العودة   منتديات الفطاحله > منتديات الشعر النبطي/يمنع الفيديو > ساحة المحاورات > محاورات ومسابقات الفطاحله

إضافة رد
 
أدوات الموضوع
قديم 06-09-2018, 04:52 PM   رقم المشاركة : 1
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد على رد


في 29/9/2012
قام الشاعر سهيل الشمري بالرد على قصيدتي

بين حظٍ عنيد و بين وقتٍ لئيم= ماالومك ياقلبي لو شكيت الجراح
خل جرحك بنزفه ماعليها مقيم= يوم لابد ما ارحل مثل من قبل راح
رافع الراس حرٍ للصراحه نديم=ماني اللي منافق راجيٍ للرباح
اعرف ان المحبه للوطن من قديم=جهد واخلاص في ليلك وحتى الصباح
في امانه وعفه ماتعرف الحريم= وف استقامه بشغلك جد مابه مزاح
غير من سار نفس النهج سمي سقيم=وحاربته الحصاني سر مابه بواح
لين ينفذ بجلده بعد طول الجحيم= ويترك الداب وشجرته يبي مستراح
لو شكى مالقى له قاضيٍ او خصيم= غير منهو السبايب من حصاني المراح
راح عمري موظف ماشيٍ ف السليم=مخلص والأمانه والعدل لي سلاح
منجز اشياء قبلي في عداد العديم=غير ماني حرامي للحرام استباح
مادريت الحصاني تشتغل ف العتيم=تعمل بصمت حتى تكتمك بانشراح
يوم شفت النوايا وشفت مابه حكيم=لذت يم التقاعد كود فيه ارتياح
ليتني ما رجعت وشفت شغل كريم= في بلاد تقدر مثبتٍ للنجاح
غير هذا نصيب اللي بداره غشيم= مادرى الوضع مابه للنزاهه فلاح
وما درى انه لوافد ناهبٍ للبريم = وما درى انه لفاسد يختفي بالوشاح
وما درى انه لذيلٍ او كراعٍ ذميم = كل فكره بجيبه دام تحت الجناح
كل حرٍ اصيلٍ عايشٍ كاليتيم = او كفخ وسط ليلٍ ما رضى الانبطاح
والبلى من بطاين عايشه في نعيم= مابها من يفكر بالوطن والصلاح
كل همه بنفسه والربع والخميم= ولو درا به ولي الأمر طاله جراح
الرجاء بك ياربي ثم بافضل زعيم = ينفض غبار دارٍ ابتلاها الكساح
من فسادٍ وواوٍ محرقه للهشيم= وكل مخلص امين مالقى له براح

وقال

ارحب يالحبيب

هاك سوافي


لِيه قلبك شِكى لك وافْهمنْ يافهيم = قنّد الشّاذليّه ثُمّ عِِدّه مِزاح
بارق الوسْم يالعِزْوه مِداده عقيم=والكفوف الملايا ماوراها رباح
خاربه من عقُود ٍ والمُؤكّدْ سقِيم = ياعقيد المِكان اِسْمعْ لكِثْر الصّياح
راح فيها عزيز وصال فيها غرِيم=والجداره سِجِينه والخبيث اِسْتِباح
جذْعنه لمْلمتْها دُون شِيخ ٍ حلِيم=وِاِسْتِباحتْ وصاحتْ سكّتُوا للنّياح
واسْودْ الليل طوّلْ وِهْدرنّ الحرِيم=والشّواربْ تقصّصْ والأصلْ راح راح
مِير ياطيّبْ المنْبتْ وعُوق الظّلِيم=إفْرِشْ بساط جلْستْنا وطوّ الصّفاح
ودّنا نِشْتِرِيها صنّ والله علِيم = لنّ جرْح الخساره ألْف مرّه يُباح
ماعليّا منْ اللي يجْرحن بالصّمِيم = ولاني مْدارِي اذْناب ٍ تدوّرْفلاح
عاشق ٍ للحقيقه والطريق السّلِيم= ساطِي ٍ لاوقفْ لِي مِنْ خساسه طِفاح

فقمت بالرد عليه

ضايق الصدر ماله غير خلٍ قديم=يسنده كود يسلى بالكلام المباح
يشعره كيف غيره بالنواحي فهيم= ويقنعه كيف ينسى للألم والجراح
بين صن وبلوت وبين نفث الجحيم=يلتقي كل فكرٍ مالقى له صباح
اشهد ان الليالي ماتبي للحكيم= ولا تبي غير طبلٍ سادرٍ بانسياح
ماتبي الحر الاشقر في زمان البهيم=تدفنه في همومه كود يبدا انبطاح
واصبح الناس تركض دون فكرٍ سليم= كل يبغى رصيد وجاه والعقل ساح
الرجوله تلاشى عند جمع البريم = واصبح الدين بالدولار شريه مباح
وشاذليتك ماتنسي هموم الهميم= خلها لاتنبه زود هم استباح
وكل شيٍ ينسي نتركه للفديم=نحمل الجرح للأحفاد بعد الرواح
من بغى الحق والاّ للحقيقه نديم=مختلف في زمانٍ مابقى به صلاح






توقيع الطائر المهاجر
 
تفاعلك مع غيرك يشجعهم على التفاعل معك
  رد مع اقتباس
قديم 06-09-2018, 05:29 PM   رقم المشاركة : 2
منيع
براهيم بن حمد/نائب المشرف العام
 الصورة الرمزية منيع






معلومات إضافية
  النقاط : 10
  الحالة : منيع متواجد حالياً

 

افتراضي رد: رد على رد


ماشاء الله رد ر ائع من الشاعرسهيل الشمري
شكرا لكما
تحياتي







توقيع منيع
 
  رد مع اقتباس
قديم 07-09-2018, 02:23 PM   رقم المشاركة : 3
داعي الشوق
سعود العتيبي /شاعر/نائب المشرف العام
 الصورة الرمزية داعي الشوق






معلومات إضافية
  النقاط : 10
  الحالة : داعي الشوق متواجد حالياً

 

افتراضي رد: رد على رد


الله يذكر هاك الايام بالخير

وصح لسانك ولسان الشمري







توقيع داعي الشوق
 
  رد مع اقتباس
قديم 09-09-2018, 10:26 PM   رقم المشاركة : 4
الطامي
منصور المري/شاعر/نائب المشرف العام
 الصورة الرمزية الطامي





معلومات إضافية
  النقاط : 10
  الحالة : الطامي متواجد حالياً

 

افتراضي رد: رد على رد


صح السانك والسانه
رد مميز ووافي
وانت تستاهل كل خير يادكتور







توقيع الطامي
 
ماتعودنا على خضع الجماهي=غير للي خالق انسه وجِنه
الفعول اخير من حكي الفكاهي=وكل رجال بفعله فاح بِنه
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:32 PM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة