العودة   منتديات الفطاحله > منتديات الشعر النبطي/يمنع الفيديو > رواد الشعر النبطي > رواد الشعر النبطي المعاصر

إضافة رد
 
أدوات الموضوع
قديم 18-09-2007, 06:58 PM   رقم المشاركة : 11
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: عبدالله بن محمد السياري


هلا يا من زهمني واعتزابـي=ترى خالك على الداعي يجيبي
انا لـك ليتعـذر كـل هابـي=على ظنك وفوق اللي تبي بـي
على كتفي سلاحي مع زهابـي=بعيد الدار للمـا شـي قريبـي
الامنـك لمسـتـه بالعقـابـي=غدا لبلوف ماطـوره حطيبـي
والامن طالعن هـاك الروابـي=ترى المقيال في هاك الشعيبـي
عسى يسقيه سكـاب السحابـي=مراتع كـل رعبـوبٍ ربيبـي
ولو دونـه ملحّسـت الجنابـي=لزومٍ ياصله غصـبٍ وطيبـي
ترى ليلٍ سرى بك قد سرابـي=على هاك الزمان انحب نحيبي
زمانٍ راح ياما حـلا شرابـي=مثل صافي العسل وسط الحليبي
على هاك السنين اقرع بنابـي=طويت رشاي عن جم القليبـي
انا بنصحـك دام نـك شبابـي=تغانم قطفة الغصـن الرطيبـي
حلاة العيش مع دعد وربابـي=قبل عارضك يبـداه المشيبـي
تحذر مـن ثعابيـن الترابـي=وعن الراصود ابو نابٍ عطيبي
ولاتهتـم مـن نبـح الكلابـيي=جي للذيـب غـاراةٍ تصيبـي






توقيع الطائر المهاجر
 
  رد مع اقتباس
قديم 24-09-2007, 01:09 AM   رقم المشاركة : 12
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: عبدالله بن محمد السياري


كان للشاعر عبد الله السياري صديق عمره ورفيق دربه الشاعر عبد الله السلوم

كانوا أصدقاء من وهم أطفال تربوا مع بعض دخلوا المدرسة مع بعص توظفوا مع بعض

ولكن فجأهة مات عبد الله السلوم رحمه الله وكان عبد الله السياري يحفظ أرقام جوال صديقه ومحفوره أرقامه في ذاكرته وبعد وفاة صديقه بسنتين وفي وقت عيد اتصل ولد عبد الله السلوم على السياري من نفس جوال أبوه
ويوم شاف السياري أرقام الجوال تخيل صورة صديقه ظاهرة من بين الأرقام

وقال هذي القصيدة الحزينة المبكية



رقم(ن) على شاشة الجوال بكاني=كذبت عيني وقلبي صدق أرقامه
رقم عرفته مثل عرفي لجيراني=ياما بسمعي تجلى حالي أنغامه
شفته وشفت العزيز الحاضر الفاني =من بين الأرقام أشوفه واسمع أنغامه
ياوارث الرقم ياذخري على شاني=ماودي عمك يشوف الرقم قدامه
رقم يجدد عناي ويبعث أحزاني=ويذكر النفس عاليها مع أيامه
الحزن خيم بكبدي ماتعداني=من يوم لفوا عديل الروح بحرامه
يا(لحربي) الحزن لو ماأبيه يلقاني=يلبسني الحزن لبس الشيخ لحزامه
أما غزتني جيوشه لين تاطاني =والا رماني على الغفلات بسهامه
مالي رجا الا رفيع العرش والشاني=يفرج هموم الحزين ويجبر عظامه






توقيع الطائر المهاجر
 
  رد مع اقتباس
قديم 24-09-2007, 01:23 AM   رقم المشاركة : 13
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: عبدالله بن محمد السياري


في رثاء ابنه خالد

متى مالعباير ضيقت صدري المشحون=ونوت عيني الحرّى تنثـر عبايرهـا
ركبت المصفحّ مبعد الهقوة المامـون=وتنزحت بعيونٍ على الصبر عاسرها
تنحرت لي رجمٍ على الوادي المصيون=تعليت به والعيـن جابـت ذخايرهـا
على فقد{خالد}ونتـي ونـة المطعـون=تكض العيون الدمع والحزن حاشرهـا
انا اظني احيا مابقالي وانـا محـزون=من الصدمه اللي رب الأرباب خابرها
إليا شفت ساره تدّرج بينهـم بالهـون=تعثر وتنهض وأقشر الحـظ عاثرهـا
تنادي ببابا مادرت ذخرهـا مدفـون=تعلّق بمن شافت وتنتخـي عشايرهـا
تنحيت عنهم وأسبلت عيني المحـزون=اطمّـن وألـد بناظـري لا يناظرهـا
واليا خف حزني صحت ياربعنا تكفون=على الكبد حطوّها تطفـي سعايرهـا
هلا مرحبا ياكل عمري ونون النـون=ضنا من خياله شايفه فـي نواظرهـا
انا اشم ريحه فيك لـو قيـل مجنـون=عيون الخلي لو نامت الليل عاذرهـا






توقيع الطائر المهاجر
 
  رد مع اقتباس
قديم 22-12-2008, 09:45 PM   رقم المشاركة : 14
حي الضمير
خالد الحمد/ شاعر/عضو شرف
 الصورة الرمزية حي الضمير





معلومات إضافية
  النقاط : 10
  الحالة :حي الضمير غير متواجد حالياً

 

افتراضي رد: عبدالله بن محمد السياري


مجهود رائع وبيض الله وجهك يابوعبدالله
وصح لسااااان الشاعر السياري
والحقيقة اعجبتني قصائده







توقيع حي الضمير
 
سبحان الله وبحمده سبحان الله العظيم
  رد مع اقتباس
قديم 05-03-2009, 02:34 PM   رقم المشاركة : 15
نجم الإبداع
فلاح بن منشار/شاعر/ عضو شرف
 الصورة الرمزية نجم الإبداع





معلومات إضافية
  النقاط : 10
  الحالة :نجم الإبداع غير متواجد حالياً

 

افتراضي رد: عبدالله بن محمد السياري


شكرا للمجهود الطيب ابو عبدالله

نقل رائع لشاعر مبدع

لاهنت

تقبل مروري وودي







توقيع نجم الإبداع
 
  رد مع اقتباس
قديم 07-03-2009, 01:14 AM   رقم المشاركة : 16
زهرة اللوتس
عضو شرف
 الصورة الرمزية زهرة اللوتس






معلومات إضافية
  النقاط : 10
  الحالة :زهرة اللوتس غير متواجد حالياً

 

افتراضي رد: عبدالله بن محمد السياري


الطائر المهاجر
مجهود تشكر عليه
الله يعطيك العافية
وتسلم ايدك
وتحية طيبة

زهرة







توقيع زهرة اللوتس
 
  رد مع اقتباس
قديم 16-04-2009, 06:25 AM   رقم المشاركة : 17
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي عبدالله بن محمد السياري


عبدالله بن محمد بن صقر السياري من بني خالد, ولد شاعرنا عام 1362ه في مدينة ضرما بالقرب من الرياض ودرس في مسقط رأسه حتى تعين مدرسا في نفس المدينة واصبح مديرا حيث انتقل بين اكثر من مدرسة ابتدائية ومتوسطة في الرياض وعمل في وزارة العمل والشئون الاجتماعية ثم انتقل الى امارة منطقة الرياض ليعمل في مكتب وكيل الإمارة, ويعتبر شاعرنا من ابرز شعراء المملكة لما له من اسلوب جميل وعبارة سلسة ومعان قوية ومفردة راقية وتصوير بليغ حتى انه يعتبر مدرسة في حد ذاته وقد نشر له العديد من القصائد في وسائل الإعلام خاصة الصحافة وصدر له ديوان عام 1413ه باسم ديواني لقي صدى طيبا لدى محبي الشعر الشعبي وعشاقه وشاعرنا ورث الشعر الاصيل والخصال الحميدة كيف لا ووالده - رحمه الله -الشاعر والناقد الاديب محمد بن صقر السياري الذي سوف يكون لنا بإذن الله وقفة مع قصائده في الأسابيع القادمة اما شاعرنا فهو من الشعراء الذين لا يمل القارىء والمستمع من قصائده السلسة الجميلة التي تعبر عن مشاعر كل محب وعاشق لأ اطيل عليكم ولكن سوف نستعرض معا قصائد شاعرنا هذا الاسبوع عبدالله السياري,
اول ما يصافحنا في ديوانه قصيدة في رجل احبه صغيرنا قبل كبيرنا لإنسانيته ونبله وكرمه وحسن اخلاقه وحرصه على تقدير كل من يزوره وإخلاصه للرياض العاصمة إنه سمو أمير منطقة الرياض الأمير سلمان بن عبد العزيز الذي مهما قال الشعراء لن يوفوه حقه, يقول السياري

وقل لليتيم اللي بكا فقد واليه
وقل للضعيف اللي سطا به زمانه
وقل للمريض اللي جروحه تقزيه
وقل لكبير الي ضعيف كيانه
وقل للأسير اللي ديونه تبكيه
وقل للغريب اللي يحن لمكانه
اردو على بيت تذري حواميه
يامن به الي حطه الله بامانه
بيت العديم اللي كبار حسانيه
زود على فضله شملهم حنانه
سلمان بحر الجود كل الوفا فيه
يا غيث من داسه زمانه وهانه
سلمان يا مناديه يعطيك اياديه
واصدق حديث تسمعه من لسانه
سلمان ابا النجدات ابا الجود اناديه
يانيل نجد اخجلت نيل الكنانه
ما جاء مديون لظى الوقت حاديه
إلا أعتقه من جور راعي الديانه
من فيض كفه فاضت كفوف راجيه
ومن وسع حلمه عظم الله شانه
سلمان سلم للمسالم يخاويه
وحرب على منهو نوى بالخيانة
قولوا معي يالله للناس تحييه
ذخر وملاذ لمن جذابه حصانه

ومن قصائد شاعرنا التي اشتهرت بين عشاق الشعر ومتذوقيه لما تحتويه من وصف بديع وتصوير رائع ودقة في اختيار العبارات قصيدة جميلة يصف بها بأسلوب جميل مارأته عينه من محبوبته فيقول

يوم قفت وصاح صغيرها عاودت له
عنز ريم تدرج بالمسايل ولدها
إن مشى بارته وإن كان وقف وقفت له
وإن تعثر عن الطيحه تعلق بيدها
كل ما شافته وقف وصد,, رمعت له
وانحنت وهمست له لين يمشي بعدها
كبر حظ الصغيرة اليا وقف ورجعت له
إن ضحك حبته وإن جاع يرضع نهدها
ضاحك له زمانه والليالي صفت له
ما بعد شاف يوم في حياته نكدها
وأسعد الخلق أبوه اللي ملكها وجت له
غير شوفه بعينه مستحل حسدها
شفتها غافله في ما قف ما رمت له
لو يشوف القمر ما شفت منها حسدها

وله من الإبداعت قصائد تستحق التوقف عندها لجمالها وسلاستها مثل قوله في هذه القصيدة:

مل كبد من هالأيام مندبله
ما يشيل الهاف لو ربع ما فيها
لي صديق كل ما ضقت أبندب له
وأنشده عن ضيقتي ويش تاليها
وأشتكي له حب لباسة الدبله
انتحت عني وأنا مولع فيها
كلما ابعد قمت اوصي وأنجب له
دايم رجلي على الدرب محفيها
وإن قرب عندي وعزمت أقرب له
خفت من علم يجيها ويوذيها

وهي قصيدة طويلة ومن قصائده المشهورة هذه القصيدة التي تغنى بها أحد المطربين وكان لها صدى طيب لدى من سمعها لرقتها وجمالها:

العام أنا لك وروحي مثل جسمي لك
واليوم ما اعطيك لا جسمي ولا روحي
ما شفت عندك مثل ما كان عندي لك
تضحك وأنا أبكي ولا لي منك مصلوحي
يا طول ما جيت لك من جورك أشكي لك
ويا طول ما سهرت جاري من صدى نوحي
ما عاد تسمع كلامي لو بنادي لك
تصد عني وتقفي تقل ما توحي
لا,لا تعذر ولا تتعب مراسيلك
يكفيني اللي حصل لي وأنت مسموحي
أقفيت عني وأنا بالعين أراعي لك
وأغلقت باب الغلا اللي كان مفتوحي
إمسح دموع الندم بأطراف منديلك
عش ما بقى لك مثل ما عشت مجروحي

ومن القصائد التي تتميز بقافيتها الصعبة واسلوبها السلس المنقاد قوله في الأبيات التالية التي يعاتب بها محبوبته لتغيرها وصدها فيقول:
وراك عني ياحبيبي تنحا
وانته هوى بالي وبلسم جروحي
ما مثلكم بالوصل عني يشحا
ولا مثلكم ينسى الغلا والمزوحي
نفسي إلى من شفت زولك شرحا
وإن غبت عني طال عقلي وروحي
رمشك لروحي والضماير جرحا
وإن قلت لك رحماك مانته بتوحي
يا غصن موز تحته المي سحا
وإن حس بالنسناس ولا يموحي
طال العنا منكم ونفسي طرحا
بعدك علىعين نظرها يفوحي
ما حسبك قبل اليوم فيني توحا
وبأسرارنا عند العواذل بتوحي
وترخص صديق لك بالأعيان ضحا
عن زول غيرك يم زولك طموحي
وأنا الذي ما قلت لي قلت صحا
أجي بإشارة رمش عينك وأروحي
ليت العيون أصغت لمن هو نصحا
لاشك ما تسمع كلام النصوحي
لاغمضت جاها خيال ورمحا
عيا خيالك عن عيوني يروحي
يا عبيد عيني غاب عنها فزحا
وشالت غضبها من كثر ما تنوحي
ولا ظنها تبرى وهوما منحا
من سلسبيل به لغيري شحوحي
با عبيد كانه بالاصابع مسحا
وإلا ترى شوفي خطير يروحي

وهنا تظهر لنا تجربته بالحياة وخبرته فيصف لنا برقة الشاعر وعذوبة المشاعر غياب المحبين ويلقي باللوم على العاذل ويتمنى ان يجرب الحب والعشق حتى
يكف عذله ولومه

يا علي ما عين بكت غايب غاب
إلا عليها من غيابه مضره
فرق بعيد بين طيب ومنصاب
ابعد من الما عن مسار المجره
يا علي صبار على النار كذاب
لو من وراها له مسره,, تضره
يا من جرى دمعه على الخد سكاب
ما من عقب فيض المدامع مسره
لولا الجفا والصد بالحب ما طاب
هجر المحب لمن يحبه مبّره
قلب من الرقة وحلو الهوى ذاب
يا عاذله خله بخيره وشره
الحب لقلوب العشاشيق نهاب
ليت العذول يجربه بس مرّه

ويقولون ان المحب اعمى يرى كل شيء في محبوبته جميلا وشاعرنا يرى ان ماء محبوبته أحلى ماء حتى لو كان هما جا مراً لا يستساغ وذلك بقوله:
ماكم حلو من حلوكم يامزايين
وإلا فانا أعرف ما رد منه وأحلى
لو هو هماج صار بأريا قنازين
لاجل العيون اللي من الرب كحلا
دم خفيف ودق خصر معه لين
وهرج بلطف وفي المناجاة رحلا
وغصن ليانٍ ما نبت بالساتين
وريق عسل من سلسبيل ونحلا
وممشا مثل ممشى المقيد مع الطين
مسكين مربوط ويمشي بوحلا
أرقيتني يامنبع الملح والزين
في عاليات الشوح وأصبحت وحلا
من شوفتي لك كن بالقلب رمحين
امشي دبوب مثل ممشى الدبحلا

ولشاعرنا قصائد متبادلة مع عدد من الشعراء المعروفين وقد اخترنا هذه القصيدة التي وجهها إلى صديقه الشاعر المعروف عبدالله بن عبد الرحمن السلوم وذكر بها الشاعر المعروف الحميدي الحربي صديق الشاعرين إذ يقول شاعرنا:

سلام يالصاحب اللي صحبته تاج على الراس
لولا غلاه ومقامه ما عتبرته تاج راسي
الصاحب اللي لثوب الطيب والنوماس لباس
الباتع اللي على ضيم الدهر قاطع وقاسي
الوافي اللي صفا لي من عرفته بدة الناس
ما غيرته المناصب مثل غيره والكراسي
لاباس يا من شكالي من هوى ليلاه لاباس
ياصاحبي مثل ما قاسيت من دنياك اقاسي
الشاعر العاشق المحروم مثلك مرهف إحساس
ولا كل من صاح من جرح الهوى يلقي مواسي
يا مانصحتك وحذرتك عن التفريط بالماس
أخاف من ساعة تحتاج فيها للنحاسي
شفي على ما مضى لي من ليال بيض منحاس
من قو غبني على ما ضي مضى لي شاب راسي
مثل الحميدي حرمه الله من الخضرات مياس
فرط وصارت حياته كلها هم وماسي
يدق صدره على ما فات له مقطوع الأنفاس
العيش عنده من الحرمان والموت متواسي
وإلا انت توك شباب وطلعتك طلعات قرناس
والصيد راتع ووامن ما عليه من الحساسي
الصيد ولعه على ما قيل والمقناص نوماس
أتعب لهن لا عدمتك في مشاريف الرواسي

وقد أجابه الشاعر عبدالله السلوب بقصيدة جميلة فقال

ذعذع وأنا بالجزاير من هبوب الوجد نسناس
وسما بي الشعر وأطلق همته عقب احتباسي
ما بين هاك السهول الطيبة وجبال الاوراس
قريت خط الرفيق اللي تزايد به حماسي
من شاعر له بقلبي منزل سوس على ساس
يا ما شكالي هموم يطردن عنه النعاسي
وإلى بغى يدمج الدعوى ويبعد عنه الأرماس
سوى قضية يبي جوي يجي فيه التماسي
حاشاك منتب يبو خالد على الغرات بلاس
انت الصفي الوفي ولا تجي درب التباسي
لاشك من سمع هرجك لبس درع والطاس
وفصل ثياب من البهتان لو ما هي مقاسي
ما ثور الحرب بين كليب و المقرود جساس
إلا كلام بسيط وصار له راس وساسي
لا تنصح الناس درب العشق ما به غير الإفلاس
من جنبه صار سالم والمولع به يداسي
رست سفينة غرامك في مكان ما به او ناس
وإلا الحميدي مسافر ما بعد دور مراسي
وانا تخيرت عن باب الطمع باب من الياس
ومشيت في الدرب الابلج ما تعرضت الهراسي
من عاش ما حط بالدنيا دليل وحط نبراس
ما ادرك مرامه وشرب من النكد عشرين كاسي

وكان الصدى الثاني للقصيدة التي قالها السياري من الحميدي الحربي الذي جاء ذكره في هاتين القصيدتين وذكر انه محتار بين شاعرين رائعين فقال:

أنا أشهد إني وقفت بموقف بالحيل حساس
وشلون أجاري بعذب الشعر صعبين المراسي
زهر المعاني خذوه وجيبت انا للروض عساس
ما قدمي إلا حتات اوراق وغصون يباسي
أدير الأفكار واضرب بالظنون أرباع وأخماس
واصبحت كني مع التفكير في زايد عماسي
قصاص جره وضاعت حيلته في عج ودماس
ما عاد شوفه يقدي له ولا يسمع حساسي
الخالدي والتميمي جددوا بي وجد واتعاس
يوم ادخلوني طواريق لها منا نيب حاسي
صحيح انا خذت في غبة بحور الحب مرواس
ووصلت شط الأمان وفيه حطيت المراسي
مابين الابحار والمرسى حصل لي ربح وافلاس
والربح ماهو بمشروع المحبة شرط أساسي
عشقت وعشقت وانياب المهالب تضرس اضراس
وطلعت منها وثوب الستر والشيمة لباسي
ايام حلت وزلت والخبر عن حالها ناس
ما قول ياليتها ترجع وانا مانيب ناسي
الحب وانتم على عرش النقا بأفياه جلاس
لو فات بالروح يبقى له صدى افراح وماسي
لكن على شان وضعي خففوا من دق الأجراس
تراه يتعبني مجاري صعيبين المراسي

منقول وكتبه محمد بن سبيل







توقيع الطائر المهاجر
 
تفاعلك مع غيرك يشجعهم على التفاعل معك
  رد مع اقتباس
قديم 16-04-2009, 08:48 AM   رقم المشاركة : 18
الطامي
منصور المري/شاعر/نائب المشرف العام
 الصورة الرمزية الطامي





معلومات إضافية
  النقاط : 10
  الحالة : الطامي متواجد حالياً

 

افتراضي رد: عبدالله بن محمد السياري


الطائر
موضوع رائع جدا
نقل اروع وجهدٍ مشهود له
شكرا لك استاذي
لاهنت







توقيع الطامي
 
ماتعودنا على خضع الجماهي=غير للي خالق انسه وجِنه
الفعول اخير من حكي الفكاهي=وكل رجال بفعله فاح بِنه
  رد مع اقتباس
قديم 23-05-2009, 02:30 PM   رقم المشاركة : 19
نفحات حساسة
عصو شرف
 الصورة الرمزية نفحات حساسة





معلومات إضافية
  النقاط : 10
  الحالة :نفحات حساسة غير متواجد حالياً

 

افتراضي رد: عبدالله بن محمد السياري


تسلم على المجهود
ويعطيك العافيه







توقيع نفحات حساسة
 
  رد مع اقتباس
قديم 01-10-2009, 11:04 PM   رقم المشاركة : 20
عالي مستواها
عضو شرف
 الصورة الرمزية عالي مستواها





معلومات إضافية
  النقاط : 10
  الحالة :عالي مستواها غير متواجد حالياً

 

افتراضي رد: عبدالله بن محمد السياري


يعطيك العافيه على النقل الرائع لشاعرأروع
تسلم







توقيع عالي مستواها
 

،،لاإله إلا الله ..أجمل العبارات إن ضاقت الكربات ،،و زادت الآهات واشتدت الأزمات ،،
فاللهم ارزقنا نطقها عند الحاجات ونجنا بها بعد الممات
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
قبيلة بني زيد فارس بني تميم القبائل بلدانها وشعرائها 25 19-02-2014 06:33 PM
تكمله أموت وأحيا بك نوووونا القصة والرواية والمقال 76 09-09-2011 03:57 PM
تاريخ قبيلة زهران واعلامها نجم الإبداع القبائل بلدانها وشعرائها 19 15-12-2010 12:00 PM
((أموت وأحيا بك)) قصة اماراتيه نوووونا منتدى الشعر والخواطر بالفصيح 37 24-07-2006 09:29 AM


الساعة الآن 08:46 PM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة