|
|||||||
| الشعر المنقول(خاص بالشعر النبطي) يشترط كتابة اسم صاحب القصيدة الصريح |
 |
|
|
أدوات الموضوع |
|
|||||||
| الشعر المنقول(خاص بالشعر النبطي) يشترط كتابة اسم صاحب القصيدة الصريح |
|
|
|
أدوات الموضوع |
11-10-2007, 05:14 PM
|
رقم المشاركة : 1 | ||
|
|
السلام عليكم ورحمة الله وبركاته
ــ من زمن امرؤ القيس وحتى تاريخه , من تلكم الأيام وقوافل الشعر تنهب دروب ومفازات جزيرة العرب معنى ومغنى , في دروب القوافل سقط الكثير وبقيت ثلّة شيدوا بفكرهم معالم وشواهد على طريق الشعر . في مساء مدينة حفرالباطن مدينة الربيع والنسيم العطروصفائة الجو والذي يجعل الواقفون على مرافيء الشعر على موعد مع أحد الشوادن التي ترنمت بالشعر في ليل غارت أنجمه واشتد سواده , بدوي ينفث الشعر سحراً يتشكل في دواخلنا دهشة , يمسك بأزميل الشعر وينحت في الحنايا نُصب الإعجاب .. ذلكم هو الشاعر الكبير / عضيب بن هليل بن شلاح العلوي الحربي من مواليد عام 1362هـ ..متزوج ولديه من الأبناء بدر وهليل رجل أعمال يسكن مدينة حفر الباطن ..وقد كتب الشعر منذ سن الثامنة عشر عضيب الذي جاء بِخيل شعره إلى ساحة الميدان ويبارز بقوة شعره ومعانيه لترسم السنابك في دروب الذاكرة أثراً يتساوق جماله مع ذاك الذي طرزته أنفاس الشعراء الراحلين على صفحات ليالي العرب المجيدة . جاء الحربي متأبطاً قوةقصائده , التي اشهرها في المواقف الصعبه عشق الدفاع عن القبيله عشق لوكان لمحب لقتله ..عينان تتفرسان في وجه شعر او بدر .. أولاهما معايير الجودة وقد أدلى النقاد بدلاهم فيها فكان المُخرج ماءً زلالا , والثانية هي الذائقة العربية وقد تربع شاعرنا الحربي على تضاريسها وأوغل حتى مكامن الشجن فيها .. كلاً يغني على ليلاه وليلى الشاعر الكبير هي القبيله الذي أنشب الااعدا خناجرهم في صدورهم . أولئك الذين جهلوا قيمنا وشعرائنا الذين لن ننساهم ماحيينا لم يكن كل شعره دفاعا فهذا واجب اداه على اكمل وجه ولاكن عضيب الحربي شعره في الباديه والترحال من مكان لمكان ووصف القهوه والجيره واكرام الضيف والغزل ... ^ منقول لـذلك أحببت أن أختار لكم بعضا ً مما وجدته من قصائد هذا الشاعر العلـَـلم / عضيب الحربي .. إليكم بعضا ً منها :
ياما حلا عقب العشا شبة النــــــار =عقب الهجوع لا رقد كل كوبـــــــه بقفرية(ن) ياعبيد يودع له اشعــــــــار =وسواة فنجال يشوق بصبوبـــــــه حبه على المطلوب من بن وبهــار =يعجبك بالفنجال صبغه وروبـــــــه كيف يجوز لشارب الكيف والكــــار =لو دوروا به غمزة مــــا لقوبـــــه في مجلس فيه المشاكيل حضــــار =بغيبة ردي الحظ عنهم بنوبــــــــه اللي يخزوون المسير بالانظـــــــار =تكاظموا واللي جليس شوشوبــــه تلافتوا على بعضهم بالانظـــــــــار =وتغامزوا مابينهم وضحكوبــــــــه الناس فيهم يافتى الجود هــــــــذار =مسترحل لبليس زين ركوبـــــــــــه عراض غرة مسلم غافل غـــــــــار =يعرضه للناس لو ما حكوبـــــــــــه دايم لغرات الاجاويد عقـــــــــــــــار =يظهرعيوب ولا درى عن عيوبــــه وفيهم تبيني لايسرك ولاضـــــــــار =ماغير يحسب للربايع ضروبــــــــه وفيهم حصيني قبوع قمــــــــــــار =يوصف على ماقيل به طير ذوبــــه وفيهم بليهي على الكود صبـــــــار =يصبر ولو زادت عليه الصعوبـــــه لا جا زمان فيه غلين الاسعـــــــــار =غدى لربعه بالمكاييل جلوبــــــــــه وانا جا نهار الضيق بالموسم الحار =يرخص بعمره مايعد محسوبـــــــه آخر تعديل بتار/محمد الحربي يوم 11-10-2007 في 06:42 PM.
|
||
|
|
11-10-2007, 05:17 PM
|
رقم المشاركة : 2 | ||
|
|
يـا مـل قلـبً ساقـه الضـيـم يابـجـاد=دايــم وضـيـم القـلـب حــامً لـهـوبـه
يا بجاد عيني حاربـت نـوم الاجـواد=تقـول عـن حـلـو المـنـام محجـوبـه والكبـد عيـت بالهـنـاء تقـبـل الــزاد=دايـم ودمـع العيـن يجـري صبـوبـه على الذي حش المعاليق مـن غـاد=يا بجاد معلوق الضميـر لعبـوب بـه يا بجاد عرف سهيف الروح لاعـاد=لـو يعرفـون النـاس عرفـه دعوبـه يا بجاد والله يوم طـق الهـدف صـاد=كل الطعون اللي بالاضـلاع صوبـه عـرف بهـم يـا بجادعـن كـل طــراد=مسـامـحً لـوكـان عـمـري غـدوبــه يـا بـجـاد خـلـي منـتـوً قتـلـي عـمـاد=استافقنـي للمـوت ســوق الجلـوبـه اسقانـي المـوت الحمـر ذقـت جـلاد=يــا بـجـادوالله تــو مـوتـي سـعـوبـه يا بجاد ماقصـده مـع النـاس قصـاد=لـكـن يعـبـر مــا جــرى مــن نـوبـه يا بجـاد قلبـي كـل مـا قلـت لـه هـاد=جـونــي قلـيـلـن الـسـعـد ولعـبـوبـه لـيـا قـلـت القـلـب سـبـل الـعـنـا زاد=يــا بـجــاد والله صـادفـنـي عـقـوبـه لا وهنـي يـا بجـاد مـن قبـل الالـحـاد=دمن داخله واخـذ قرايـض عجوبـه يحـطـنـي بـيــن الـزريــر والانـهــاد=ويضفـي عليـه شليتـه فــوق ثـوبـه يدسنـي عـن كــل مبـغـض وحـسـاد=وتبرد جروح القلـب وارجـح بتوبـه يا بجـاد انـا هديـت طيـري ولا صـاد=الطيـر صـادوه القـنـوص وغـدوبـه يالـيـت صــار لـهــدة الـطـيـر لـــداد=كـم واحـد يبغـي الطمـع وطمعـوبـه يـا حـض يـا حـضً نخيتـه ولا جــاد=مـادري علامـه مـا يقـوم المشوبـه يـــا تـــل قـلـبـي تـــل دلــــوً لــعــداد=عـلـى الهـابـه والـمـقـام اهـدفـوبـه شد العراقي واصرم السيم من غاد=والـعـم يــوم انــه لـفـح ردن ثـوبـه |
||
|
|
|
11-10-2007, 05:44 PM
|
رقم المشاركة : 3 | ||
|
|
هذه قصيده أرسلها الشاعرالكبير:
عضيب بن هليل العلوي الحربي للشاعرالكبيرلافي بن نفجان الشعبي الحربي . ويقول الشاعرعضيب :
بديت باسم اللي بسط سبعت أطـواف=وأزال ديــنٍ للشريـعـه ينـافـي أمره يتـم بكلمـة النـون والكـاف=وفضله علي كـل المخاليـق ضافـي وبعده كتبـت رسالتـي لبـو نـواف=نصِّيتهـا ريـف المشاكيـل لافــي لياء باروقت اللازمـه كـل بـلاف=يوفي الرجال ويأخـذ الحـق وافـي عنداللزوم يبين فـي راس مشـراف=لياء ضيّع العرفه خطـات الرهافـي هيف السمين لياء لفا البيـت هـداف=طلق الحجاج لياء هبـا كـل هافـي من لابتن ماضٍ لهـم فعـلٍ يشـاف=فـي ساعـةٍ مافيـه بـرد وعوافـي لياء جاء نهارٍ فيه الاريـاق نشـاف=وطـال الطـراد وكلحـن الاشافـي أهل اللويصق مرويت حدب الاسياف=مرويـن حـد مرهفاتـن إرهـافـي خيالهم مالـه عـن القـوم محـراف=لياء طوحـن البيـض سمرالغدافـي ربعٍ يهدي ضربهـم كـل مزعـاف=عدوهـم يكـره لقـاهـم إعيـافـي عـدوهـم مقهورلوجمـعـه أرداف=واللي مضاء يابن الحمولـه إيشافـي تلقى لهـم فـي ديـرت القفرسـلاف=يتلـون شيـخٍ بالخطـر مايخـافـي شيخ الجهـام اللـي تقدابـه أسـلاف=يتلـون أخونـوره ربيـع الضعافـي يرعى الخطربمصقل السيف مخـاف=وتأمن بهم بالخـوف حـم الشعافـي يابن الرجال اللـي نحاياهـم إكـلاف=يوم البراء مـردود والجـو صافـي أشوف رجلٍ بـه هرافيـل وهـراف=الله يزيـده مـن وبــاه الهـرافـي دايـم عليّـه مـن هواديـه حـذاف=لوكان ركبـي عـن ركابـه مقافـي ثنتين جنا وقلت لـه بألـف مـذلاف=مانـي خـويٍ للعقـول الصخـافـي ماني علي بعض الطواريق مزهـاف=يومٍ بعـض النـاس فيـه انزلافـي لاشـك جتنـا الثالثـه مالهاألـفـاف=يأديـب ماتضفـي عليهـا اللفـافـي ينشرسواليفآبهـا أربـاع وأنصـاف=علـي إجتمـاع المايـده والمصافـي لوكان ماله مع هـل المجـد ميقـاف=يقـول أنـا قـطّـاع جردالفيـافـي قلبه مريض وداخله نقطـت رعـاف=شباب ضوء الحقـد لوكـان طافـي حلو اللسان اللـي سواليفـه إسهـاف=يرم النعول ويـدرق النـاس حافـي مابه ثناء لو أنّقلـه فـوق الاكتـاف=الله مـن ذيـك النمـونـه يكـافـي وغيره رفيقٍ يابن الاجـواد ينعـاف=يعـل مالـه عنـد مثلـك مـلافـي دايم عليّـه منطقـه ناشـفٍ حـاف=ياخـوي ضيّـع حيلتـي وإحترافـي سيطرعليّ ورفقتـه رفقـة إسـراف=ووقعت لـه مـن ذلتـي بإعترافـي حنى عليّ السيـف وأوقفنـي وقـاف=الشمـس قدمـي والمليلـه إخلافـي وهذا الذي سبب علي حالـي تـلاف=وخلانـي أبديلـك إعلومـآ خوافـي أبهـا قــدام وتـعـود إخــلاف=وقفت نصيـب ولاعلـى الله خافـي وعيني لها عن لذت النـوم صـراف=يومٍ كـل فـي حلـى النـوم غافـي وقلبي يجيه مـن الهواجيـس لفـاف=لف العواصـف للغصـون المشافـي لياء مر هاجوسٍ علي قلبـي وطـاف=هـمٍ يــزول ومردفـلـه قـوافـي ولولاء الضلوع اللي علي قلبي كتاف=نـزع كمـا طيرالوحـش يالسنافـي وأخفي صواب القلب من خوف ينشاف=من خوف لايدري خطـات الهلافـي ينشركـلامٍ لاسمـع بـه ولاشـاف=عندالعرب يأديـب مثـل الصحافـي قال السديري بأول الوقت لـه قـاف=وقاف الشريف وقاف صقرالنصافـي ومن خلقت الدنيا ترى العالم اصنـاف=ماهم سوى بيـن الرجـال إختلافـي متخالفيـنٍ بالمذاهـب والاوصـاف=وأطباعهـم يأديـب فيهـا تنـافـي وبعض الرجال إجمال في كل ميقاف=لياء غاص بالدفـه حيـود الظلافـي وبعض الرجال إجروم وهدوم وغلاف=واللي بقـى مثـل السفـا بالسوافـي في منظره يعجبك وهدومـه إنظـاف=لاشـك مغيـر الهـدوم النظـافـي عشبت دماله لوزهـى نبتهـا عيـاف=ما ترعـي حتـى يجيهـا الجفافـي من طلعته مثـل الحويّـر بالاريـاف=عشبت ربيع ويرضـع الديـد دافـي وهذا وأنا ربعـي عزيـزٍ وأشـراف=والفضل لله ما جفـا النفـس جافـي ربعي ذرايه عن هواء اللاهب الحاف=درعي لياء صارت سمـوم وهيافـي عدوهـم دايـم يجـي قلبـه خفـاف=أعـزاز النفـوس مشيديـن الرفافـي جتك الرساله تحتوي جملـة أهـداف=عبرت مـا كنـه ضميـري بقافـي والعرف مايعرض علي غيرعـراف=ونظرك فيها ياأبيض الوجـه كافـي وترى المعاني بين جزلات وضعـاف=لوهـو كـلام ومنطـقٍ بالاشـافـي وتم الكلام اللـي بـدأ باسـم نـواف=وأخر مشّد القـاف والحـرف لافـي وصلاة ربـي عـد ماهـل خـذاف=وعـداد مـا زار المشاعروطـافـي فرد الشاعر لافي بن نفجان الشعبي الحربي بهذه القصيده :/
يــا مــل قـلـبٍ بـيـن الاضـــلاع رفـــاف=رفــــت قـضـيــبٍ للـمـقـفـى إمـشــافــي يالله يـامــنــزل تـــبـــارك والاحـــقـــاف=يـــا عـالــمٍ مـــا كـــان بــيّــن وخــافــي تـفـرج لقـلـبٍ مـسـاء الـبـارحـة هـــاف=يـلـطـم كـمــا لـطــم الـبـحـر بالـمـرافـي قلبـي مـن الهوجـاس يـهـوي ولاهــاف=وأرقـبـت بالـمـرقـاب مـــن جـورمـافـي يومي كما اوماي العلم وقت الاعصاف=قـامـت تـلـوفـه بالـصـيـوف العـصـافـي وأرقـبـت فــي رجــمٍ طـويــلٍ ومـهـيـاف=مـــن فـيــض غـيــض وهــــمٍ لـجـافــي ومـن الخطـر كـنـي عـلـي حــد شـفـاف=مـن هاجـسٍ لاقـصـى المعالـيـق لافــي سـبــت كـتــابٍ بـــه تـمـاثـيـلٍ إطــــراف=متـفـقـده راعــيــه مــــا بــــه هــوافــي كـــلام مـــن هـــو للتمـاثـيـل عــســاف=عـسـاف صعـبـات القـوافـي إعـسـافـي يـا مرحبـا بكتـاب مــن يصـخـر الـقـاف=مـا هـو مــن الـلـي يهتـمـون القـوافـي الله يفـكـه مــن عـواريـض الاصـــداف=الشاعـرالـلـي لــــه أبــيــوتٍ إكــلافــي عـضـيـب لـكـبـود البغيـضـيـن رضـــاف=وعنـد اللـزوم يبـيـن مــا هــو اعكـافـي الـلـي لـقـلـب الـضــد بـالـمـوت لـغــاف=وبـيــن عـلــي خـــده ثـــلاث الـجـرافـي عـزيــز نــفــس ولـلـجـزيـلات جــعــاف=لـلـحـيــل ولا مـقـرحــنــات الــخــرافــي هيف السمين لياء لفا البيت من ضاف=طلـق الحجـاج لـمـن لـفـا لــه وضـافـي ولــه رفــتٍ فيـهـا تحـلـى بـهــا رفـــاف=و وجـــار بـــه صـفــرٍ كـــرامٍ إهـدافــي مــن لابـتـن يــوم سـوقــات الاعـطــاف=يـرســون قـــدم مـسـوقـيـن الـعـطـافـي علـي العـدو يــردون عجلـيـن وخـفـاف=وبالكـون مـثـل طـويـق مـاهـم اخفـافـي قـــومٍ يـهــدي ضـربـهـم كـــل زنــعــاف=و نـطـيـحـهـم لازم يــكـــب الــزغــافــي خيـالـهـم مـــا قـيــل هــايــب وخــــواف=مـايـنـهـزم لـلـضــد عــجــل انـحـرافــي بـقـيــادة الــلــي لـلـمـلابـيـس حـــــذاف=مــا خـلّــد الفـسـقـان وســـط الـغـلافـي وأن غـرت الهقـوات شـراب الاعــذاف=يسقيـه مــن ســم السقـطـري اعـذافـي شــريــدة الـفــرســان لــلـــدم نـــــزاف=ويــذبــح لـــــزواره كــبـــار الـدفــافــي وأنــا بـعـد مـــن لابـتــن فعـلـهـم نـــاف=بــنــي عــمــر خـيـالـهـم مــــا يـفــافــي أفعـالـهـم بالـمـجـد تـرجــح بـالاكـفــاف=ليـاء غـرت الشـوفـه خـطـات الهيـافـي كم شيخ قـومٍ تـاب ومـن الطمـع عـاف=قـــد ذاق مـنـهـم مـرهـفـات الـشـلافــي فـي صوبـهـم مــا عــاد ينظرلـلاشـواف=مـن ضـرب عطبـات السيـوف الهدافـي ما صاحبـوا للنـاس فـي شـاة الاحـلاف=مـنـزالـهـم بــيــن الـقـبـائــل اعـنــافــي وزعيمهم فيه العـرب تضـرب اوصـاف=بـيـومٍ يـكـون الارض فـيـهـا ارتـجـافـي صلـيـب راي ولاهـــل الـعـنـف عـنــاف=فــعــل الـذويـبــي راجـــــحٍ بـالـكـفـافـي راع اللـويـصـق للمـشـاهـيـر قــصــاف=لـيـاء جــاء نـهـارٍ للسـبـايـا انقـصـافـي للـروس فـي سيـفٍ لــه أذكــار نـسـاف=عـــز الـصـديـق وبالـمـعـاديـن شــافــي سيـف العطـب لـرواح الاضـداد قـطـاف=فـتّــال رأى ومـــا حـكــى فــيــه يــافــي ولا قول حنا التاج مـن فـوق الاطـواف=كـــــلٍ يـمـيـنــه دون حــقـــه إتــكــافــي يا ما سكـن وسـط الجزيـره مـن أولاف=وأبـطـال مــن كــل الـعــرب يالسـنـافـي مـا هـي علـوم اللـي يشيلـون الازفـاف=الــلــي مـراجـلـهـم بـشـيــل الـزفــافــي الــلـــي فـعـايـلـهـم تــزيـــف إتــزيـــاف=وحصـيـلـهـم دقّ الـلــحــى والـنـهـافــي والـنـاس مـثـل مــا تفضلـتـوا أصـنــاف=مـا هـم سـوى بـيـن الـرجـال إختـلافـي مثل الذهب باعضيب في سوق صـراف=كـامـل ونـصـف وفـيـه وزنــه إخـفـافـي وذكــرت مخـلـوقٍ مــن الخـلـق قــذاف=وتـقــول قـلـبـه فـــي نـقـطـة إرعــافــي يأديب أنا ما أدري مـن أيـات الاطـراف=والغـيـب يعـلـم بــه معـيـش الضـعـافـي خليتـنـي فــي مـرفـق الـطــرق وقـــاف=وأوقفـتـنـي بــيــن الـمـعـانـي اوقــافــي شـتـت فـكـري بـيــن مـخـلـف وخـــلاّف=فــي مهمـهـآ بـيـن الحـفـر واللـصـافـي دوٍ بــه الـجـازي تـربـي بـهـا اخـشــاف=وقــتٍ مـضـى يــوم الصـحـاري ريـافـي خـابــرك للـنـيـشـان تــجــدع وهــــداف=وسـهـمـك قـاتــل مـاجـروحـه إطـفـافـي وترى العدو يبغى علي الكبـد مرضـاف=يـــا نــاقــل الــرمــح الشطيرالـحـيـافـي وأنـــا بـعــد عـنــدي لـلاضــداد هـفــاف=مـضـى المـجـرب مــا كـلامـي إزيـافـي وكـانـه مــن الادنـيـن خـابـرك عـــزاف=عــزوف نـفـس ومــن رجــالٍ إعـزافـي خـلــك عـنــه لـجــل هـــذولاك عــفــاف=واسمـح علـي شـأن النفـوس العفـافـي وراع الخـطـأ دايــم مـهـدد بـالاحـسـاف=يجـب لبـعـض الـشـيء يحـصـل تـلافـي وأنـا لـعـض أحــوال مــا نــي إمـكـلاف=ولا الـعــدو عـنــدي لقـلـبـه إرضــافــي ولا نـي لظـرف الخلـق نـاقـل وكـشّـاف=هــذا حـسـب عـرفــي ولانـــي سـلافــي وتـذكــر رفـيــقٍ فـيــك مـاهــوب رواف=الله مـــــن ســـــوه وشـــــره يــعــافــي هـذاك بأمـر الـلـي لــه الـنـاس عـكـاف=وبأمـره ذكـر يـوسـف سنـيـنٍ إعجـافـي والعـزم يبـراه النجّـم يـا بـن الاشــراف=وكــلــش بـتـدبـيـر الــولـــي لاتـخــافــي وأنـتــم لــكــم مــــع الصقـاقـيـرجـزاف=صـــاروم تـوجـدبـه جـمـيـع الـوصـافـي عـدل المنـاكـب فــي مخاليـبـه إذعــاف=كـفــه عـطـيـب وفـيــه ســــمٍ إذعــافــي يـا عضيـب وقـت مولـع الطيـر ماطـاف=كـفــه عـطـيـب وفـيــه ســــمٍ إذعــافــي أشقـر عطـيـب لحـامـي الـجـول كـفـاف=مــن مـاكـرٍ صـقـره عـطـيـبٍ إجـزافــي وان كان طيرك لابـرق الريـش ماكـاف=حـــظٍ ربـــض والـعـلـم مـالــه مــلافــي ومـدام لــك فــي قـاعـة البـيـر غــراف=هـــداج تـيـمـا لـوغــرف مـــاه صـافــي وأن كان بك من بعض الاحوال حفـاف=وتـحـس مــن بـعـض الليـالـي إحفـافـي جميـع مـا تمـلـك ايديـنـي لــك إسـعـاف=حلـفـت مــا تـبـرد وأنــا أجـــد إلـحـافـي وتــم الـكـلام الـلـي بديـتـه بـحــرف آف=وختـمـت قـافـي يالسنـافـي عـلـي آفــي وصـلاة ربـي عــد مــن بالـحـرم طــاف=عـلــي نــبــيٍ وضّــــح الــديــن وافــــي |
||
|
|
|
11-10-2007, 05:53 PM
|
رقم المشاركة : 4 | ||
|
|
قصيدة مرسلة من الشاعر/
عضيب العلوي إلى الشاعر محمد العسيلي رحمه الله
ياطالع أوصل من جوابـي خيـاره=للـي عرفنـا بالمواقـف سيرهـم ياللي طلوعـك بالسعـد والنـداره=يابن الرجال اللـي قديـمٍ ظفرهـم هاض الضمير من أشتياق وغزاره=وأسباب ماهاضـه ربـوعٍ ذكرهـم اللي لشوفتهـم نسـوق البشـاره=شفي مشاهدهـم وشفـي جبرهـم أشـرف نهـارٍ شرفـوا بالزيـاره=وأنا بمحلٍ منتحـي عـن ديرهـم هذا الدليل مـن الوفـاء والوقـاره=تجـاوزا بعـد الديـار بسفـرهـم والكل قـدم لـي جزيـل أعتـذاره=زودٍ علي طول المسيـر وسهرهـم اللـي مواقفهـم مواقـف جبـاره=فحول الرجال اللـي بعيـدٍ نظرهـم منهم محمد ريف ضيفـه وجـاره=ومرزوق ريف اللي لفوا من سدرهم مع لافي النفجـان نـادر حـراره=وأناأتشرف وأفتخـر مـن فخرهـم ربعٍ عمى عيـن العنيـد ودمـاره=يوم اللقاء ماأحدٍ يجي في نحرهـم عدوهـم مجـبـور بالأنكـسـاره=دائم يعاف عنادهـم مـن سبرهـم أبن العسيلي منهج الطيـب كـاره=مسقي صناديد العداء مـن كدرهـم ومرزوق نمرٍ من سلائـل إنمـاره=وينبيك عن بعض المواقف خبرهـم ولافي عرفنـا ماقفـه وأشتهـاره=يوم أرقصوا بعض البشرفي سكرهم ماخاب ظـن المحتـري وأنتظـاره=قلبي حظى بحضورهـم وأنتظرهـم شاهدتهـم والريـق فيهـا مـراره=وتم الوداع وعـودوا مـع أثرهـم عسى الجميع موفقٍ فـي مسـاره=الله يمّـن سيرهـم مـن خطرهـم بلـغ سلامـي كـل واحـد بـداره=أما أوصل المكتوب ولاأنت زرهـم أحمل سلامي وأوصله مـن نهـاره=بتحيةٍ تظفي علـي مـن حضرهـم من خاطـرٍ ماشـال زوم وكبـاره=اللي علي دافـع وفاهـم شكرهـم عرف النشامـا ياخدينـي تجـاره=راع المثل قـدام ذكـري ذكرهـم أهل المواقـف والشيـم والنعـاره=الرابح اللـي دون مالـه ذخرهـم ولاّ ترى الرديان ذكـروا خسـاره=اللي ذخرياديـب منهـم خسرهـم ياليـت بالرديـان ياخـوي شـاره=من شأن من شاف العلامه حقرهـم من شأن تعرف قيمتـه وإحتقـاره=حتى مشاكيـل الرجـال تحذرهـم أحذر ترى الرديـان زيلـة خبـاره=عززجنابـك لاتـغـرّك صـورهـم ساس الـرداء مذكـور بالأنهيـاره=عزوم الرجـال تعزهـم وتعثرهـم أحدٍ على العليـا تسوقـه غيـاره=ومدهالهم رجم الشرف ماعسرهـم واللـي قنـع بالهينـه وأنحـداره=ذولاك ماأحـدٍ بالجماعـه شهرهـم نـاسٍ تحـط السيـده مستشـاره=ياليـت معبـودٍ خلقهـم دمـرهـم وأخير مـن كثرالكـلام أختصـاره=ولاينحصي صاح البشر من عورهم وهذا مرد الشاعر محمد العسيلي رحمه الله يقول العسيلي
دقِّ الجرس ينقلي أجمـل إعبـاره=من الرجال اللـي حميـده سيرهـم يحمـل كـلامٍ بالصداقـه مــداره=من اللي علي الشيمه إلهي فطرهـم طالع زهم وأنـا أتحـراء خبـاره=في ساعةٍ كنـت أتخيـل صورهـم وأرسل كلامٍ به حمـاس وحـراره=كلمة وفاء تشرح غلانـا بنظرهـم عضيب شرفنـا بحسـن أختيـاره=وخص الثلاثه في ثنـاه وحصرهـم أثنا علي اللي في هاك اليـوم زاره=وأهل الظروف اللي ماجوله عذرهم وهـذا دليـلٍ فـي وفـاه ووقـاره=بعرفه يرى من واجبه مايخصرهـم ويدراء الرفيق اللي الصداقه اشعاره=أهل الوفاء راع الوفاء مايهجرهـم والوقت يكشف لك حصيل أختيـاره=وأهل التجارب نعتبرمـن أعبرهـم ياعضيـب كـلٍ دون حقـه وداره=وأهل الضغاين كم وقفـت بنحرهـم وقفـت وقفـات العديـم بصطـاره=وأهل الظفر عيب الزمان يغدرهـم واليوم راحـت بيـن أداره وأداره=وأهل الوسائط طوقوهـا بقشرهـم تبي لهـا حلحيـل يصـل الـوزاره=ورجال صعبـات الامـور تخبرهـم قلّ للأميـر اللـي زهتـه الامـاره=ذخرالفـروم اللـي بعيـدٍ نذرهـم حـدّ القبيلـه لايضـيّـع قــراره=ترى الرجـال حقوقهـم تنتظرهـم وحـقٍ بـلا هيبـه لعـلـه وداره=والنـاس هيبتهـم بهيبـة ديرهـم يالفـرم لكـم وقفـةٍ بالـصـداره=ومثلك يسنّع ناس لـو ماحضرهـم إنحاء زملاك إليـا نووهـا بغـاره=وحنا زملانا إليا نووهـا نعسرهـم يالفـرم جتنـا فزعـةٍ مستعـاره=وتأمـروا لكـن سببهـم قصرهـم يالفرم ترى الوقـت تـاره وتـاره=لايفرحـون اللـي سلفنـا قهرهـم أدحم بجنبـك كـل راعـي نعـاره=الياما عن الحق العزيـز نحجرهـم بالحـق ماتمشـي علينـا العيـاره=من الماكرين اللي عرفنـا دورهـم لـولا صلابتنـا كلتنـا السـعـاره=ومشّوا علينا أهل المشاكل دجرهـم حنا إليـا مـن أن الطوابيرسـاره=جمعٍ عن الواجب مايكشف قمرهـم فينا علي صعب المواقـف جبـاره=إليا ما أن شيطان قبلانـا سحرهـم لعـل رجـلٍ مابـرأسـه غـيـاره=دون الحقوق اللي بها الفعل يرهـم تعجـل تعيسـات الليالـي دمـاره=وبعد الرخوم عن الرجال يعمرهـم وكان الجمل ياعضيب عاقه إهجاره=عليه منها وكـل نـاس وخبرهـم وأن كان هـذا خافـي العلـم ذاره=وذولاك قانون الوسائـط نصرهـم عفها مثل ما تعيف قطف الزقـاره=الياما يزول الحاجز اللـي سترهـم وراع الجوار الشين بـدل جـواره=بجيران مايشكي المجاور ضررهـم هذا كلامـي وأنـت قـرر قـراره=وأبعد عن اللي معمي الله بصرهـم |
||
|
|
|
11-10-2007, 05:56 PM
|
رقم المشاركة : 5 | |||
|
مشكور وما قصرت |
|||
|
|
|
11-10-2007, 06:41 PM
|
رقم المشاركة : 6 | ||
|
|
العفو ياابوعبدالله |
||
|
|
|
14-10-2007, 04:54 AM
|
رقم المشاركة : 7 | ||
|
|
مشكور اخوي الفاضل اختيار رائع لشاعر كبير وعلم تقبل ودي وتقديري |
||
|
|
|
19-10-2007, 04:12 AM
|
رقم المشاركة : 8 | ||
|
|
هلا بك اخوي |
||
|
|
|
27-05-2008, 01:01 PM
|
رقم المشاركة : 9 | ||
|
|
محمد البلاجي |
||
|
|
|
28-05-2008, 07:15 AM
|
رقم المشاركة : 10 | |||
|
البلاجي |
|||
|
|
|
| مواقع النشر (المفضلة) |
| الذين يشاهدون محتوى الموضوع الآن : 8 ( الأعضاء 0 والزوار 8) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قبيلة قحطان | فهدة الهياثم | القبائل بلدانها وشعرائها | 57 | 16-05-2010 09:37 PM |
روائع الشاعر العلـَـم / عضيب بن هليل العلوي الحربي
رد على: روائع الشاعر العلـَـم / عضيب بن هليل العلوي الحربي
