دعابه من هيئة سوق المال

اعرف ان ليس مكان هذا الموضوع هو هذا المكان لكن من باب التخفيف على من انكوى هذين اليومين فارجو من المشرف ان يترك ليومين او ثلاثه قبل حذفه

الجديد ان هيئة سوق المال قررت تحويل قيمة الاسهم الى اصول ثابته
مثال :

مواشي تاخذ تيس عن كل سهم

اسمنت تاخذ تراب

مصافي تاخذ زفت

زراعي تروح ترعى شهر مجانا

اتصالات تاخذ بطاقة سوى

دوائيه تاخذ تحاميل

[الطائر المهاجر]

الظاهر هذا من حر ما تونس ....
شف ونا اخوك مهما نزل السهم ، طالما أنك لم تبيعه فهو لم يخسر ، واذكر إني اولة العام
نشب في حلق سهم ماخذ معظم سيولتي لمدة 8-10 اشهر ، واصبر عليه الين ارتفع .
لا ...وازيدك من الشعر بيت ، واضح ان وجهي وجه خساره ، كان عندي حدس قوي بأن السوق سينزل ، وقاضب السيولة ما فرطت فيها ، ويوم شفت المؤشر قبل امس قرب على 21000 ، قلت ما يصير اقعد اتفرج ، واشتري في تبوك الزراعية وفي اللجين على 200 سهم ، ومع شراي ، بدأ الإنهيار ... وهذي ماهيب اول مره ، صرت عارف إني إذا شريت سينزل السوق ، واليوم طيرت باقي السيولة في سهيمات من شركات مختلفة .

كفاك الله كل ما يكدر الخاطر من الاسهم او غيرها
انا الحمد لله ما لي الا الفرجه والترحم على الي اشوف في بعض الناس

انزلت قصيده ساخره في الشعر المنقول لامرء القيس

[الطائر المهاجر]

اللي يتعامل مع الفلوس بوجه عام على انها غاية ، فهذا يحتاج لإعادة النظر.
هي وسيلة ، ومن اراد الدخول في السوق ، فإن لم تكن فلوسه زايده عن حاجته
فهذا مخطر . لكنها طريقة لزيادة الدخل لمواجهة متطلبات الحياة ، خاصة أذا
الإنسان عنده مسؤوليات والتزامات لأولاده وبناته ومن بالنسبة لهم يمثل
الدعم والسند ..

[نجم الإبداع]

ابو طله
تسلم على هالطله

حقيقه تحليل ساخر الى ابعد الحدود
وابو عبدالله ماقصر بالأضاءات


تحياتي واحترامي

[الغريب]

ابوطلة حياك على ها الطلة

ابو عبدالله كلام صحيح واما انا ضاق صدري صباح السبت عشانهم نفذو بعض الاوامر وبعضها مانفذوها

وفي العصر بعد مانفذو وربي نص ساعه وجاك السوق محول على راسه تقل الظاهر انهم يحتروني اشتري عشان السوق يتحرك بس لاتخاف ماني بايع لو ينزل المؤشر عند 4 نقاط صحيح كثير من المخططات اصبحت في علم المجهول وغلطتي ها المرة حطيت اللى قدامي و وراي

بقى عندى الف ريال هاذي الورقة الرابحه ابي اشتري بسطه عند باب الملك عبدالعزيز قدام الحرم وابيع حب

وربي وربك كريم

ابو عبدالله لاتحزن ان الله معنا

[الطائر المهاجر]

خل ثقتك بالله قوية ، السوق يبغى طول نفس وتعين خير مثل غيرك ، والحمد لله لاغداك فيها ولا عشاك
وراتبك ماشي ، وانت بصحة وعافية ، وغيرك راحت عليه ملايين ، ولكن هذا السوق ولا طار طير وارتفع إلا كما طار وقع ، وما وقع طير إلا وارتفع ... بس لايتلقفه ثعلب ياكله ..

[ابو زياد]

ابوطله تسلم على هاللذعة
اللي اسواء من حظكم انت يابو عبدالله وغريب الاه
واحد من الشباب ما طلب محفظة في سامبا الا السبت وسالني قبلها بيوم
قلت له ما يفعلونها لك الا بعد ثلاث ايام وما صبر اتصل عليهم بالتلفون وحول فيها خمسين الف وسأل الموظف وقاله
ما تشتغل الا يوم الاثنين الرجال من لقافته راح يجرب ومشت معه وشرا بالنسبه فوق يوم فتح جهازه العصر لقى انه
طايح نسبه تحت يعني 10% في زمن ال5%
الله يعوض الجميع

[ابو زياد]

ياخي انا مادري شكلهم يبي يصححون انكانه تصحيح لين نسقط كلنا
ولين تخلص نقاط السوق