ابارك للسعودية

[ضاامية الود]

المشاركة الأصلية كتبت بواسطة الطائر المهاجر

هـلا بك عيدنا الغالي هلا والحب لبلادي = هلا بالـورد والكادي ابارك للسعوديّه
تعودونه سنين طوال بفخر وعز الامجادي = رفيعي الراس بالعالي على العادي نداويّه
عبرنا للعـلا نبني حضاره فوق الاجسادي = وكلٍ يفتخر انّه سعودي اصل وجنسيّه
حميّة دوم تلقـاها وشهـامه للكـرم حادي = رجالٍ وين ما نمشي سباعٍ حزّة الهيّه
سعوديه من اقصى الشرق لاقصى الغرب والوادي = ومن اعلا الشمـال لتهمها والروح نجديّه
هلا بك عشقي الأول هلا بك فجر ميـلادي = هلا بك والغرام اكبر بقلبٍ صادق النيّه
تعالي افرحي حبّي وغنّي واطربي الشادي = على حبّك تلاقينـا ياشمس الكون يافيّه
سعوديين يالعزوه يا فخري بكل الأعيادي = نبي وقفة رجل واحد لاجل أمن السعوديّه
جسد واحد فكر واحد ما بين الحضر والبادي = وحب الدار يجمعنا على خـوّه وحنّيّه
حصاني الحقد لو كثرت تبي الفرقه والافسادي= نعرّيها ونحمي الدار ونكشف من خفى غيّه
سعوديين ما نقبـل تطول الـدار الانكادي = نفاديهـا بدم القلب والأرواح مرهيّه
نعيش بحاضرٍ احـلا ونبني مجد الاحفادي = حمـاك الله يا بلادي بعالي المجد دريّه

اول السلام عليكم

وثاني صح لسانك علي البوح


ليس بمستغرب هذا الانتماء والحساس

الشاعري لاهنت يابو عبدالله

تقبل خالص تحياتي وتقديري

[احساس راقي]

ابيات تحلق بنافي سماء الابداع والتميز
شكرا جزيلا لكم
تحياتي

[حسين العنسي]

صح لسانك ولاهنت

وتستحق السعودية
كل هذا الحب من إبنها البار الوفي

تحياتي لسموك أيها الطائر المحلق بالإبداع

ودمت بكل وجل الود...

[فارس القوافي]

صح لسانك يابو عبدالله


لاهنت


بيض الله وجهك


يعطيك العافية


دمت بخير

[سلطان العطاوي]

الله الله

صح لسانك مدد
تحيتي

[منصور بن ملك]

ابو عبد الله الطاير المهاجر ياخي واحد مثلك شاعر كبير المفروض يجيبونه في قناة الجزيره او يسوى له تكريم كبير او مقابله في شاعر المليون الجاي اهنيك يابو المهاجر طائر المنتدى الحبيب الله يعطيك العافيه تصدق جالس اسمع صوتك كل يوم من اليوتيوب صح لسانك وبدنك

[زهرة اللوتس]

عودة للتميز
لاهنت

[شجون القصيد]

صح لسانك مرارا

رااائعه تستحق العوده

سلمت ولاهنت

تحياتي

[الأمـــل]

مشاعر وطنيـــــــة جميلة
ولسعوديتنا كل الحب والولاء
حماها الله من كل باغي
كل الشكروالإعجاب بجمال الحرف وسموالمعنى

[عالي مستواها]

الله الله
صح لساااااااااااااااانك يابو عبدالله
بحق هناااااااااا نجد الانتماء والحب الخالص
الله يديم وطنا في عز وامن وآآآمان
جزله ومو مسغرب على مثلك
يعطيك 1000 عافيه
تحياتي لك