جيـت الفطاحل وأبالي شاعـر ماينقص ايزود"

[احمد حامد الزايدي]

أدري عن الشيء هذا والله أنه شيء منـقـود=لكن أنا فارس (ا) ودارس تراني ماعليه
تصبح على خـير ياناصر وعـد الـبـدو مــــارود=معروف ياناصر المقدام من ذيك السنيه

ناصر عبيد الهواوي

تصبح على خير يالقرم ،أستمتعت بهذا المحراف الرائع معك ، ومع الف سلامه

[احمد حامد الزايدي]

احمد الزايدي

سلام سلام فيه (ا)من الوفاء والطيب والجـود=وأهل الوفاء مـن وافاهـم يستحقونـه هديـه
جيت الفطاحل وأبالي شاعر ماينقـص ايـزود=يفتل وينقض بيوت الشعر في صبح (ا) وعشيه

ناصر عبيد الهواوي

يامرحبا يالمسلم كل ما تبغاه موجود=عطنا علومك ومقصودك ترا النية مطية
يالزايدي كل هالدنيا بنقص وقل مردود=ما تنومن ياعميلي والثقة فيها خطية

احمد الزايدي

دام البقا يالهواوي وادي (ا)عرف ثمرت العود=تمر الحساء نعرفه والصفري مـع السكريـه
ومن قدم الخير يجزابـه ويبقـا دوم محمـود=واللي ماقدم لنفسـه لـون لاشـك الضحيـه

ناصر عبيد الهواوي

بيض الليالي لسار الليل خير ٍله من السود=وهل العدل لو يصير اخلاف تقضي بالسوية
ماكل فارس غزا يبي المكاسب حصل الفود=ولا كل روضة كساها العشب للمرتع مرية

احمد الزايدي

يا ناصر الله مابه من نمور (ا) وقبلها أسود=سادت ورادت قبلنا فالعصـور الجاهليـه
لابله الا الشجيع أيسود فعله دوم ويـرود=والوافيه مدت الشجعان والنـاس الوفيـه

ناصر عبيد الهواوي

ما قلت كله صحيح وكل ما تمليه ماكود=وكل ٍعلى قدر ما يفعل يحصل مقدرية
وبذل السبب واجب وباب الرزق ماهوباب موصود=واللى بذل طاقته ما يلحقونه مشرهية

احمد الزايدي

مار البلا من يحب الخير تال الوقت محسود=تغير النـاس والحسـاد كثـرو ياعطيـه
كثر المعاصي تسبب مشكله والا لهاحـدود=وهي السبب فالزلازل يالهـواوي والبليـه

ناصر عبيد الهواوي

اشوف نو ٍنشا قبلة وفيه بروق ورعود=مادري وصل مدركة والا تعدا للحوية
ياولد حامد كفيت الباس خل المشي بركود=لو تسري الليل مع بكرة صباحه والعشية

احمد الزايدي

الله يسقي ديار المملكه ديـرت بـن اسعـود=شرق(ن) وغرب وشمال وفي جنوب الفيصليه
أمشي على مهلي أنا وأنت ياناصر كما العود=في ظلمة الليل ماتسري وتسـرح فضحويـه

ناصر عبيد الهواوي

بعض العرب ما يعرف من الهبايب غير هالنود=ولو قلت من وين هبت ما درى باية نحية
النخل يثمر قـنـاوة والعنب عـنـقـود عـنـقـود=والأكل حبة بحبة من هاذيك ومن هذية

احمد الزايدي

أدري عن الشيء هذا والله أنه شيء منقود=لكن أنا فارس (ا) ودارس تراني ماعليـه
تصبح على خير ياناصر وعد البدو مارود=معروف ياناصر المقدام من ذيـك السنيـه

[ناصر عبيد الهواوي]

نا اشهد انه تعلا بيرقك في قمة الطود=وان ادري انك من رجال المروة والحمية
الآدمي يابن عمي مرجعه في حفرة الدود=اسلم فداك الردي واقبل سلامي والتحية
في تالي القول ضاق الدرب مادري صار مسدود=حاشا وربي تجي مني لشرواك الردية

[احمد حامد الزايدي]

الأخ القدير الشاعر/ ناصرعبيد الهواوي

شهادتك والله أني افتخربها، والله يكرمك ويسلمك ويبيض وجهك على الأبيات الرائعه التي حوت الجزاله كلها، وأنت والله أنك شاعر ماهر بارع،والرديه بأذن الله ماتجي منك ولا مني،تقبل فائق أحترامي وتقديري