العودة   منتديات الفطاحله > منتديات الشعر النبطي/يمنع الفيديو > همس القوافي للشعر النبطي

همس القوافي للشعر النبطي قصائد من إبداع شعراء الفطاحلة لم يمضي عليها اكثر من سنه

إضافة رد
 
أدوات الموضوع
قديم 30-11-2007, 08:36 AM   رقم المشاركة : 1
الطامي
منصور المري/شاعر/نائب المشرف العام
 الصورة الرمزية الطامي





معلومات إضافية
  النقاط : 10
  الحالة : الطامي متواجد حالياً

 

افتراضي منصور المري ،، والنحاوي الرشيدي


في عام 2004 زرت مدينة الجبيل ومررت على الأخ الشاعر / سلطان بن غانم بن مهنا الرشيدي (( النحاوي ))
وقد قام بحق الضيافه وزادها بهديه نادره جدا وفيما بعد لم يقبل مني هديتي ولم ادري ماهو الذي بيجزيه عني كمكافئة الا هذه القصيده التي بين ايديكم علما انه رد علي باحسن منها ،، ولي معه مساجلات طريفة وطيبه غيرها

ابدي بذكر الله على القيل والقال = الواحد اللي له عباده يصلون
يالله طلبتك يامجيبن اذا سال = ياوامر حجاج بيته يلبون
انك تعافيني اذا طال المهال = توبة نصوح اشهودها دمعة اعيون
من عقب ذا قم يانديبي وفي الحال = قرب لنا اللي من الوكاله ومضمون
عليه من دشن الكويتي وطربال = وتوانكيه والتواير ومازون
عبه من الممتاز خل التمهال = فوق الميه والزود حطه بمخزون
لاكن صوته لاعرض صوت زلزال = وصوت الرعد والا الفحل حين يردون
ما هو يوقف بالمراكز ولا سال = معفي وعاده لا درو به يغضون
عليه جبار ذبحه التغربال = في ما مضى ذكره مع اللي يقولون
قد لاعته صكات بقعى تبهذال = نبغي نجدد له قديمه وممنون
يسري من الدوحه واحمله مرسال = حمل خفيف ويعجب الل ييغنون
قبل الفجر يدخل على ذرب الافعال = عند الرشيدي بالتراحيب والعون
من سربة الى اعتلت شهب الاذيال = لاثار دخان المشوك ضحى الكون
لاطوحت تنخى مداغيش العيال = ترمي المليثم تنعت اللي يردون
جوها هل الرده على كل مشوال = مثل ابو غانم لابته مايقفون
زبينهم ينزل حجى نايف الجال = وخويهم والجار مابات مشطون
وارجع واكرر كان ينشد من الحال = حنى بنعمة خير اللي يطرون
واهم عساهم طيبين بالاحوال = اللي بغرب ووسط واللي بعد هون
وقله على الساني بش على البال = شي كثير مانحصى لو بيحصون
يستاهل الأولى وهي له بالامثال = ودايم هل الاولى بخير يفوزون
والله يعاوني على الرد لو طال = وكلشن شوي بحقهم لو بيدرون
امدح انا الطيب على روس الاقذال = والا الردي جعله يولي بطاعون
واسرع من هذا اكلم بجوال = والا بفاكس العاصمي جعل مايهون
وارجو المعذره كان قصرت الاقوال = ماقل دل بزبدة اللي يهرجون


رد سلطان الرشيدي (( النحاوي )) على قصيدتي

بديت باسم اللي له الحال تنحال =الواحد اللي بالبحر عاش ذى النون
اللي الى من راد بالفعل فعال = جل جلاله واحد يحمل الكون
علام دورات الليالي والاجال = اللي خلق خلقه وكلن على لون
جل جلاله واحد يحصي الاعمال = الواحد اللي عنده الرزق مضمون
وبعد ذكرت الله علام الاحوال = غرفت من زين القوافي بماعون
ليا جاك من وسط الصناديق منهال = هاض الضمير وجاب من قيل والحون
ارمي ضعيف القاف واختار الاجزال= اصرف ذهب واجنيه من وسط مخزون
حي الجواب اللي لفى فيه رجال = العاصمي جابه وانا منه ممنون
جاب الجواب اللي على الراس ينشال = ورحبت بالجواب ترحيب مليون
جواب مسطور النشامى والابطال = الرجل وافي والمثل فن موزون
ومن بعدها ياراكب فوق سربال = سربال قطاع الفيافي ومضمون
سربال دار الخوف لاسرب اللال = الى بدا له ديرة دونها دون
ليا زم سراب الدار بسهال وجبال = وكظ الشجيع القلب وانكن مكنون
عليه قرم للمهمات شيال = ومشى تجاه الشرق لارض يريدون
لدار لبن ثاني بها الطيب فعال = وكثير ما سمعت بالقول يثنون
والى لفيت بدار ذربين الافعال = عند ابن منيخر وقفو لاتعدون
لاشافكم مناك جيتم بالقبال = يحذف العمامه يافتى حين تلفون
اول اقراكم فن والبن بدلال = يفوح شم البن قبل تذوقون
مهيله يطرب لها دايخ البال = يصبغ على الشراب شيفه على لون
وثاني القرى حيل مواحيل وجزال = بصينية يشبع بها من يريدون
فعله وفعل ابوه وجده بالاجيال = من لابة ترمي العشا ساعة الكون
لاجا نهار فيه امشير وعذال = عاداتهم بالحرب للموت يردون
الى اعتلو من فوق عجلات الازوال = كم خلصو من دين للدين مديون
مرية يامتعبة كل مرمال = وياما انحنى من طعنهم كل مسنون
والى سأل حنا ترى باحسن الحال = ناقص علينا شوفهم لو يزورون
سلم على منصور ماهل همال = وسلم على ربعه واللي يعزون
سلم على المره عدد زايل زال = واهل قطر سلم عليهم وممنون
حكامهم مع شعبهم عد ماطال = لاعلهم من كل شر يعتقون
وتمت بذكر اللي الى راد فعال = وصلو على المختار ياللي تصلون






توقيع الطامي
 
ماتعودنا على خضع الجماهي=غير للي خالق انسه وجِنه
الفعول اخير من حكي الفكاهي=وكل رجال بفعله فاح بِنه
  رد مع اقتباس
قديم 30-11-2007, 09:02 AM   رقم المشاركة : 2
هاجس نجد
سعد العبيد/شاعرVIP
 الصورة الرمزية هاجس نجد





معلومات إضافية
  النقاط : 10
  الحالة :هاجس نجد غير متواجد حالياً

 

افتراضي رد على: منصور المري ،، والنحاوي الرشيدي


صح لسانك يالمري
وصح لسان الشاعر
سلطان بن غانم الرشيدي
والنعم بكم وبكل القبائل أهل العادات الطيبة والمواقف الصعبة
بيض الله وجهـه على حسن الضيافة وهذي عوايد الرجال الطيبين بينهم
وبيض الله وجهك على رد الجميل بهذه الرائعة ما نسيت المعروف
وأنت تستاهل الإكرام والتقدير وعزالله ما راحت وقفته معك خساره
وربعك آل مرّة أهل العلوم الوافية يستاهلون المدح والثتاء
الله يديم العلاقة الطيبة بينكم وبين كل العربان
تقبل تحياتي ونقديري,,,
أخـــــوك
سعـــد بن عبـــد اللـــه العبيـــد
هاجس
H
نجـــــد






توقيع هاجس نجد
 
  رد مع اقتباس
قديم 30-11-2007, 03:49 PM   رقم المشاركة : 3
الخنساء
عضو شرف
 الصورة الرمزية الخنساء





معلومات إضافية
  النقاط : 10
  الحالة :الخنساء غير متواجد حالياً

 

افتراضي رد: منصور المري ،، والنحاوي الرشيدي


صح لسانك اخي الشاعر منصور
لاهان راسك قصيدة رااائعة
سلمت وسلم شعرك
دمت بخير







توقيع الخنساء
 
  رد مع اقتباس
قديم 30-11-2007, 03:56 PM   رقم المشاركة : 4
بتار/محمد الحربي




معلومات إضافية
  النقاط :
  الحالة :

 

افتراضي رد على: منصور المري ،، والنحاوي الرشيدي


صوت وصدى
من أجزل ماقرأت


صح لسانك ولسانه
وبيض الله وجيهكم جميع ...


دمتم بخير







توقيع بتار/محمد الحربي
 
  رد مع اقتباس
قديم 30-11-2007, 04:17 PM   رقم المشاركة : 5
حي الضمير
خالد الحمد/ شاعر/عضو شرف
 الصورة الرمزية حي الضمير





معلومات إضافية
  النقاط : 10
  الحالة :حي الضمير غير متواجد حالياً

 

افتراضي رد: منصور المري ،، والنحاوي الرشيدي


صح لسانك يالمري ....وصح لسان الشاعر

سلطان الرشـــيدي

قصائد تحمل معاني جميلة تستحق الاعجاب

وادام الله الموده بينكم وبين الجميع ان شاء الله







توقيع حي الضمير
 
سبحان الله وبحمده سبحان الله العظيم
  رد مع اقتباس
قديم 30-11-2007, 09:24 PM   رقم المشاركة : 6
عبدالرحمن الصباح
شاعر/عضو شرف





معلومات إضافية
  النقاط : 10
  الحالة :عبدالرحمن الصباح غير متواجد حالياً

 

افتراضي رد على: منصور المري ،، والنحاوي الرشيدي


صوت وصدى رائعين من شاعرين كبار صح السانك ولسان خويك اسجل اعجابي وتقديري







توقيع عبدالرحمن الصباح
 
  رد مع اقتباس
قديم 30-11-2007, 10:06 PM   رقم المشاركة : 7
ابومياس
محمد الشمري/شاعر/عضو شرف
 الصورة الرمزية ابومياس






معلومات إضافية
  النقاط : 10
  الحالة :ابومياس غير متواجد حالياً

 

افتراضي رد: منصور المري ،، والنحاوي الرشيدي


الحبيب والغالي منصور الوذين المري

يسعد لي مساك وصباحك

صوت وصدى من شعار اهل حرف

بيض الله وجهك على هذه الرائعة

كفيت ووفيت ولايهون الشاعر الجزل سلطان الرشيدي

صح لسانك ولسانه

دمت بخير وعافية







توقيع ابومياس
  رد مع اقتباس
قديم 01-12-2007, 12:22 AM   رقم المشاركة : 8
سناعيس
سليمان السالم/شاعر عضو شرف
 الصورة الرمزية سناعيس





معلومات إضافية
  النقاط : 10
  الحالة :سناعيس غير متواجد حالياً

 

افتراضي رد: منصور المري ،، والنحاوي الرشيدي


صح لسان الجميع
صوت وصدى رائعين
الله يبيض وجيهكم

تحياتي







توقيع سناعيس
 
اللهم ارحم والدتي وأسكنها الفسيح من الجنان واحشرها مع الانبياء وعبادك الصالحين وأموات المسلمين
  رد مع اقتباس
قديم 01-12-2007, 06:01 AM   رقم المشاركة : 9
الطامي
منصور المري/شاعر/نائب المشرف العام
 الصورة الرمزية الطامي





معلومات إضافية
  النقاط : 10
  الحالة : الطامي متواجد حالياً

 

افتراضي رد على: منصور المري ،، والنحاوي الرشيدي


هاجس نجد
ابو عبد الله
سلم راسك وتعطرت انفاسك
يسعدني انك اول الداخلين هنا
لاهنت واشكرك على التعليق
وما عليك زود يالغالي







توقيع الطامي
 
ماتعودنا على خضع الجماهي=غير للي خالق انسه وجِنه
الفعول اخير من حكي الفكاهي=وكل رجال بفعله فاح بِنه
  رد مع اقتباس
قديم 01-12-2007, 06:02 AM   رقم المشاركة : 10
الطامي
منصور المري/شاعر/نائب المشرف العام
 الصورة الرمزية الطامي





معلومات إضافية
  النقاط : 10
  الحالة : الطامي متواجد حالياً

 

افتراضي رد على: منصور المري ،، والنحاوي الرشيدي


الخنساء
تسعدني طلتك لاهنتي
شكري لك وتقديري لمثلك







توقيع الطامي
 
ماتعودنا على خضع الجماهي=غير للي خالق انسه وجِنه
الفعول اخير من حكي الفكاهي=وكل رجال بفعله فاح بِنه
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
بيضاء الجزء الثاني .... شموخ سدير وسع صدرك 15 16-12-2010 06:50 AM
من عادات العرب والطامي المري الطامي المواضيع العامة 17 15-12-2010 11:58 AM
تكملة حار بحار ،، ومنصور الوذين المري الطامي همس القوافي للشعر النبطي 35 06-12-2010 10:42 AM
الفزة المشتركه والطامي المري الطامي همس القوافي للشعر النبطي 61 03-10-2009 10:25 AM


الساعة الآن 01:38 PM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة