سجل حضورك ببيتين شعر (شقر)

[متعب المتعب]

ترى واجبنا ياماجد نبر الشايب المنشود=عسانا نصلح احواله وقل يارب ياهادي
وخذ علمه ولاغيرك ينشدني عن المنشود=واذا بحره زما موجه وراه الطامي الهادي

[ماجد الزيد]

الجن لوهم ساكنين البوادي=تناقلوا شعري الا فاض مدّه
ماقد ظهرنا في قناة البوادي=لكن راسي لو عصى الشعر مدّه

[الطيف المسافر]

مني سلا الآف ماحصاها عدد =لاعدها جني ولا انسي معاه
تكفي لمن موجود جمعا بالعدد=مضمونها التسليم لا مقصد معاه

[ماجد الزيد]

طير المهاجر وافي(ن)مابه قصور=بحره عميق وافي بكل دانه
لوني بنيت من الجزيلات القصور=فالطير شعره رايع(ن)ليل دانه

[الطائر المهاجر]

اشوفك ترطن بلجهة صعيدي غاوي التصعيد = ولا هو داري بحاله يسمي نفسه ب مقصود
ونا ما اعرف الا الحج يوم الخلق في تصعيد = البي مثل حجاجه ولا لي في الغثى مقصود

[متعب المتعب]

ترى ياماجد الطاير مـا تفرق مزحه وجده=وانا خايف يشتتنا إلى منه نوى المقلاع
لعله يسمع اشواري ويرحم جدي وجده=قبل لا تجيه في غفله حصاةٍ فرها مقلاع

[ماجد الزيد]

المشاركة الأصلية كتبت بواسطة متعب المتعب

ترى ياماجد الطاير مـا تفرق مزحه وجده=وانا خايف يشتتنا إلى منه نوى المقلاع
لعله يسمع اشواري ويرحم جدي وجده=قبل لا تجيه في غفله حصاةٍ فرها مقلاع

والله لاتقول الا خير الله يستر هههههههههههههههههههههههه

[ماجد الزيد]

ترى لاغرّت عن المزح استاذي انا دكتور=مهاجر وافي(ن)واخلاق جعله ماهو للحبه
ولكنّي احس انّه يحوج لمرّة الدكتور=لعل كشّفه يجيب علاج وتفلح بالشفاء الحبّه

[الطائر المهاجر]

انا بقرا عليكم آية التعداد والكرسي = لعل الله يجنبكم حريم كلهن قصور
ولو صليت في بيتي ولو جالس على الكرسي= اشيد في خالي من جزيل الشعر سبع قصور

[ماجد الزيد]

قبل تقرا علي حاول علي يقرا امام البيت =قرا بالفاتحه مع نون ويّا ق وعاد الفيل
ولكني بعد ما اقفيت عنه شلت ذاك البيت=عذابي ياعذابي منك يام سنون عاج الفيل