صيد الشات الخميس 2/8/2018

[الطامي]

سلام على وجهه السعد طيب الفال=دكتورنا اللي مالقينا بدل له(منيع
حليم متواضع ولاهو بمحتال=كل الصفات العاليه موجب له(منيع
نقسي عليه احيان في بعض الامثال=ونلقاه صامد ماتغير محله(منيع
صباحكم فُل وزبرجد بمكيال = ويكال بالألاف وانتو هل له(الطامي
يعم للي حاضرين ولا تسال = واللي بعد عاده ماجا من محله(الطامي
يامنيع ويش انت مذهب وايش الاحوال = عسى علوم الطير بالخير كله(الطامي
الظاهر انك يامنيعٍ تبي مال=وما عندنا غير الشعر دون خله(الطائر
مدح الرجل بالوجه من اقرد خصال=وعهدي بك الواضح بفعله ودله(الطائر
اما انت يالطامي حصيني ومحتال= يقول هترل دون علم وادله(الطائر
لكن خبري بك شجاع ورجال=واظن هترل فيه الفين عله(الطائر
عليه حق ان كان كاذب ودجال=وعليك حق انما بحلقه تتله(الطائر
وان كان صادق ناخذك قيد واغلال= ونجوزك عبده بها الشين كله(الطائر
اهلا هلا مالظل مقبل وينزال = بالل بدا مافيه حما وعله(الطامي
هذا جزانا يوم ننشد عن الحال = وارب مافيكم مع الوقت خله(الطامي
منيع ماهو عند ضنك وخيال = ياخذ مع شوطه اشواط بسله(الطامي
ينشد عسى ماجا في راسك اهبال = ولا ركبك جنية الليل كله(الطامي
ياجعل يسلم بو حمد طيب الفال = اللي يرد ان غابو اهل المحله(الطامي
وهترل معك علومكم دوبها طوال = اهل الجبل واهل السهل دون خله(الطامي
سمي بهرقل ثم عدلناه بالحال = ولا حصل منه على القلب مله(الطامي
ياعود ياعود الشقا فيَكم مال = مير الزم المسجد وعد الأهله(الطامي
واسلم ودم واخذ الوصيه وفي الحال = لاتكون يوم الحشر ذنبك تشله(الطامي
وقت رحل وبتاخذ اعمار العيال = مثلك يهلل لين ليله يزله(الطامي
الى لفى الطامي نفي كل الاشكال=يسد ويوفي وكل كايد يحله (منيع
اظن هترل صادق بكل ما قال= عطاك وصف بكل دقه وجله (الطائر
صح السنتكم مما قرينا بالاقوال = ونختم وبنطلع ودروبنا مسفهله(الطامي

[داعي الشوق]

ههههههههه مبدعين

وصح لسانكم جميع

وشكرا ابو محمد ع الجهود

[منيع]

هههههههههه
احسنت واجدت بامنصور
والشكر موصول للطائر على العلم الغانم دون قصور في كل من حضر
تحياتي للجميع

[هترل]

هههههههههه
جبتها يالعود زوجه عبده يمكن يبرد دمه الفااااير هههههههههه
صحة السنتكم جميع ابدعتم وامتعتم
ودى

[الطامي]

داعي
صح بدنك
وشكرا لمرورك
لاهنت

[الطامي]

منيع
صح بدنك
ولا شكر على واجب
وشكرا لمرورك
لاهنت

[الطامي]

هتررل
صح بدنك
ودنا بالزين زيجة والا غيرها
المهم انت وش حارق ماصتك
اجل الطائر صادق ماتخلي التزويقه هههههههههههههه

شكرا لمرورك
لاهنت

[هترل]

المشاركة الأصلية كتبت بواسطة الطامي

هتررل
صح بدنك
ودنا بالزين زيجة والا غيرها
المهم انت وش حارق ماصتك
اجل الطائر صادق ماتخلي التزويقه هههههههههههههه

شكرا لمرورك
لاهنت

صح لسانك يالذيب كيبورديه أبا عن جد


البارحه وانا اتصفح ولازال = حتى لمحت العود يطلب ادله
بيتين للطامي بتوجيه الإرسال = قصده يشب النار وسط المجله
ومنصور يهدر ياعسى طيب الفال = يلعن إبليس ويحتكم في محله
لانه الندم مافاد من قبله أبطال = ولا فاد عينٍ دمعها لو تهله

ودي يسبق ردي

[الطامي]

تسلم هترررل
وصح السانك
ابداعية شافية ووافيه
وبننقلها للشات لعل وعسى ههههههههههههههه
لاهنت