تهزز الهواوي

[الطامي]

صح السنتكم جميع
لاهنتو

[ناصر عبيد الهواوي]

انا ابدأبذكر الواحد الماجد الديان=خلق هالبشر من شخص واخلف مناسبها
عرب .تركمان.احباش. مختلفت الالوان=وما يعملونه شر مع خير كاتبها
واعوذ بجنابه من غثى نزغة الشيطان=يبين لي ادروب المساوي واجنبها
انا اذكر دعاء مطلوب يومر به الحلمان=يقوله بعد ينفث ثلاثن يرتبها
على شان ما يصبح على غلطته ندمان=احاديث من عنده دراية يمربها
ذكرت اسم رجل اللي هو استاذنا عثمان=وان غير سيرة هالمهاجر ماقرٌبها
ترا اكذب حديث الظن ياقع به العجلان=يفسر نوايا ما يعرف المراد ابها
وكم بالفطاحل من شبيبة ومن شيبان=من شتى قبايل ماتجمع مشاربها
وترا شطر ٍاول. بيت ثاني من القيفان=ضلع من كسر ساقه ورجله يسحٌبها
وانا اعرفك شاعر بس مستعجل وزعلان=واعرف التسرع كل غلطة يناطبها
وانا لي ثلاث اشهور منكر لابن زهران=لكن اكتب الغلطة واعوٌد واصوبها
ما احب اذكر السبه واحب اظهر الاحسان=لانك علوم الطيب دايم تفوز ابها
هذا عذر والا اقسى حصاتي من الصوان=وملامي على قوم ٍتخلي مناصبها

[الطائر المهاجر]

ههههههههههههههههههههه
وش لقفك يافلاح
تستاهل

انا والهواوي مثل متوازي الخطان= ما اظن التلاقي لين مالله يكتبها
على العد واقف شايل السيف للعربان= ومن قربه يجفل فلاهوب قاربها
ويومن وصلته شفت سيفه من الخشبان= وحصانه عسيب يحسبه خيل راكبها

[ناصر عبيد الهواوي]

لله درك يابو عبد الله
وماتهون يالذيب
كل هذا والحصان عسيب والسيف خشب هههههههههههههههههه
احسنت ولا نخلا ولا نعدم هالروح الرياضية
تحياتي
وتوبه من المحاورات

[نجم الإبداع]

الا يالله اني طالِبَك يالله المنان = تبين لنا درب الرشاده وطالبها
ويسر لنا ياخالق الكون ياحنان =دروب الجمايل ماخسر يوم جالبها
انا مالفيت الا مصافي ولي برهان = لنظم القوافي يوم غيري يحوس ابها
بوضح النقاء واشوف والاحظ الحدان=وعيني نعاسي لو نوت مايغالبها
هلا بالذي صاغ القوافي من الوجدان=وبيّن علومن خافيه مادريت ابها
تعوذ من الشيطان وانا العن الشيطان=وساعه من التفكير دارت عقاربها
احس ا ن به ضيقه واحس اني الغلطان =ولا ادري عن اسباب الزعل يامواكبها
اذا يالهواوي خاطرك به كدر واحزان =فما صار شاعر دون لوعات حاجبها
اعرف الجفاء ماهوب من عادة العتبان=وانا احترت بالنكران في قلب هاربها
تحلل امورن ماخطّرت لي في الحسبان=وعقل الحليم اليوم لاشك حار ابها
انا ماقصدت الا اخويانا في المليان =ولكن طاشت رميتي في قوالبها
على الله يصلك العلم وضاح ياشيهان=ونور الحقيقه مانطفي كهاربها
على كل حال الوضع عادي وكان وكان=واذا انته تبيها ملحمه جاك شاربها

[الطائر المهاجر]

واذا انته تبيها ملحمه جـاك شاربهـا
واذا انته تبيها ملحمه جـاك شاربهـا
واذا انته تبيها ملحمه جـاك شاربهـا

هذا والله مادري وش معه من سلاح
نصبر ونشوف

[ناصر عبيد الهواوي]

صح لسانك يابو محمد وافية من وافي
طبعا انا قد ذكرت مرة انه ليس في قاموسي كلمة زعل
ولكن ما حصل الا الزين ولا في خاطري شي ابدا
طبعا زهمت عليك ووجدت انك خارج التغطية وذلك بعد مكالمتك
التي لم تستمر حاول تكررها
وجزاك الله خيرا

[داعي الشوق]

يا سلام يا سلام

حوار من نوع خاص جدا

،،،،

دعونا نرى و نترقب هذا العنفوان الشعري الرائع

المندفع

،،،،،،،،،،،،،،،،

[نجم الإبداع]

صح لسانك يابو عبيد
وانا حقيقه من حبي للنقض والفتل وشفت ابو عبدالله اعتذر
وقلت اكيد خويي من هواة النقض واتحجج باي شي
وانت اخ عزيز ولك قدرك واحترامك ولولا ثقتي ماجاريتك وسقطت على الخط

شكرا لك ولكل من مر وسيمر

من هنا

[زهرة اللوتس]

متابعة بصمت
فوجدت ابداع في ابداع
صحت السنتكم
وتحية طيبة

زهرة