ياطير ياطير

[نجم الإبداع]

ياطير ياطير ياطير السعد من بيض الاوراق=خذ لي رساله لمن له بالحشى فيّاض شوقي
الي عليه المشاعر من لهيب الشوق حراق=يجري مع الدم عشقه والهوى داخل عروقي
الي عشقني ولا في نيته عن ظلّي فراق=لكن صده غريب وغيرته لي ماتلوقي
راعي العيون الوساع وطرف للعشاق سراق=الي بسهم المحبه والهوى صوّب خفوقي
الي لخاطرْه لو يشّر نوينا نتعب الساق=وقت الضحى ناصله والا على وقت الغسوقي
ياطير بلغ حبيب الروح حالي قبل الاشراق =لاناموّ الناس وانا قمت ابْل اعليه موقي
الي حلي له عذابي وانبرى يسرح بالآفاق =مابه سحابه ولابه للمطر رعد وبروقي
مادري علامه يناظرني ومافي قلبه اشفاق=كنه يبيني على جمر الغضى صب امحروقي
يحسّب انه ليا من ساق جمر الهجر بانساق=واصير هايم ويدرون العرب في كل سوقي
مايدري اني على المشراف ماقبل لوي الاعناق=ادعس على القلب لو شفته بساع امسى ذروقي
صحيح احبه ولا ارضى فيه بين الخلق الاملاق=لكن نفسي تشوم ان ساقها للذل سوقي
فوق الثريا ونجم اسهيل مارضى عيّش الانفاق=على النقاء والصفاح البيض عايش حسب ذوقي

[ترانيم المطر]

الشاعر المبدع نجم
لقد عانقت الإبداع وحلقنا معك لقممه حتى جاوزت الأفق

مبدع بكل حالاتك يا نجم ولا هنت ولا هان مغليك

لقد إتويت شعرا هذا المساء

دمت مميزاً كما أحبت

تقبل من التحيه أغلاها

ودمت بود

[عمر ال شيبي]

هاله هالله

يا طير

صح لسانك لا هنت ابد

تبارك الله

زود تناعيم واقول طيبه يا جزل

[عبدالله مذكر العقيلي]

صح لسانك وفكرك

مبدع يافلاح

لله درك

والله لايهينك


تحياتي لك

[محمد العسكر]

للتميز اهله

وللابداع اربابه

فلاح احد هؤلاء

لنا الاستمتاع حد الثماله

[الطائر المهاجر]

درة جميلة
من شاعر متمكن
صح لسانك
ولا هان راسك
تحياتي

[شجون القصيد]

الله الله

صح لسانك نجم الابداااع

رااائعه بروعة حضورك

تناغم راااقي وسبك لا يجيده الا الكبار

لا فض فوك شاعرنا

متجدد دوما

اعجابي وتقديري

[سلطان العطاوي]

الله الله
صح لسانك والله ولآهنت
تحيــتي

[عيدالماجد]

صح لسانك ابدعت يانجم الابداع

[عبدالله راشد الثويني]

الاستااااااذ الغالي والشاعر الجزززل // فلاح بن منشار
صح كلك ولا هنت يابعــدي شاعر صاحب أطلالـــه راقيــه ومميزه
لابياتك رونقها الخاص .. تجبر القارىء على تكرار القراءه وإبدا الإعجاب بروائعك
تسلم يمناك على ماخطت طامعين دائماً بالمزيـــد من الإبداع
تقبــّـل تحيتي