العودة   منتديات الفطاحله > منتديات الشعر النبطي/يمنع الفيديو > همس القوافي للشعر النبطي

همس القوافي للشعر النبطي قصائد من إبداع شعراء الفطاحلة لم يمضي عليها اكثر من سنه

إضافة رد
 
أدوات الموضوع
قديم 22-09-2009, 01:04 AM   رقم المشاركة : 1
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي قصائد الفطاحلة في الوطن وضد الإرهاب


في هذه الموضوع ارجو من جميع الشعراء والشاعرات ، وضع قصائدهم عن الإرهاب والإرهابيين وسلامه سمو الأمير محمد بن نايف من محاولتهم الفاشلة والغادره ،

قصائد الطائر المهاجر
1- الحمد للي يرد الكيد لاصحابه

الحمد للي يرد الكيد لاصحابه= ويحمي بلدنا من اللي ناوي نيّه
وممن غدا مثل سيف يعض بقرابه= وخان الوطن في فعالٍ كلها سيه
طاوع هل الحقد في افكار مرتابه= وصار امعه في يديهم مابه رجيه
واللي حصل ما يبي شعرٍ ولا كتابه= يبغى حلولٍ تعالج ميه بميه
نحفظ شباب لقفتهم يد مغتابه= من كل ماكر بسمٍ تنفثه حيه
بالعلم والوعي نمحي كل اسبابه= وبالشغل نشغل شبابٍ ضاع في الهيه
واللي عطي ثوب ماظني من ثيابه= حتى استغل العقيده بطرق ملويه
نرجعه للعقل كان ان العقل سابه = وإلا بنار على علباه مرهيه
ممن يشوفه غدا عالم ولايابه= بحق الوطن لو يشب النار في حيه
يفتي بليا دليل بكل ماجابه= وهو تليميذ يخدع نفسه وخيه
ويرسل علينا طيورٍ وقفت ببابه= تاخذ بأمره وحنا نصبح ضحيه
مايدري انه خدم طهران واذنابه= ممن يبي الثار من يعرب واهاليه
فكل المراجع تقول الخصم يتشابه= لو هو لبس ما لبس او غير بزيه
حتى ولو هدد اسرائيل باالعابه = معروف حلفه معاها منكشف طيه
فحنا الهدف دامنا من كسر انيابه= فاجدادنا من غزوه وانهوا لغيه
في صالحه تشتعل نيران شبابه= ويضرب بعضنا بعض عن جهل ونخيه
لكن رجال الأمن بعزوم وثابه= بقيادة الفارس اللي مدرك النيه
انهى جذور العماله واحرق اطنابه= ووعى المواطن وسار الكل في فيه
يبقى الوطن فخرنا نعلي من ارتابه = ما نرحم اللي يحاول يطفي لضيه

2- يا دار لا تخشين عـادي وغـدّار

يا دار لا تخشين عـادي وغـدّار = حتى ولـو هـو منك خاسر رهانه
انتي الجبـل ما هـزّه بيـوم تيّار= وانتي الشمس تحرق غيوم الرعانه
اللي حدث ما هوب من فعل الاخيار= مهما الهـدف والعـذراسمه خيانه
ما قـال ربي نقتـل معـاهد الدار = ولا قـال نذبج مسلمٍ في ومانه
عقـلٍ مـدبّر يختفي خلف الانظار= يغسل عقـولٍ ما بهـا من ذهانه
طيورٍ ظمـايا صادها تحت الاشجار= والطعم جـاهز في صكوك وضمانه
طـارت عمـايا ما تميّز للاخطـار= والحبـل في يـدّه وهـو في مكانه
ولـو ما تنفـذ تنقتـل دون إنـذار= ماسك عليهـا عهـدها والأمـانه
محـدٍ تنبّـه يفهـم طيـورالاسرار= ولا حـدٍ يوقظهـا بعقـل وفطانه
ولا حـدٍ تفكّر ليش طـارت للاوكار= وصارت هـدف للي خدعها لسانه
السر واضح ما يبي عصر الافكار= شبـاب ضـايع مافتهمنا لشانه
محـدٍ بحث وضعه وهمّه ولامرار= طيّـر وحصـل وكرٍ زود جنانه
اعطـاه دنيـا وآخـره وسيف بتار= فيه الهـويّه يـوم ضاع بزمانه
صار البطل من عقب ما هوب محتار= وكلٍ يشجـع والنشيــد بـأذانه
ما عـاد له هـمٍ سوى اللعب بالنار= مـوته بـداية مرحـله لاطمنـانه
ما يـدري انّـه صار بيـدين تجّـار= كسبوا ثمن فعـله ومـوته مهانه
لا بـد ما نفهـم ونحمـي للاطيـار= ونمنـع بـذور الشر في كل خانه

3- سعوديين ما نقبـل تطول الـدار الانكادي
هـلا بك عيدنا الغالي هلا والحب لبلادي = هلا بالـورد والكادي ابارك للسعوديّه
تعودونه سنين طوال بفخر وعز الامجادي = رفيعي الراس بالعالي على العادي نداويّه
عبرنا للعـلا نبني حضاره فوق الاجسادي = وكلٍ يفتخر انّه سعودي اصل وجنسيّه
حميّة دوم تلقـاها وشهـامه للكـرم حادي = رجالٍ وين ما نمشي سباعٍ حزّة الهيّه
سعوديه من اقصى الشرق لاقصى الغرب والوادي = ومن اعلا الشمـال لتهمها والروح نجديّه
هلا بك عشقي الأول هلا بك فجر ميـلادي = هلا بك والغرام اكبر بقلبٍ صادق النيّه
تعالي افرحي حبّي وغنّي واطربي الشادي = على حبّك تلاقينـا ياشمس الكون يافيّه
سعوديين يالعزوه يا فخري بكل الأعيادي = نبي وقفة رجل واحد لاجل أمن السعوديّه
جسد واحد فكر واحد ما بين الحضر والبادي = وحب الدار يجمعنا على خـوّه وحنّيّه
حصاني الحقد لو كثرت تبي الفرقه والافسادي= نعرّيها ونحمي الدار ونكشف من خفى غيّه
سعوديين ما نقبـل تطول الـدار الانكادي = نفاديهـا بدم القلب والأرواح مرهيّه
نعيش بحاضرٍ احـلا ونبني مجد الاحفادي = حمـاك الله يا بلادي بعالي المجد دريّه

4- ليله غريبه بحيّنا

ليله غريبه بحيّنا/ ماهي مثل كل الليال= صوتٍ كسر صمت السنين/ وما عرفنا من سكينه
صوت الرصاص وطائره/ من فوق راسي في المجال= ترصد طيورٍ ذائره/ من بعد فعلتها المشينه
عقل انغسل/ صابه شلل/ يبحث عن دروب الزوال= مسحور والساحر هُبل/ يصدر له امره من عرينه
برمجه صوره قبل صوت/ القتل شغله بالختال= روبات يمشي بالرموت/ وان ما مشى يقطع وتينه
يدفعه يبحث عن هدف/ ويقول له يا عزّ غال= فجّر ودمّر لاتخف/ فالشر كله في المدينه
وان كان تقتل لاتخف/ تذهب لحور وقصر عال= مثل الذي قبلك سلف/ شفت الكرامه في جبينه
يقتل بلا رأي سديد/ ابكل غدرٍ واختيال= والساحر الخادع بعيد/ وراه حتماً من يعينه
كلش ولا أمن الوطن/ يامن تريده باشتعال= تريد يغرق في الفتن/ من شان احقادٍ دفينه
مهما اختلفنا نلتقي/ فالأمن فوق الإحتمال= ومن هو بشرّه منتوي/ يلقى لدينا مايهينه
ماظنّ عاقل يرتضي/ نصبح كما جار الشمال= ولا ظن قلبٍ ينبضي/ يقبل بتخريب السفينه
مهما يكن حنّا بخير/ نحسد على امنٍ وحال = وما فيه كامل/ غير ربٍ من أمانه نستعينه

5- ظلمك الـوقت يا حبّـي

ظلمك الـوقت يا حبّـي وكثر الحقـد والحسّاد = تخاوى ابليس والشيطان وقلوب تحبيها
احد غافل واحد جاهل واحد ياطى السريح اعناد = واحد حصني بوجه انسان لو ذيله يغطيها
يبـونك مثلمـا غيـرك تعيشي الهـمّ والانكاد = يخـدمون المعـادي والذي نيّتـه يخفيها
وكلٍ ما سـأل عنّـك يفكـّر بالطمـع لو زاد = نسى تاريخه الماضي وبطنٍ كان طاويها
نسى حـالٍ به اجـداده يبي ذاك الـزمن ينعاد = يبي نمشي ولا نامن ولو خطوات نحصيها
نسى ثارات بين النـاس ولا احـدٍ يهتني برقاد = نسى امراض فتّـاكه ولا به من يداويها
لئيـم النفس لـو يكرم تمـرد وابتـدا الافساد = على نفسه وعلى غيره طبـاعه ما يخلّيها
الا يا عاقـل اسمـع لي وتفكّـر قبلمـا تنصاد = مثل عنزٍ لجحر الذيب جرّتهـا خطاويها
ترى اللي صـايرٍ واضح مخطط لعبة الموساد = تبي بديـارنا الفوضى وتكسب من تداعيها
فتقنـع كل هـذا الكـون بأنّا الشـرّ والاحقاد = على انفسنا وعلى هالارض واللي ساكنٍ فيها
تحقـق حلمهـا الاكبر بدولـه تحكـم العبّـاد = تهودهم بلا رجعه .. كذا التوراة يرويها
تحسب إن الهدف خيّر مثل غيرك من الاجـواد= لأنك ما تشوف اللي على خطّـه يمشّيها
وغيرك انخـدع قبلك رجــالٍ بالنفس زهّـاد = ورجـالٍ تنتخي للدين وما تدري مواطيها
تثـق في اللي يحرّكهـا وهو يستقبـل الاكواد = ومن شافه لحسن الظنّ يبعد عن هقاويها
ترانا في خطـر يا صـاح تنبّه وافهـم الأبعاد = فدين الله في محنة واخـاف إنك تغذّيها
نحسّ الغبن والأمرار بفعـل الكفـر والالحاد = ولا نقـدر مع الكثره نجـاهر في تحدّيها
ضربنا بعضنا في بعض وصرنا للبعض اضداد= وغدينـا كننا المعزا تنادي الذيب يحميها
واذا منّـه فـرس وحـده يفسّر فعـلته بركاد = خطيره بالفكر تنوي بقـايا المعز تغويها
متى نصحى ،متى نفهم ،وندرك خطّة الاوغاد = نلمّ الشمـل نتسامح ونسهم في مبانيها
ترى في ديننـا فسحه عطتنـا ماضي الأمجاد= واشوف اليوم يغلقها فكر يجهل معانيها
فكلٍ يصدر الفتوى ولـو يجهل حروف الضاد= وبعضٍ ياخـذ الكلمه ولا فكـر بتاليها
تـرى الفتنه إذا تبـدا حـريقٍ ماوراه اخماد = فليش النـار تشعلها وربك قال تطفيها

6-بيني وبينك عهد ما نيب ناسيه
بيني وبينك عهد ما نيب ناسيه= عهد الوفاء والحب طيلة حياتي
وبيني وبينك وعد لابد ما اوفيه = اني ادافع عنك حتى المماتي
ياديرتي والحب في القلب يحييه = ينطق بحبك في جميع اللغاتي
احسه بقلبي مع الدم يرويه = واحسه بروحي كياني وذاتي
انتي فرضتي الحب والقلب شاريه= بافعالك اللي تنطق الراسياتي
حبيبتي والفعل لايمكن احصيه = ياصعب تعداده على الحاسباتي
يشهد لك التاريخ والحق يهديه= يقول انتي آية المنجزاتي
ياديرتي والحب لا يمكن اخفيه= يعلمه ربي عالم الخافياتي
حبك معي في القلب دايم الاقيه= في صحوتي في نومتي في غفاتي
دايم احسه واسمعه ثم اناديه= مجنون ليلى ما يسوي سواتي
حنا عيالك ما تقولين لبّيه= نفداك بالغالي نرد الغزاتي
حنا معك في الخير والشرننهيه= نبيك فوق سهيل والساهراتي
يمه ترى حب الوطن دوم نغليه= تاريخنا معروف سهل وسراتي
حب الوطن ماهوب بالهرج نبنيه=ولاهوب نثر وشعر او اغنياتي
حب الوطن ايمان والدين يمليه= وطاعة ولي الأمر في الموجباتي
وحب الوطن قولٍ وفعلٍ يوازيه= اخلاص في جدٍ وصدق النياتي
ضمير حيٍ يرفض الشر يغريه=ويرفض دروب الشك والمغرياتي
وحب الوطن انك من القلب تعطيه= في كل صدق بالفقر والغناتي
وحب الوطن انّك الى المجد تعليه = والكل في دربه لمجده بناتي
وحب الوطن دمٍ على الأرض نرهيه= نفداه بالأرواح حتى المماتي
هذا الوطن بالروح والعمر نفديه= وهذا الوطن حبه بدمي وذاتي
مادام ابو متعب على الدرب نمشيه=رجل المهمه صانع المعجزاتي
يحمي حماك وما طلبتيه يعطيه= يبيك نجمٍ يهدي التايهاتي
شهمٍ عظيم الشان والعز يبنيه= يعلي صروح المجد في العالياتي
يحفظه ربي خالق الكون واليه = ويديم عزه نهتني بالحياتي
7-وين الدين لو كنتوا تعرفوا بعض مضمونه؟

الا يا طير وش لك بالحمام اللي سهل ينصاد=ابيك تدوّر طويرٍ على طيوري يهدونه
شغل فكري وخلاني سهير الليل دون ارقاد = ينوح ولا بدا نورالفجر غيّر من لحونه
ينادي كود تطلع له عصافير الهوى تنقاد= يعلمها على الالحان ويسحرها بمكنونه
يمشّيها على كيفه على فكره على الميعاد = وإذا من تسمع لهرجه يثير الشك مضمونه
يمنّيها تصير صقور وتبني في السراب امجاد= وتهاجم من يعارضها تحسب الشر بعيونه
انا ما همّني نوح القماري صرت له معتاد= أبي من علمّه يرطن وابفهم من يغذّونه
الا يا طير لو تلقاه قل له يفهم الابعاد = ويترك دارنا تامن ولا نحتاج له عونه
كفانا من الزمن غبنه كفانا كثرة الحسّاد = كفانا مجدنا الضايع هدمنا عالي احصونه
على اسبابه تفرقنا وصرنا بالجهل اضداد = شيع واحزاب تتصارع وكلٍ حط قانونه
بلا استقرار ما ننهض من الطيحه بقاع الواد= ولا نقدر نقاوم سيل هذا الوقت ومجونه
تكاتفنا يحل اشكالنا كانه نوي الارشاد = غني القوم لو يكفل فقيرٍ ثقلت اديونه
وشبابٍ عاطلٍ يلقى العمل لو صار له إعداد = لشغلٍ يمسكه وافد ولا يحتاج للشونه
ولا يا طيور عميانه تركتوا سيرة الاجداد= ومشيتوا درب باسبابه فرح بوش وشارونه
عطيتوهم عذر ندخل متاهات الزمن افراد=وطعنتوا قلبنا المثخن بجراح الوقت وطعونه
تجيزوا قتلة المسلم وتسعوا في الأرض بافساد= فوين الدين لو كنتوا تعرفوا بعض مضمونه؟
تناقض واضح في الفكر والأعمال والإسناد = تعيشوا شبه غيبوبه ودرب الشر تمشونه
جميع الشعب متنبّه ويدري فعلكم بالكاد = يخدم اللي يعادينا ولا ظنيت تدرونه
وإذا ما تعرفوا فانتم ضحايا لعبة الموساد = توجّهكم لضرب الدين واهله كيف ترضونه؟

8- السفينه لا لقت رجلٍ حكيم

السفينه لا لقت رجلٍ حكيم = قادها والموج عالي ما يهاب
لو يخفّف سرعته فهو الفهيم= عارفٍ بالبحر وانواع الشعاب
كل دربٍ لو بدى لك مستقيم = البخيص أدرى وحاسب له حساب
لا تعجّل بالحكم تصبح خصيم= للسفن اسرارها وقت الضباب
ديرتي تفخر بمن فيها زعيم= في قراراته رسم درب الصواب
يجتهد يختار مَنْ فكره سليم = للمواجب رجلها عال الركاب
ولا تبيّن وانكشف إنّه غشيم = بالركاده يسنحه ببلا عتاب
والمعادي لو نوى أمرٍ عظيم= يكسبه بالود في حسن الخطاب
كاشفٍ سرّه ويدري به سقيم = ينتظر يقفي مثل زل السحاب
خطنا الواضح على الوضع القديم= ما تغيّر يوم عن شرع الكتاب
ومن تغيّر بالتطرف من خميم= وصار ضد الدار ماله من صحاب
طوعوه اللي يبونا في جحيم = يخدمون اللي دفع كشف الحساب
انعمي يادار بالخير العميم = ولا تخافي من حصاني أو ذئاب

9- في مبايعة الملك عبدالله

نحمد المعبود علاّم السريره = من عطانا رجال تحكم بالعداله
من ذراري فارسٍ ساد الجزيره= وشيّد البنيان ساسه باعتداله
امس حنا في ذرى المذكور خيره= وابتدينا اليوم مع راع الأصاله
مرحبا بك الف شيهان المسيره= يابو متعب من سبق فعله مقاله
كل شعبك جاء يبايع عن بصيره = كلهم مستبشرٍ يا طيب فاله
خادم البيتين حنّا لك عشيره = والشعب كله يحبك لا جداله
من البحر للبحر وجبالٍ عسيره= شرق ولاّ غرب ولاّ اقصى شماله
موطن واحد كبيره مع صغيره = مملكه وحده على هدي الرساله
مرحباً مليار ماهي بالكثيره = بابو متعب من يشوف إنّا عياله
ومرحبا مليار عضده يا نصيره= ياولي العهد يمناه وشماله
ابو خالد فخرنا في كل سيره= درعنا والحصن في قو احتماله
عهدنا الميمون ما نخشى مصيره= دامكم فيّ نتفيا في ظلاله
نفتخر بافعالكم في عز ديره = ونشكر الله حكمكم ما به مثاله
الشعب لو نام بعيونٍ قريره = انتم اللي بالسهر ترعوا حواله
انعموا يالشعب بخيورٍ كثيره = وارجهنوا كل واحد في حلاله

10-هذا رفيع الشان هذا السعودي

ذا نجـم ولا بارقـات الرعــودِ = والا شهابٍ محـرقٍ كل وجـاس
اشـوف يوضي مستمر بصعـودِ = ما هاب في دربه من الجن والناس
ولا خاف من عاذل ولا من حسودي = فطويق ما هزه عواصف ونسناس
هذا رفيع الشان هذا السعودي= رمز الكـرم والمرجلة طيـر قرناس
فخر العرب واصل العرب بالوجودي= درع العقيده عزها الركن والساس
حامي حمى الإسلام ضد اليهـودي = ومن سولت نفسه على كل الاجناس
اصل الحضارة من قـديم العهـودي = يشهد له التاريخ ماهوب هوجاس
ومن يخطي التقديـر فيه الشهودي= يسأل صحارينا عن قبور الادنـاس
ومن يستغـل لطيبنـا في برودي = للصبر حد كان ظلمك من خسـاس
ومن مد يدّه صادقٍ بالوعــودي = حنا نحشمه دام للخيـر غـراس
يـادارنا حنّـا رجـال العهـودي= نفدياك بالارواح مايلحقـك باس
نخضـع لأمرك دايمٍ لك جنـودي= ولغيرك فلا والله يخضع له الـراس
إلا سجــودٍ للطيـف الــودودي= رب خلقنـا دوم للـدين حـراس
ولا من انتخيتي انتخيتي اسـودي = قبايـلٍ تاريخهـا رفـع الاقـواس
وان دندنت ابواقهم بالجحــودي = حنا رجال الجد للحرب مقبـاس
يا عزوتي يا تاج راسي عضـودي = الــدار تبغي منّكم كل نومـاس
تبـي رجــالٍ واثبه كالفهـودي = في دين في عقلٍ من العلم لبّـاس
يتجنب الـزلات يبـذل جهــودي = كـلٍ بدربـه بـاذلٍ كـل الانفاس
لاجل الوطن نعمل نغيض الحقودي = من قال ما نقـدر بليّـاه نحتـاس
ولاجل الوطن ندرس علوم تفـودي= في يوم نستغني عن الغرب الانجاس
لك يا وطن حق وعلينا السـدودي = ومن لا يسد الدين للحق بخّـاس

11- صرتي بعهد الفهد نبراس الامثالــي
poem=font="Simplified Arabic,6,white,bold,normal" bkcolor="seagreen" bkimage="" border="double,4,white" type=2 line=0 align=center use=ex num="0,black"]
يا مالك الملك تحفظ صرحها العالـي = دار بها الليث من عزمه يفاديهـــا
عشرين عام عطاها العمر والمالـي =بيض أياديه كل الخلق تدريهـــا
سحايب الخير حتى في الربع خـالي =هلت على الدار برق الفهد يحييهـا
الكل يجني ثمر من أفضل الغالــي = والكل آمن يربع في مفاليهـــــا
الفهد ساهر على شعبه ولا يبالــي = يبي المعزة لدار السعد يعليهــــا
صرنا بحال بقول الفهد وافعالـــي = خلى دياري مع النجمة تباريهــــا
رفعت راس العرب يا طيب آلفـــال = وغدا لنا اليوم هيبة من يجاريهـــا
الشعب كله أمير ومن بقى والـــي = من وين يمشي ترحب به أراضيهـا
يا تاج راسي فداك الروح والغالـي = مهما فعلنا ديونك ما نوفيهــــا
يا دار نامي بلا تفكير بالتالـــــي = عين الفهد ساهرة والنوم جافيهــا
صرتي بعهد الفهد نبراس الامثالــي = وشمس على الكون من يقدر تحديها
منهجه واضح تطور دون إخـــلال = بحكم الشريعة ولو وقته يعاديهــا
لا للتطرف ، نعم للعقل طـــــوال = الدين يسر كتاب الله يفتيهـــــا
العدل دربه فلا عم ولا خـــــا ل = يمكن يؤثر على فكره ويثنيهــــا[/poem]






توقيع الطائر المهاجر
 
تفاعلك مع غيرك يشجعهم على التفاعل معك
  رد مع اقتباس
قديم 22-09-2009, 01:19 AM   رقم المشاركة : 2
الطامي
منصور المري/شاعر/نائب المشرف العام
 الصورة الرمزية الطامي





معلومات إضافية
  النقاط : 10
  الحالة : الطامي متواجد حالياً

 

افتراضي رد: قصائد الفطاحلة ضد الإرهاب


الطائر
جميل مافعلت
وصح السنة من شارك ولاهان من رتب
لاهنت استاذي







توقيع الطامي
 
ماتعودنا على خضع الجماهي=غير للي خالق انسه وجِنه
الفعول اخير من حكي الفكاهي=وكل رجال بفعله فاح بِنه
  رد مع اقتباس
قديم 22-09-2009, 01:19 AM   رقم المشاركة : 3
الـزلـزال
سامي الحارثي/شاعر عضو شرف






معلومات إضافية
  النقاط : 10
  الحالة :الـزلـزال غير متواجد حالياً

 

افتراضي يامحمد النايف


بسم الله الرحمن الرحيم

بمناسبة سلامه صاحب السمو الملكي الأمير

محمد بن نايف بن عبدالعزيز حفظه الله وسلمه


( يامحمد النايف )
يامحمد النايف سلامات ماجـاك=تسلم لنا تسلم يمينـك وراسـك
ويسلم لنا نايف على الطيب رباك=ويسلم جميع الي يحبك وباسـك
ويلعن أبو منهو معادي تحـداك=وده يزيد أوجاع ربعك وناسـك
مايدري أنه زاد حبـك وطريـاك=وزادت معه قوة يمينك وفاسـك
أرهاب ضايع كيف ياكيف ياطاك=ملعون ذا الأرهاب ماهو بحاسك
لنك على الأرهاب دايم بيمنـاك=تقصم يمين الي مايسوى مداسك
والي معك ساير يحبك ويهـواك=تعطيه كل الخير والخير ساسـك
حنا معك نمشي نحبك مانشنـاك=وحنا ترانا في الشدايـد لباسـك
يامحمد النايف ترى الكل يفـداك=وانا فداك أنته وربعـك وناسـك






توقيع الـزلـزال
 
  رد مع اقتباس
قديم 22-09-2009, 01:40 AM   رقم المشاركة : 4
حمود السكراني
شاعر/VIP





معلومات إضافية
  النقاط : 10
  الحالة :حمود السكراني غير متواجد حالياً

 

افتراضي رد: قصائد الفطاحلة ضد الإرهاب


قصائد رائعة وفكرة رائعة وحق الوطن

وحق شيوخنا مايلحق عسى الله يحفظهم

ويحفظ الوطن من كل مكروه







توقيع حمود السكراني
 
  رد مع اقتباس
قديم 22-09-2009, 02:56 AM   رقم المشاركة : 5
داعي الشوق
سعود العتيبي /شاعر/نائب المشرف العام
 الصورة الرمزية داعي الشوق






معلومات إضافية
  النقاط : 10
  الحالة : داعي الشوق متواجد حالياً

 

افتراضي رد: قصائد الفطاحلة ضد الإرهاب


خطوة رائدة يا بو عبدالله

و عمل رائع

بحصر القصائد ذات الموضوع الواحد

سلمت طائرنا

دائما تبحث عن الطريق السهل

و تجده بحكمه و تروي

دمت بخير

وصح لسان الفطاحلة

،،،،،،،،،،،،،،،،،،،،







توقيع داعي الشوق
 
  رد مع اقتباس
قديم 22-09-2009, 03:45 AM   رقم المشاركة : 6
عذب القوافي
(عبدالكريم ابراهيم بن خزيم)شاعر/عضو شرف





معلومات إضافية
  النقاط : 10
  الحالة :عذب القوافي غير متواجد حالياً

 

افتراضي رد: قصائد الفطاحلة ضد الإرهاب


[overline]


--(( الأمن يبقى ))--


الأمن يبقى في بلدنا ضروره=بقيادة اللي بالمواقف يباني
حامي حمانا من براثن شروره=ولانامنت عيون النذل والجباني
خادم حرمنا سامع(ن)للمشوره=كم جهّز البيتين باضخم مباني
هذا ملكنا وافين في حضوره=وقت الفجر زف الخبر والتهاني
والحمد لله تنقرا بكم سوره=لطف بنا من لدغة الأفعواني
ماشاء قدّر والأوادم شكوره=نحمد كريم(ن)بالسماء دون ثاني
الدار فيكم يامحمد فخوره=ومواقفك لأمن البلد من زماني
يازمرة الإرهاب منتي معذوره=والحقد والله في عملكم يباني
قوم(ن) يعاني الوطن من شروره=وفي خدمة المدحور دوم بتفاني
الدار مثل الأم ندرى شعوره=ومن عق أمه ماأحتواه المكاني
رغم العفو في منهج إخوان نوره=الدار منكم بالجريمه تعاني
نفس العفن مايوم كانت جسوره=ومعكم ترى ماعاد يمش اللياني
وقـت الفتـن قاداتنـا ومخـبـوره=وفي ساعة الشـدات تظهـر تبانـي
ومن عاش منكم غارق (ن) في فجوره=تاريخكـم علـى العيـان البيـانـي
تقديري للجميع ,,,,,
[/overline]






توقيع عذب القوافي
 
  رد مع اقتباس
قديم 22-09-2009, 03:49 AM   رقم المشاركة : 7
صنداح الزلامى
شاعر/VIP عضو شرف
 الصورة الرمزية صنداح الزلامى





معلومات إضافية
  النقاط : 10
  الحالة :صنداح الزلامى غير متواجد حالياً

 

افتراضي رد: قصائد الفطاحلة ضد الإرهاب


بعد السلام عليكم اليكم هذي القصيدة

بمناسبة سلامة سيدي صاحب السمو الملكي الامير محمد بن نائف

ونستكر وبشده افعال واعمال الفئة الضالة وماسئول لهم من اعمال

اجراميه ضد قادة كلنا محمد وكلنا يد واحدة ونضرب بقوة كل مبتغي

ظالم ولكن نناشد ابنا ئنا التي غرر بهم ارجعت والاستقامة والله يهديهم

لطاعة الله وطاعة ولي الامر






اسلم سلمت وللمعالي تعليت = يالعـــادل اللــي كلمة الحــق كلمتك
سلمت يارمزالوفاء ذائع الصيت = رجل الامن للأمن واصل مهمتك
ياسيدي تقصر يدين الطواغيت=أيدينهم مقــصورةٍ دون هــامتك
مشركين اجسامهم باالدنميت = حـــالة نواياهــــم عليهم ولا جــتك
ولاانت معهم صادق العهد وفيت = من طــيب قلـبك يامحمد ونيتك
على الوعد يالصادقه الوعد كفيت = وهذا دليلٍ عن وفاك وشهامتك
ماجحفت في حق المواطن ولااخطيت = لا لاحشاء لله ماهيب عادتك
أيضاء وفي حق والوطن ماتغاضيت = الامن سايد تحت رايك وهيبتك
وحنا عصاك وفزعتك لاتعصيت = قــوات الامــن بقـــوة الله وقــوتك
والضايعين الصايعين السرابيت = اندوسهم بالرجـل تكريم لحــيــتك
ياللي على حكم الشريعه تربيت = نهج السلف نهجك وحكمك وسيرتك
مديت يمنى الطيب بالطيب واعطيت = واهل الحسد ماتعرف الطيب خانتك
موقتٍ اله خاين العهد توقيت = والله كريمٍ ظامن ٍ لك سلامتك
يابن الوطن لوكنت بالروح ضحيت = ضح بشرف من دون دينك ودولتك
لاتسمع اعداء الدين وتصير كبريت = نارأ بها عدوان الاسلام شبتك
سوو لهم بسمك دعاية تصويت = وعلى طريقٍ يغضب الله مشتك
وعدولهم فكرت تطرف وتشتيت = واستخدموك لمهنت غير مهنتك

الشاعر /صنداح الزلامي






توقيع صنداح الزلامى
 
  رد مع اقتباس
قديم 22-09-2009, 06:28 PM   رقم المشاركة : 8
منيع
براهيم بن حمد/نائب المشرف العام
 الصورة الرمزية منيع






معلومات إضافية
  النقاط : 10
  الحالة : منيع متواجد حالياً

 

افتراضي رد: قصائد الفطاحلة ضد الإرهاب


فكره طيبه ورائده
سلمت ياوطني من كل شر
شكرا لكم جميعا
تحياتي







توقيع منيع
 
  رد مع اقتباس
قديم 23-09-2009, 11:00 AM   رقم المشاركة : 9
مهدي الحبابي
شاعر/V.I.P
 الصورة الرمزية مهدي الحبابي





معلومات إضافية
  النقاط : 10
  الحالة :مهدي الحبابي غير متواجد حالياً

 

افتراضي رد: قصائد الفطاحلة ضد الإرهاب


هذي مشاركتي بهذه المناسبه

يا سيدي يا محمـد يـا ولـد نايـف= ما جور ومجار يا طلـق الحجاجيـني
الله يديمك لنـا يـا ممـن الخايـف= يا منبع الجـود طيبـك لـه براهيـني
فتحت قلبك وبيتـك والقبـل كايـف=تستقبل الشعب لـو جولـك مهنيـني
وتستقبل التايب اللي قربـه الحايـف=وخان الأمان ونهج نهـج الشاطيـني
كيد المخطط فشل لن منهجـه زايـف=وأنجـاك ربـي بدعـوات المصليـني
خطط لقتلك ولأكـن خالقـك شايـف =وحماك بحماه لنكـم نصـرة الديـني
الله هو الخالـق المعبـود والرايـف = يجـزا بالإحسـان ويـذل المعاديـني
ويا قائد الأمن لرجال الأمـن ضايـف = الموقـف اللـي يخلـد فالـدواويـني
وشجاعة تطبخ فـي راسـك النايـف=وأسلوب نايف بشخصك يا أحمر العيني
وزيارة القائد المحبوب أخـو نايـف =رسالـة ٍ واضحـة فيهـا العناويـني






توقيع مهدي الحبابي
 يا حـلـمـي اللي بـدايـاتـه نـهــاياتـه = الله يعـوض عـلي ويجـبـرالخـله
ويعين قـلب ٍ هـموم الوقت تقتـاتـه = لولا القفـص كان بدله منزله كله
يكفخ وانااسمع صدى صوته وزفراته=يبغى المناهيج بس اسبوقه أتله
  رد مع اقتباس
قديم 23-09-2009, 02:26 PM   رقم المشاركة : 10
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي قصائد الفطاحلة في العيد الوطني


بمناسبة العيد الوطني للمملكة العربية السعوديه
ارجو من جميع الشعراء والشاعرات
وضع قصائدهم الوطنيه في هذا الموضوع

الطائر المهاجر
1- سعودي وافتخر

سعودي وافتخر بارضي ولا ني بالفخر مغرور = الى من قيل لي وش ديرتك قلت السعوديّه
رفيع الراس بافعالٍ حقيقه ما تعرف الزور = تسطرها تواريخ الفخر صفحات ورديّه
كتبنا المجد بعد المجد سنينٍ ماضيه ودهور =على صدر الزمن مكتوبةٍ بحروف ماسيّه
لنا الماضي لنا الحاضر لنا مستقبلٍ من نور= لنا التأثير في الدنيا ببصماتٍ حضاريه
من الإسلام منبعها فمنهاجه لنا دستور = على درب الموحّد صادق الأفعال والنيّه
ابو تركي سليل المجد نور الكون في الديجور= ومن بعده رجال ارواحهم للدار مرهيّه
توحدنا بعد كنا ضحية جهلنا والجور = وصرنا كلنا اخوه نعيش بكل حبيّه
من الآمر إلى المأمور منهجنا الإخاء والشور= على درب التساوي والعدل باوضاع مرضيّه
وقدوتنا رجالٍ لاجلنا لو داسوا المخطور = يبون الدار مثل الشمس في الأكوان مرئيه
والى من بانوا الحسّاد واللي بفعلته ماجور = يبان الجد وقت الجد بافعال النداويه
لتبقى ديرتي رمز الرخاء تحيا امن وحبور= بفضل الله وفضل اللي رعاها بكل حنيّه
ابو متعب ابو كل الشعب في برّها وبحور= اذا ناموا بقى ساهر لتبقى الدار محميّه
عزيز النفس متواضع ولا يرضى بحني ظهور= ولا تقبيل يدّينه من اللي جاه لتحيّه
حماك الله يابلادي لتبقي حصننا المعمور= تعيشي لو فنينا كلنا نفدي السعوديه

2-هلا بك عيدنا الغالي
هـلا بك عيدنا الغالي هلا والحب لبلادي = هلا بالـورد والكادي ابارك للسعوديّه
تعودونه سنين طوال بفخر وعز الامجادي = رفيعي الراس بالعالي على العادي نداويّه
عبرنا للعـلا نبني حضاره فوق الاجسادي = وكلٍ يفتخر انّه سعودي اصل وجنسيّه
حميّة دوم تلقـاها وشهـامه للكـرم حادي = رجالٍ وين ما نمشي سباعٍ حزّة الهيّه
سعوديه من اقصى الشرق لاقصى الغرب والوادي = ومن اعلا الشمـال لتهمها والروح نجديّه
هلا بك عشقي الأول هلا بك فجر ميـلادي = هلا بك والغرام اكبر بقلبٍ صادق النيّه
تعالي افرحي حبّي وغنّي واطربي الشادي = على حبّك تلاقينـا ياشمس الكون يافيّه
سعوديين يالعزوه يا فخري بكل الأعيادي = نبي وقفة رجل واحد لاجل أمن السعوديّه
جسد واحد فكر واحد ما بين الحضر والبادي = وحب الدار يجمعنا على خـوّه وحنّيّه
حصاني الحقد لو كثرت تبي الفرقه والافسادي= نعرّيها ونحمي الدار ونكشف من خفى غيّه
سعوديين ما نقبـل تطول الـدار الانكادي = نفاديهـا بدم القلب والأرواح مرهيّه
نعيش بحاضرٍ احـلا ونبني مجد الاحفادي = حمـاك الله يا بلادي بعالي المجد دريّه

3- الزعيم

السفينه لا لقت رجلٍ حكيم = قادها والموج عالي ما يهاب
لو يخفّف سرعته فهو الفهيم= عارفٍ بالبحر وانواع الشعاب
كل دربٍ لو بدى لك مستقيم = البخيص أدرى وحاسب له حساب
لا تعجّل بالحكم تصبح خصيم= للسفن اسرارها وقت الضباب
ديرتي تفخر بمن فيها زعيم= في قراراته رسم درب الصواب
يجتهد يختار مَنْ فكره سليم = للمواجب رجلها عال الركاب
ولا تبيّن وانكشف إنّه غشيم = بالركاده يسنحه ببلا عتاب
والمعادي لو نوى أمرٍ عظيم= يكسبه بالود في حسن الخطاب
كاشفٍ سرّه ويدري به سقيم = ينتظر يقفي مثل زل السحاب
خطنا الواضح على الوضع القديم= ما تغيّر يوم عن شرع الكتاب
ومن تغيّر بالتطرف من خميم= وصار ضد الدار ماله من صحاب
طوعوه اللي يبونا في جحيم = يخدمون اللي دفع كشف الحساب
انعمي يادار بالخير العميم = ولا تخافي من حصاني أو ذئاب

4-نحمد المعبود

نحمد المعبود علاّم السريره = من عطانا رجال تحكم بالعداله
من ذراري فارسٍ ساد الجزيره= وشيّد البنيان ساسه باعتداله
امس حنا في ذرى المذكور خيره= وابتدينا اليوم مع راع الأصاله
مرحبا بك الف شيهان المسيره= يابو متعب من سبق فعله مقاله
كل شعبك جاء يبايع عن بصيره = كلهم مستبشرٍ يا طيب فاله
خادم البيتين حنّا لك عشيره = والشعب كله يحبك لا جداله
من البحر للبحر وجبالٍ عسيره= شرق ولاّ غرب ولاّ اقصى شماله
موطن واحد كبيره مع صغيره = مملكه وحده على هدي الرساله
مرحباً مليار ماهي بالكثيره = بابو متعب من يشوف إنّا عياله
ومرحبا مليار عضده يا نصيره= ياولي العهد يمناه وشماله
ابو خالد فخرنا في كل سيره= درعنا والحصن في قو احتماله
عهدنا الميمون ما نخشى مصيره= دامكم فيّ نتفيا في ظلاله
نفتخر بافعالكم في عز ديره = ونشكر الله حكمكم ما به مثاله
الشعب لو نام بعيونٍ قريره = انتم اللي بالسهر ترعوا حواله
انعموا يالشعب بخيورٍ كثيره = وارجهنوا كل واحد في حلاله

5- صقر الجزيره

هـلا بك عيـدنا الغالي هـلا والمجد لبلادي = هـلا يا كل فرحتنـا نرددهــا بالانشادي
هـلا بك يا ديـار السعد فعيدك عيد ميلادي= هلا والفجر من نورك عطاني النور لاحفادي
هلا بتـاريخ عزتنـا إذا تاهت خطاوينا =
نهض صقر الجزيره ليل يلبي صوت المنادي = يسجل للأمل خطوه ولا يخشى من العادي
يجمّعنـا بعـد فرقه فلا حـاضر ولا بـادي = اخـوّة دين في دوله عطت للـدين القيادي
وتشرق شمس تنسينا قرونٍ من مآسينا=
عهـود الخير تتوالى من اعيـادٍ الى اعيادي = وراها رجال من عزمه بنوا للدار الامجادي
رجـالٍ تكـره الـراحه ولا تهنـا بمرقادي = تبيها فـوق في العالي تبيها فوق الاشهادي
تبيها نجمةٍ تسطع وتقهر من يعادينا=
بدار السعد شفنا السعد ومجد بكل الابعادي = حضاره فوق نتصوّر وامان وطيب في الزادي
يعيش الناس في نعمه بكل السهـل والوادي = بعـد ذاك الفقر والجوع في ازمـان الاجدادي
رعاك الله يابلادي من الذلات تحمينا=

6- النجم الصاعد

ذا نجـم ولا بارقـات الرعــودِ = والا شهابٍ محـرقٍ كل وجـاس
اشـوف يوضي مستمر بصعـودِ = ما هاب في دربه من الجن والناس
ولا خاف من عاذل ولا من حسودي = فطويق ما هزه عواصف ونسناس
هذا رفيع الشان هذا السعودي= رمز الكـرم والمرجلة طيـر قرناس
فخر العرب واصل العرب بالوجودي= درع العقيده عزها الركن والساس
حامي حمى الإسلام ضد اليهـودي = ومن سولت نفسه على كل الاجناس
اصل الحضارة من قـديم العهـودي = يشهد له التاريخ ماهوب هوجاس
ومن يخطي التقديـر فيه الشهودي= يسأل صحارينا عن قبور الادنـاس
ومن يستغـل لطيبنـا في برودي = للصبر حد كان ظلمك من خسـاس
ومن مد يدّه صادقٍ بالوعــودي = حنا نحشمه دام للخيـر غـراس
يـادارنا حنّـا رجـال العهـودي= نفدياك بالارواح مايلحقـك باس
نخضـع لأمرك دايمٍ لك جنـودي= ولغيرك فلا والله يخضع له الـراس
إلا سجــودٍ للطيـف الــودودي= رب خلقنـا دوم للـدين حـراس
ولا من انتخيتي انتخيتي اسـودي = قبايـلٍ تاريخهـا رفـع الاقـواس
وان دندنت ابواقهم بالجحــودي = حنا رجال الجد للحرب مقبـاس
يا عزوتي يا تاج راسي عضـودي = الــدار تبغي منّكم كل نومـاس
تبـي رجــالٍ واثبه كالفهـودي = في دين في عقلٍ من العلم لبّـاس
يتجنب الـزلات يبـذل جهــودي = كـلٍ بدربـه بـاذلٍ كـل الانفاس
لاجل الوطن نعمل نغيض الحقودي = من قال ما نقـدر بليّـاه نحتـاس
ولاجل الوطن ندرس علوم تفـودي= في يوم نستغني عن الغرب الانجاس
لك يا وطن حق وعلينا السـدودي = ومن لا يسد الدين للحق بخّـاس






توقيع الطائر المهاجر
 
تفاعلك مع غيرك يشجعهم على التفاعل معك
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 3 ( الأعضاء 0 والزوار 3)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
صفحات الأعضاء في وسائل التواصل الطائر المهاجر صوتيات الفطاحله 61 10-11-2022 11:45 PM
افضل قصائد الفطاحلة لعام 2008 الطائر المهاجر همس القوافي للشعر النبطي 37 04-12-2010 09:02 AM
قصائد باتحاد الكتاب تناجي الذات والوطن محمد عبدالله الخولي الصحافة والعلاقات العامه 3 08-04-2009 06:19 PM


الساعة الآن 07:27 PM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة