نـجــــــــــــاح المـســـــــاعيـد ( فكاهيه )

[سعود القت]

يالله تجنبني طريق المناقيد = لو الهوى غيّه بدلوه مقسني
ولا ياقصيدي نعنبو هالعماريد = افزع ترى حب الغضي مفترسني
سمعتها تقصد ضمن هالقواصيد = وسهم الهوى خج الضلوع ولمسني
احمالي الميسم مرار وتراديد = واركا عليّه لين فرت وحمسني
وغديت بسكوتٍ بفم راضع الديد =حطتني امه له بشاهي مرسني
والا كما سبحه على كف صنديد = وليا زعل عوّد علي وفرسني
لا يالهنوفه يا نجاح المساعيد = غلاك في كبدي بكوعه لهسني
وارسل على قلبي قفوش وعباريد = عبرود يخطيني والاخر ندسني
امسك لحافي والتحف فيه واهيد = ولهدت طيفك في لحافي دمسني
جبتي بي الاعياد عيدٍ بعد عيد = جاير هواك بوسط كاسه مرسني
كلٍ معه خله بفرح وتغاريد = وانا على طية عدودك ومسني
واحظي اللي ما جلب ليه الفيد = لا نعت ديّور ثم لف وعكسني

[حمد العيد]

القدير/ سعود القت

لاهنت يالغالي على هذه الفاخره وابدعت كعادتك ومثل ما يقلون النفس وما تهوى

صح لســــــــــــــــــــانك

ودي وتقديري

حمد العيد

[نجم الإبداع]

هههههههههههههههه


صح لسانك على الجزاله

نص معتبر




لاهنت


تحياتي وودي

الغالى
صح لسانك

الى مالا عدد
ولاهنت

دمت بود

[الخنساء]

صح لسانك اخي الشاعر سعود
قصيدة راائعة لاهنت
سلمت وسلم شعرك
دمت بخير

[سناعيس]

سعود القت

صح لسانك فكاهية ومداعبة جزله
وبانتظار رد الشاعرة نجاح المساعيد لأننا أرسلنا لها نسخة على ايميلها
الله لايهنك

تحياتي

[يوسف الشقران]

وغديت بسكوتٍ بفم راضع الديـد
حطتني امه له بشاهـي مرسنـي
والا كما سبحه على كف صنديـد
وليا زعل عـوّد علـي وفرسنـي
لا يالهنوفه يا نجـاح المساعيـد
غلاك في كبدي بكوعـه لهسنـي


اما انا ملومك بنجاح المساعيد

امتعني واسعدني ما قرأت


تحيتي لك يالراقي

وصح لسانك

وغديت بسكوتٍ بفم راضع الديـد
حطتني امه له بشاهـي مرسنـي

هههههههههههه

حلووووووهـ

صح لسانك ياسعود


تحياااااااااااتي لك

[الــذاهبه]

وغديت بسكوتٍ بفم راضع الديـد
حطتني امه له بشاهـي مرسنـي
والا كما سبحه على كف صنديـد
وليا زعل عـوّد علـي وفرسنـي

اسعد الله ايامك قمة الروعه

صح لسانك

صح لسانك اخوي على هذا الطيب