رجعتي لي بعـد غيبـه

[يوسف بن صالح]

اخوي : عثمان العبدالله

صح لسانك والله لا يهينك

نص ينبض بكل ماهو جميل


لا عدمناك ..

[داعي الشوق]

واذا من جابني الطاري من الاحباب والحسـاد
وقال الناس ويـن الطيـــــــــر فقولـي الله بعونـه

..............................

قصيدة رائعه بالمعنى والكلمة والاخراج

تسلم يا بوعبدالله

ويسلم صوتك يا حمد العيد

تحياتي وتقديري ،،،

[الصمت الثائر]

المشاركة الأصلية كتبت بواسطة الطائر المهاجر

بصوت الفنان روض الغلا ( حمد العيد)

رابط التحميل : http://fatahilah.com/up/Rj3tyHamad.mp3
وبصوتي

رجعتي لي بعـد غيبـه تبين اللي مضى ينعاد = تقـولين اقبـل اعذاري فانا بالحب مرهونه
كفـاني ما حصـل منّك تعـدى كل حـد وزاد = تحمـلت الأذى لاجـلك وقلبي باح مكنونه
عطيتك ما تبي روحي عطيتني الهجر وعناد = ابي قربك يونّسني وحـال البعـد من دونه
اشوف الحب في شرعك بعيدٍ عن هوى الاجواد = يبي ياخـذ ولا يعطي مثل من يجحد ديونه
ترى يا مهجتي بعض الطيور ولـو بدت تنصاد = لحمهـا مـرّ حتى لو هقيتي البعض مامونه
تظنيني مثـل أوّل حبيـبٍ بالهــوى ينقـاد = ترى بعـدك تعلمنـا وفهمنـا الحب وفنونه
ضحكتي ما كفى واليـوم ابنقـذ ما بقى بالكاد = من جـروحٍ تركتيهـا بقـلبٍ بانت طعونه
زمن غـدّار ما يسوى اعيش الحـزن والانكاد = علشان اللذي في يوم بنى في قلبي حصونه
ابرحـل لا تقولي ليه بـدال بـلادك الف بلاد = وبصحى بعد غيبوبة وابنسى الحب ومجونه
واذا من جابني الطاري من الاحباب والحساد = وقـال الناس وين الطير فقـولي الله بعونه
انا مهـاجر الى النسيان ادوّر لحظـة الميلاد = طفل يبكي ، طفل يضحك وباقي الدمع بعيونه
يبـي حب ويبي عطف ويبي امه كمـا المعتاد = ولا يدري وش الساعة ولا هالوقت او كونه

دكتور المعاني وفيض الابداع
دائماً وابداً تستوقفني ابداعاتك
الا ان قلمي يقف امامها رافعاً قبعته حانياً هامته
احتراماً للابداع

دمت مبدعاً

[الطائر المهاجر]

شكرا أخي مهدي
على كريم الحضور والمتابعه
لاهنت
تحياتي

[سلطان العطاوي]

يا سلااااااااام


تشكيلة رائعه

صوت وكل شي

صح كلك

[الـزلـزال]

ترى يا مهجتي بعض الطيور ولو بدت تنصاد=لحمها مرّ حتى لو هقيتـي البعـض مامونـه
تظنينـي مثـل أوّل حبيـبٍ بالهـوى ينقـاد=ترى بعدك تعلمنـا وفهمنـا الحـب وفنونـه

الطائر المهاجر


بوح مميز وراقي

من شاعر محلق في كل حالاته

شاهدنا في هذا البوح عتاب بطريقه مختلفه

كما شاهدنا وضع النقط على الحروف

شاهدنا شموخ شاعر تعلم مما حصل له في السابق


حلق طائرنا في سماء الشعر ولنا الأستمتاع بتحليقك


صح لسانك ملايين ملايين


ولك فائق تحياتي

صح صح صح الساانك

قصيده جزله

لا هنت

موج القصيد

[الخنساء]

صح لسانك ولاهنت

ابيات رائعة ترجمت روعة الاحساس والمعنى

سلمت ودام حرفك

[زهرة اللوتس]

الطائر المهاجر

سلمت وسلم فكرك
جزلة من شاعر جزل
لاهنت وبيض الله وجهك
تحية طيبة

زهرة

[همس الورد]

صح لسااااااانك و صح بدنك

و اعتلا شانك

تحيتي