يا مالك الملك تحفظ(وطنيه)

[الطائر المهاجر]

يا مالك الملك تحفظ صرحها العالـي = دار بها الليث من عزمه يفاديهـــا
عشرين عام عطاها العمر والمالـي =بيض أياديه كل الخلق تدريهـــا
سحايب الخير حتى في الربع خـالي =هلت على الدار برق الفهد يحييهـا
الكل يجني ثمر من أفضل الغالــي = والكل آمن يربع في مفاليهـــــا
الفهد ساهر على شعبه ولا يبالــي = يبي المعزة لدار السعد يعليهــــا
صرنا بحال بقول الفهد وافعالـــي = خلى دياري مع النجمة تباريهــــا
رفعت راس العرب يا طيب آلفـــال = وغدا لنا اليوم هيبة من يجاريهـــا
الشعب كله أمير ومن بقى والـــي = من وين يمشي ترحب به أراضيهـا
يا تاج راسي فداك الروح والغالـي = مهما فعلنا ديونك ما نوفيهــــا
يا دار نامي بلا تفكير بالتالـــــي = عين الفهد ساهرة والنوم جافيهــا
صرتي بعهد الفهد نبراس الامثالــي = وشمس على الكون من يقدر تحديها
منهجه واضح تطور دون إخـــلال = بحكم الشريعة ولو وقته يعاديهــا
لا للتطرف ، نعم للعقل طـــــوال = الدين يسر كتاب الله يفتيهـــــا
العدل دربه فلا عم ولا خـــــا ل = يمكن يؤثر على فكره ويثنيهــــا

[صعبة المنال]

جزلة
سلمت وصح لسااانك

لنا عودة

صعووب

[نفحات حساسة]

تسلم وصح لسانك يالعود
ولاهنت على القصيده الرائعه..تحياتى

[الطائر المهاجر]

شكرا صعيه
على كريم المتابعه
لاهنتي
اطيب التحيه

[الطائر المهاجر]

شكرا نفحات
على كريم المتابعه
لاهنتي
اطيب التحيه

[منيع]

دام عزك ياوطن
شكرا لك ولحرفك الراقي
تحياتي لكم

[الطائر المهاجر]

شكرا منيع
على كريم المتابعه
لاهنت
اطيب التحيه

[الطائر المهاجر]

شكرا لكل من مر هنا
لاهنتوا
اطيب التحيه