عبر عن حالتك النفسيه ببيت من الشعر

[الطائر المهاجر]

السيف ابو حدين مايفرق بين الصديق والخصم ، من شاله ولم يحسن استخدامه لابد يجرحه صديق او غيره

[بارقةأمل]

كلام صحيح لكن نحاول قدر الإمكان نتقن المسكة
ونضبط الأعصاب لكــــــــــــــن أحياناً


بعض البشر ودك تحطه على الراس
وبعض البشر ودك توطي علابيه
وبعض البشر يازين طبعه من الناس
وبعض البشر ياشين قولة هلا فيه

[الطائر المهاجر]

بعض البشر ودك تحطه على الراس= وبعض البشر ودك بدربه تخليه
لا صار ما عنده تفاكير واحساس = خله ألين ان الليالي تربيه
وبعض البشر يازين طبعه من الناس= إنما تفيدك ما تضرك حكاويه
وبعض البشر شكله ولاهوب مقياس = خسارة الترحيب يومك تلاقيه

[بارقةأمل]

بعض العرب ودك تصكه بمشعاب.......
.........حتى يتعدل في طريقة كلامه

[الطائر المهاجر]

بعض البشر ودك يلاقى بترحاب = حتى تبين غايته من سلامه
ان كان رجال فحطه بالاهداب = وان كان غيره فاتركه للندامه

[بارقةأمل]

ههههههههههههههه صادق يا شيخنا أبو عبد الله
لكن كان هذا طبعي ولقيت إني دايم أطق الحسوفة
ومن اليوم وطالع الواحد نعرفه من أول مواريه
وانا والله نظرتي في الناس دايم ماتخيب بس نقول نكسبهم بالطيب
لكن الناس ماعاد ينفع معهم الطيب
------------------------------------------------------------------------------------------

لي قصةٍ مع صاحبي فلم هندي
دايم انا ويّاه فـ هواش ودموع
ودّه يسامرني على تيس مندي
وانا رقيقه ودي بازهار وشموع
خلّي غبي والعقل عنده مصدّي
وبفن التخلف حايزٍ شكر ودروع
قلت له تطور عيش باشا وافندي
الى متى وانت بتخلفك منزوع
قام وتلفّت قال قومي تغدي
هذرتك واجد اليوم انا ميتٍ جوع

[الطائر المهاجر]

لي قصةٍ مع صاحبٍ ما تسمّا= دايم انا وياه في هوش وطقاق
وده يهاجمني ولا شال همّا = وانا مثل كبريت يحرق بالاوراق
مقدر على ظلمه ولو كان عمّا = حتى ولو هو خال ماهوب ينطاق
انا الذهب بيذوب لامن تحمّا = ولا ينتقص من قيمته شوي واحراق
ومنهو جهل فيني ففكره تعمّا = يصحى بلسعه من حروفي بالاحداق
ومن لا احترمني يدفع الطاق جمّا= ويحلف بانه ما يجي لي على ساق

[بارقةأمل]

المشاركة الأصلية كتبت بواسطة الطائر المهاجر

لي قصةٍ مع صاحبٍ ما تسمّا= دايم انا وياه في هوش وطقاق
وده يهاجمني ولا شال همّا = وانا مثل كبريت يحرق بالاوراق
مقدر على ظلمه ولو كان عمّا = حتى ولو هو خال ماهوب ينطاق
انا الذهب بيذوب لامن تحمّا = ولا ينتقص من قيمته شوي واحراق
ومنهو جهل فيني ففكره تعمّا = يصحى بلسعه من حروفي بالاحداق
ومن لا احترمني يدفع الطاق جمّا= ويحلف بانه ما يجي لي على ساق

ههههههههههههههههه راااااااااااائعة يا شيخنا أبو عبدالله شيخ القبايل كلها والله
تسلم ويسلم راسك والله إنك عارف ودقيت على الوتر الحساس

بس ماراح أكتب تعليق اللبيب بالإشارة يفهمُ
»
بعض العرب ودك تحطه بمخباك
وتضهر خشيمه كل ساعه وتحبه

ام زياد ما صار ادمي اللي بيدخل في الجيب
هههههههه

يازين خشمه دافين كل ماجاك
////////////// مدفيه عن برد الشتاء وسط عِبه
وعن الخشم تنزل شويه اذا امداك
////////////// لو ان ما يكفيك 90 حُبه

المشاركة الأصلية كتبت بواسطة أميرة الليل

يسلموا على الموضوع

ياخبلي الغايب متى تردّ للعين ------ متى أشوفك أو تجيني رساله
صحيـح بالدنيا خبــولٍ كثيرين ------ لكـــن خبـــالك ياحياتي لحاله

هههههههههههههههههههه
ههههههههههههههههههههههه
اما هذي صراحه مصفيه 100% مافيها كلام
ولو كنت مكانه رديت عليك يا أميرة الليل
هربت انا من العين ياخبلة العين
//////////////// وعزي لحالي كان سكنتك طاله
من خشتك اللي تهجج بعارين
//////////////// وزول(ن) يحير روحته مع قباله