وش جنينا من الحضاره غير تخريب البيوت

[مبروك بن ماضي]

شاعرنا العلم الدكتور / عثمان العبدالله
حضور كالعادة يروي الذائقه..وحروف رااااقيه
حملت رسالة شعرية تحكي عن واقع اليم
ابدعت وامتعت استاذي بهذة الرائعه بكل المقاييس
سجل اعجابي القديم
وتفضل بقبول تحياااااتي ،

[الصريح العتيبي]

الطائر المهاجر

صح لسانك واعتلى شانك

ولاهنت على هذه الفاتنه

التي نقلت بها مانسبته 99%

من حال الناس اليوم

لافض فوك

سجل اعجابي القديم وتقبل مروري

دمت بخير حال

[صوت الإحساس]

صح لسااانك مليون
دوما هادف

لله درك

مدرسة يا ابا عبدالله

[الــذاهبه]

شاعرنا المتميز دائما

نص رررروووووووعه

والاروع من كتبه

صح السانك ودام ابداعك

لاتحرمنا من جديدك

وتقبل من اختك فائق الود والتقدير

[الطائر المهاجر]

شكرا لأخي عبدالله البهلولي
على كريم الحضور والتفاعل
لاهنت
تحياتي

[عبدالله راشد الثويني]

فعلاً لا نستطيع أن ننكر هذا الواقع المرير
أبيات جسدت الحدث بإسلوب راقـي
شاعر متمكن لطالما عبر عن مشاكلنا الإجتماعيه بكل واقعيه وصراحه
صح لسانك أستاذي القدير أبو عبدالله
ولا عدمنا ها الإبداع
تقبل وُدي

[محمد عبدالله البدراني]

المشاركة الأصلية كتبت بواسطة الطائر المهاجر

امام ما يلاحظ من ازدياد نسبة الطلاق في مجتمع دول الخليج العربي
كانت هذه القصيدة التي من رؤيتي الخاصة توضح بعض الأسباب

وش جنينا من الحضاره غير تخريب البيوت= من دشوشٍ او مواقع تنفث السم الدفين
خلت الحرمه تغيّر واصبحت في البيت حوت= لا تساهل رجلها معها يشوف اللي يهين
بعد ما كانت بطوعه ولا نطق لاذت صموت= صار يسكت كود يمنع لدغةٍ فيها اليقين
كل ما تبغاه كوره كلما راقت تشوت = سايق وحارس وحتى تيس لاجاها الحنين
وفوق هذا آلةٍ للصرف تعمل بالرموت= ولو تعذر ويل قلبه صار علك الشامتين
جالسه في البيت اميره ما نقصها إلاّ التخوت= وخادمتها قايمه بالبيت من غسل وعجين
باذنها الجوال لاصق ما عرف لحظة سكوت = كل ما في البيت يجري تلقطه اذن الفطين
ومن قناة اليا قناة وكل فلمٍ ما يفوت = ما تمل من المشاهد لو تصحّي النايمين
ولا قضت للنت تركض مالقت تحسبه توت= تنبسط من رد حصني شاطر بنصب الكمين
تاخذ دروسٍ دخيله تنمحي معها السموت = وينتهي ما قد ورثنا من الجدود الأولين
ضاع حق الرجل حتى من القهر اصبح يموت= كل يومٍ خمس مراتٍ على الوضعٍ المهين
يسكت الرجال ما وده يحرّق للكروت = من وراعينٍ صغارٍ بالقضيّه جاهلين
وتستغل الوضع عبله ترمي النار بزيوت= لين عنتر يجدع لسيفه ويمشي بالملين
ولا بغى يشهر لسيفه معه صكه والثبوت= لاهلها راحت تجرّ عيالها بدمع وأنين
ما تفكر في النتايج كنها تلعب بلوت = وما لقت رجلٍ رشيدٍ باهلها فكره رزين
كل ما قالت يصدق من اكاذيب وبهوت= جاحده عنتر وفعله لو معاها من سنين
يا مره ياكيف عقلك جرّه السانٍ فلوت = طايشه خبله كأنك عايشه من دون دين
للرجل حقٍ كبير وما عطيتيه الفتوت = ارجعي للشرع تدري كان عقلك ما يعين
للصبر حده فخافي قبلما وقتك يفوت= يحرقك باخرى او انه يطردك طردٍ مشين
مالك إلا بيت رجلك فاتركي الفكر الزموت= فيه عزك مع عيالك فيه لك حصنٍ حصين
لا تقولي بيت اهلي ما وراه إلا الغموت = لو يرحب يوم يقلب بالشقاء ماله ضمين
وما تشوفينه بدشك من سوالف ماتقوت= يلعب بعقلك ويكسب من وراه اللي ذهين
ويخدم اهداف المعادي من يخطط في سكوت= كل ما يبغاه شوفك سلعةٍ للطامعين

العزيز الغالي الطائر المهاجر سلمه الله


قصيده تعالج بعض الاوضاع الواقعه فعلا

وهذا رسالة الشاعر الحقيقي ان يعالج اوضاع مجتمعه


مليون مليوووووون صح السانك

ولله دررررررررررك


تحياتي

[سناعيس]

الطائر المهاجر
صح لسانك ولله درك
على هذه الاجتماعية الرائعه
هكذا الشعر وهذه هي الرسالة
لاهنت

تحياتي

[عذب القوافي]

الطائر المهاجر

قصيدة تكتب بماء الذهب

كفانا الله شر الحضارة المزيفه

شكرا ً لحسك الغيور

تقديري,,,,,

[عبدالعزيز العمار]

دكتورنا الغالي ابو عبدالله (الطائر المهاجر)

صح لسانك وجاد بيانك ...

قصيدة اجتماعية تحاكي واقعنا المر هذه الايام...


جزله من شاعر جزل مايجيب الا الجزل ..

تقبل اجمل تحيه وتقدير