في زمان تغير ضعت في المعمعه(بالصوت)

[حي الضمير]

مبدع ياعميد ولله دررررررررك
ومليااااار صح لساااااااااانك

[الخنساء]

المشاركة الأصلية كتبت بواسطة الطائر المهاجر

في زمان تغيّر ضعت في المعمعه = بين فكرٍ تزمّت وآخرٍ بانحلال
وبين خادع منافق لغز ما ترمعه = له وجيهٍ كثيره خادعه للرجال
ذاك لو هو تزمّت يعرفه من معه= طيب القلب فاهم دنيته والمآل
البلى من ترهبل ولْبس الأقنعه = يظهر الدين لكن عايشٍ باحتيال
مستغلٍ لوضعه والزمن لمّعه = لو يحلّل حرامٍ قيل ماله مثال
ولو تناقش كأنك قاصدٍ تلذعه = ينبري لك هجوم ولا يجيب السؤال
ولو تقول المطوع طاح في مخمعه= قيل قولك حرام وعنه يومٍ تسال
استمع لاتناقش واللسان ابلعه = فلحمهم فيه سم ولو خطوا بالفعال
يعني إنك تحوّل منشفه وامّعه= تقبل اللي يقولوا لو عرفته خمال
وان تجادل يحطوا وصف ما اقذعه= فانت ملحد وعلماني وقتلك حلال
ما كأن الشهاده فوق هالأربعه= تمنع اللي يدوّر وصف بالإفتعال
رهبنه جت دخيله بابها ما اوسعه= وشرع ربي رفضها مايبي له جدال
ما يقر التوسط ولا اعترف بشفعه = غير للي بعثه الله يمحي الضلال
من ترهبل فحنا بالجهل نصنعه = لو تركناه وحده ما لقى له مجال
راح وقت الترهبل والزمان اقشعه = وان بقى به بقايا تنتهي للزوال
ديننا للجميع وكلنا نتبعه = ما نبي من يتاجر طامعٍ بالنوال
فالوطن شرعه الإسلام ما ضيّعه = فيه مجلس قضاء وافتاء بكل الكمال
ما يقولون خذنا وما نهوا نمنعه = وغيرهم ما نبي فتواه بين الرجال
ومن وضح بانحلاله لو تطول اذرعه= خاسرٍ في النهايه لو يطول المطال
مثل هذا تأمرك والعدو اصنعه = صار عبدٍ ذليلٍ ينشرى بالريال
صك باب الضمير وتربسه وشمعه = وطار يلهث وراهم من يمين وشمال
لاتحسف على مثله وذا مطمعه = لو وصل للثريا ينفصخ كالنعال
والخطر من منافق يعجبك مسمعه = باع دينه بدنيا لاجل جاهٍ ومال
مثل هذا المصالح لو معك تجمعه = احذره ثم حاذر لو رخى للحبال
كل همه بنفسه والجشع شجعه= مستعدٍ يبيعك لا لقى بك مجال
اتركه عنك وابعد لا تجي موقعه= مقعدك معه نقص وفي النهايه وبال
ودوّر اللي بقلبه دين ما دنّعه = نظرةٍ للدراهم في الخطب والمقال
لا بخصته عرفته رجل ما اسنعه = ماشي في حياته في الوسط باعتدال
ينصحك من ضميره لو خسر مامعه= يرجي الله ولا غيره وحسن المآل

صح لسانك مليون
ابيات تجسد واقع اليوم
وهذا سبب الغبار قلبلة
القلوب الصا فيه
سلمت ودمت بخير

[الصريح العتيبي]

الطائر المهاجر

صح لسانك واعتلا شانك

ابدااع غير مستغرب من شاعر العثمانيات

الله الله الله

كم انت رائع يادكتور

بيض الله وجهك

ولاهنت على هذه الشامخه

دمت بخير حال

[الطائر المهاجر]

شكرا لأخي الزلزال
على كريم الحضور والتفاعل الراقي دوما
لاهان راسك
تقبل أطيب التحيه

[الطائر المهاجر]

شكرا للفاضلة موج القصيد
على كريم الحضور والمتابعة
لاهنتي
تحياتي

[محمد عبدالله البدراني]

قصيده تستحق المرور مرارا


مليون صح السانك

وعلا شانك


لاعدمناك


تحيتي وتقديري

[همس الورد]

احساس رائع

و قصيدة معبرة

ابو عبد الله

صح لسانك

و صح بدنك

تحيتي و تقديري

[الطائر المهاجر]

شكرا للفاضله حوريه
على كريم الحضور والمتابعه
لاهنتي
تحياتي

[صعبة المنال]

دوووووووم قمة

صح لسااااااااانك

صعوووووووووب

[الطائر المهاجر]

شكرا لأخي دايود
على حسن الحضور والمتابعة
لاهنت
تحياتي