محاورة في حركة السوق

[ابو زياد]

اشوفه كله امخضر من اول سهم للتالي=شل النسبه مع النسبه وغمض عن عذاريبه
وهو باكر يبي يحمر حمار يصحبه صالي=يحرق الناس والكاسب يجدد فيه ترتيبه

ردي للمشاركه رقم 19 من الطائر المهاجر لم تظهر بالامس ما ادري ليش يمكن عجله في

انا اللي قاضي عمري اسير الليل جمالي=ولا بي وحشة منهم بروس جبال او غبه
امضي الليل وا اغني الا يا ليل يا لالي =اخا ويهم واسامرهم ونقضي الوقت في صحبه

ابو زياد

تركد لا تعجل يدخلك شيطان وهبالي=الى منه عطا نسبه تنفذ امر تشري به
وحوش السوق ما ترحم ولا به عندهم والي=ولا تعرف خبايا مكرهم وشلون اساليبه

[ابو زياد]

انا راكد وركدني زماني وامسك الجالي=عقب ماشفت انا بالسوق وصايا تجلب الخيبة
ادور لي سهيم(ن) نايم(ن) ماحاشه هبالي=والى من شح به سوقك فلا لي عنك ياطيبه

[الطائر المهاجر]

بحر والليل والمركب على الأمواج بالعالي= ويمحط به على الصخره ولادري ويش ينوي به
تنثر عفشنا والناس تشكي ضيعة المالي = ولا ندري متى تصحي بسوق ضاع ترتيبه

[نجم الإبداع]

اشوف الصبر قل وفي كلام الصب غربالي = خساره فادحه والسوق لي بانت عذاريبه
تصبر يالذي غامرت لو ماتكسب اريالي = ترى دنياك ماتسوى وهذا الحال تدري يبه

[الطائر المهاجر]

بهالأسهم نبي شئ يساعدنا على الحالي = فكلش زايدٍ سعره عدى الإنسان يا رخصه
كرامتنا غدت رخص التراب ووسط الاوحالي= وحتى عيالنا عالة بلا شغل ولا حصه

الى منه بدا ضعفك لك الله ربي الوالي=هو اللي قسم الارزاق وكل رزقه يخصه
وكل من خراب السوق زين او شين قد نالي=ويبقى اللي بقى وابعد وليا بهامك تمصه

[الطائر المهاجر]

الدعوى فيها مص!!

تبيني ابعد ونا معلق مع اذني مثل جردالي = وراس المال كله راح ما عود ولانصه
وترى ما عمرنا شفنا مطر بفلوس واموالي = ولا حتى تمر ينفع نرصه يوم فالجصه

[ابو زياد]

نبي نضحك وبكانا زمان الفلس وريالي= ودام انك كليت فصيص فكمل باقي الفصة
والى شفت المؤشر قلت هذا فن سريالي=جميل االشكل والمنظر يصيب الناس بالغصة
عسى من هو تسبب به وله نيه ويحتالي=جميع اللي جمع منه حصاة(ن) فوقه ترصه