داعي الشوق تعال شوف

[داعي الشوق]

و استلم يا نجم لاهنت ،

و صح لسانك ،.

حق العرب عن حقكم مفهوق = و الباب له زرفه و درباسه
كلن عليه من الثياب شقوق = وقتٍ مضى ما يحتمل باسه
معتوقه لو غابت على معتوق = غارت على هنده و مدراسه
الله خلق كلن عليه فروق = و بحر الهوى يقواه غطاسه
احد عبر و احد معه مزنوق = و احد بموجه غادي راسه
فيهن هنوف و*لابسات حلوق = و فيهن رعابيب و مياسه

[نجم الإبداع]

دامك زعلت وجيت لي محنوق=ابشر معي لك بعد كرفاسه
يهدر بعير وكل كلا بشدوق = والنمر تسمع صرف لاضراسه
لامد زلقومه تقل زملوق = يشرب حليب البل وناناسه
فوق الكثيب يزحلقه زحلوق=يضرب على الاسداس باخماسه
موتر مدحدر لانشب في زوق=مافيه لابوري وكنداسه
علّم رفيقك لايجي مصلوق=عندك ختام العلم وارماسه

[داعي الشوق]

ههههههههه صح لسانك يا بو محمد

و ماقصرت ولاهنت

امتعتنا يا مبدع

[نجم الإبداع]

صح لسانك يابو سعد

سعدت بمجاراتك وشكرا لاستجابتك للدعوه

واتمنى نقلها الى المساجلات

شكرا جزيلا لك ولكل من مر

وسيمر من

هنا

[بنت النور]

صحت أ لسنتكم واعتلى شأنكم
يعطيكم العافيه
تحياتي ومودتي