن شبع بطنك فلاهوب باغيه

السمح

ماهي على كيفك تجي فيه وتروح = ولاهوب سلعه بين بايع وشاريه

الطائر

غريزتك تدفعك تجعلك مشفوح=ولامن طفت فالعقل يحكم موانيـه

السمح

مجنون ليلى قبلنا كوّن إصروح = فالحُب عقله .. ماخـَطا في مماشيه

الطائر

لانه بلا تفكير بالجهل مبطوح=ماهو مثقف عارفٍ وش معانيـه

السمح

الجهل في درب الهوى سبّت البوح = لا شك والعاقل .. يكرر قوافيـه

وختمها الطائر

لابد ماتفهم لدافعك برجوح=الكاس لامن امتلى بان خافيه
ولامن نثرته تشعر بسعد وفروح=فجلد العميره غايتك في مناهيه
اجلد على كيفك ولا عنه منزوح=يرتاح بالك لين عرسك تواتيـه

[روح الشعر]

صحة السنتكم جميع

لا هنتوا

تحياتي

[داعي الشوق]

صح لساااانك يا بو راشد

و صح لسان الطائر

ولاهنتوا

شعار كبار و مبدعين

[الطامي]

صح السنتكم جميع
رائعة جدا
لاهنتو جميع

[عبدالعزيز العمار]

صحت الالسن والقلوب

السمح عز الله انك سمح حتى في الحب

الطائر عز الله انك اقشر وماتنتحارش حتى في الحب

لاهنتوا يامبدعين

تحياتي وتقديري