يقـولون الشهر روّح واقـول إنّه بقى ليله

[الطائر المهاجر]

يقـولون الشهر روّح واقـول إنّه بقى ليله = بها ينزل إله الخــلق يسمع دعـوة الداعي
نـزل فيهـا كتـاب الله بمحكم آي تفصيله = على سيد البشر للناس ينقذ جهـل الاوضاعي
سـلامٍ طول ذا الليـله ونورالله يوضي له = ومع الاصباح شمس الكون نورٍ دون اشعاعي
الا وينـك ياعبد الله كفـاك العذر والحيله = ترى فرصتك هالليـله مدام إن العمر ضاعي
تعـال وكمّـل صيامك بتكبيره وتهـليله = تعال اطلب من اللي باب رزقه مشرع اشراعي
تعـال وكفّـر ذنوبك كفى بالنـوم تطويله = تعال اقرب من اللي ما يبيك لزود الاطماعي
ترى دنياك لو ضحكت وموتك طال تاجيله = مصيرك راحل عنها ذهاب ما به ارجاعي
الى دنيـا الخلود وكل من يرحل وتحصيله = الى الجنّه او النيران بـلا جـاه ولا اتباعي
حبيبي طـالت الغربه علينا كم مضى ليله = وكم نحزن على الأمّه تعـاني كسر الاضلاعي
نبي نصف القمر يظهر نبي حـلم وتأويله = نعيش الـوقت في ذلّه فمجروحٍ وملتاعي
تحاصرنا جيوش الكفـر توراته وانجيـله = ويتعبنا الجهل بالدين وفكرٍ زادنا اوجاعي
انا ما همّنـي طيـرٍ يحسبه من ابابيـله = انا همي بصقـارٍ يدز الطير لافزاعي
خـدع طيره بلبس الدين يستر بعض تضليله= وزاد الجهل فرقتنـا لاحزابٍ واشياعي
كفانا ما حصل منه كفـانا طول تدجيله = كفانا راسنا بالارض كفانا كذب وخداعي
غدينـا كلنا نطـارد من افعاله واقاويله = مسمى ارهاب يطردنا ولا نملك له ادفاعي
حبيبي ابتدا شكّي ولو هو صعب تدليله = ولكن من مواريها اشوف الشك له داعي
احس انا ضحايا جهل باللي دوم يوحي له = اخافه يخدم العادي ولو هو بالعقل واعي
يبي تفريقنا نقتـل بعضنا بفعـل تمثيله = ولا يكفيه ما جانا من الحقران واخضاعي
فنهر الـدم يجلب دم اذا منّه بدا سيله = يشيل الكل في دربه بلا تمييز للقـاعي
الا يالله تنصرنا على من طـالنا ويـله = وتكشف دين من حطّـه وسيلة ستر وقناعي

[مبروك بن ماضي]

أردت التعليق فوجدت نفسي في احد الرموز الشعريه
فاكتفيت بالقراءة والتأمل في هذا النص الروحاني الجميل
حضور شعري فاخر وقصيدة مورقة بالحكمة والنصيحة
كتبت من القلب لتعانق قلوب قراءها
دائما يكون الجمال حيث تكون سيدي
شاعر جزل ومتمكن لطالما استمتعنا واستفدنا من إبداعاته
تقبل الله منا ومنكم طاعاتنا وجعلنا واياكم من عتقائه من النار
وكل عام وانت بخير يادكتور عثمان
تقبل تحياتي اللائقه وأسمى إعتباري
أخوكم / ابو فيصل ،،

[منيع]

ابيات مشحونه بهموم الامه وماصارت اليه من ويلات وتفرقات وتحزبات
نسئل الله الفرج القريب العاجل

وان تسخير الشعر لهذا القرض النبيل في نفس الشاعر ماهو الا تجسيد ان في هذا الرعيل اناس في مستوى المسؤليةحملو على عاتقهم النهوض بنا من هذا السبات العميق الذي حل بنا
بارك الله فيك
اخي المشرف العام
تحياتي

صح الله لسانك وجزل جزل جزل

[داعي الشوق]

قصيدة من قرأها

يدخل تلقائيا في جو روحاني وشعور بالذنب في الدنيا وتقصيره في واجبات الدين .. ثم شيئا فشيئا حتى منتصف القصيدة ،، فيجد نفسه في الواقع الذي يعيشه مع هموم الوضع العربي والاسلامي والضروف المحيطه ،،

إنها رحله عشتها أثناء قراءتي للقصيدة ,,, لله ما أروعك يالطائر المهاجر

[الخنساء]

صح لسانك مشرفنا
لاهان راسك قصيدى رائعة
سلمت وسلم شعرك
دمت بخير

[حمد العيد]

القدير/ الطائر المهاجر

اسئل الله العلي القدير ان يعيدة علينا وعلى المسلمين وان يكتب لنا منه الخير

ويتقبل صيامنا وقيامنا

لاهنت استاذي وصح لسانك

ودي وتقديري

حمد العيد

[ماجد الزيد]

ليس لي الحق بالاشادة فيك يا استاذ
والصمت امام نصوصك من ذهب

[ابومياس]

الا يالله تنصرنـا علـى مـن طالنـا ويلـه
0000000000000وتكشف دين من حطّه وسيلة ستر وقناعـي

ابو عبدالله

جزاك الله خير

وصح لسانك

دائما ماتاتي بالجزل المفيد

كل عام وانت بخير

[هاجس نجد]

المشاركة الأصلية كتبت بواسطة الطائر المهاجر

يقـولون الشهر روّح واقـول إنّه بقى ليله = بها ينزل إله الخــلق يسمع دعـوة الداعي
نـزل فيهـا كتـاب الله بمحكم آي تفصيله = على سيد البشر للناس ينقذ جهـل الاوضاعي
سـلامٍ طول ذا الليـله ونورالله يوضي له = ومع الاصباح شمس الكون نورٍ دون اشعاعي
الا وينـك ياعبد الله كفـاك العذر والحيله = ترى فرصتك هالليـله مدام إن العمر ضاعي
تعـال وكمّـل صيامك بتكبيره وتهـليله = تعال اطلب من اللي باب رزقه مشرع اشراعي
تعـال وكفّـر ذنوبك كفى بالنـوم تطويله = تعال اقرب من اللي ما يبيك لزود الاطماعي
ترى دنياك لو ضحكت وموتك طال تاجيله = مصيرك راحل عنها ذهاب ما به ارجاعي
الى دنيـا الخلود وكل من يرحل وتحصيله = الى الجنّه او النيران بـلا جـاه ولا اتباعي
حبيبي طـالت الغربه علينا كم مضى ليله = وكم نحزن على الأمّه تعـاني كسر الاضلاعي
نبي نصف القمر يظهر نبي حـلم وتأويله = نعيش الـوقت في ذلّه فمجروحٍ وملتاعي
تحاصرنا جيوش الكفـر توراته وانجيـله = ويتعبنا الجهل بالدين وفكرٍ زادنا اوجاعي
انا ما همّنـي طيـرٍ يحسبه من ابابيـله = انا همي بصقـارٍ يدز الطير لافزاعي
خـدع طيره بلبس الدين يستر بعض تضليله= وزاد الجهل فرقتنـا لاحزابٍ واشياعي
كفانا ما حصل منه كفـانا طول تدجيله = كفانا راسنا بالارض كفانا كذب وخداعي
غدينـا كلنا نطـارد من افعاله واقاويله = مسمى ارهاب يطردنا ولا نملك له ادفاعي
حبيبي ابتدا شكّي ولو هو صعب تدليله = ولكن من مواريها اشوف الشك له داعي
احس انا ضحايا جهل باللي دوم يوحي له = اخافه يخدم العادي ولو هو بالعقل واعي
يبي تفريقنا نقتـل بعضنا بفعـل تمثيله = ولا يكفيه ما جانا من الحقران واخضاعي
فنهر الـدم يجلب دم اذا منّه بدا سيله = يشيل الكل في دربه بلا تمييز للقـاعي
الا يالله تنصرنا على من طـالنا ويـله = وتكشف دين من حطّـه وسيلة ستر وقناعي

الغالي / طائرنا المهاجر
صح لسانك مدد بلا عدد
حبيت أعلّـق على القصيدة فما وجدت أجمل من إقتباسها مرة أخرى
حيث جميع كلمات الثناء والإطراء قليلة في واجبك يا / أبو عبد الله
أنت كما أنت دائماً تتحفنا بما هو جديد ومفيد وفقك الله
تقبل تحياتي وتقديري
أخوك
سعــد عبــد اللّــه العبيــد