موقف وقصيده

[مسلم عواد العميري]

هذه قصه وابيات حدثت معي عندما كنت اعمل
في احد منافذ المملكه في استقبال الحجاج في اماكن خصصت
لاستقبالهم عندما وصلت احدى قوافل الحجيج وكانت من الجنسيه
المصريه حيث شاءت ارادة الله ان تقع امراءه وهي في طريقها الى
مطبقات النساء ليكون اخر ساعه في حياتها وكان معها طفل يبلغ من
العمر حوالي 3سنوات تقريباً وكان المشهد امام اعيني وسبحان الله
كأن الطفل شعر بموت امه فاصبح يبكي ويقول ماما ....عندها تذكر ت ماحل
بهذا الطفل وماعاشته ايضاً من معاناة الفراق للاهل والاحبه فقلت هذه القصيده

يكفيك ياطفـلاً دموعـك سكيبـا=جرحت قلبٍ بالمعاليق مضهـود
ارجوك لاتجـر البكـا والنحيبـا=ارجوك لاتذكرني ايامي السـود
تبكي على امك جريحـاً عطيبـا=ماتدري اني قبلك ابكي مع النـود
كنك جريح من الليالـي صويبـا=انا حزين وعلتي مالهـا حـدود
عالجت جرح القلب وعى يطيبـا=ومن الجروح الخافيه سرت مهدود
توي صغير ولابلغـت المشيبـا=والوقت خلى هامتي كني العـود
ابـوي قفـى واختفـى بالتريبـا=واخوي من بعده سكن قبر ملحود
يسألنـي اطفالـه وقلبـي كئيبـا=ياعم ابونا بالفضا مالـه وجـود
شياً يشق القلـب فعـلاً رهيبـا=واجابته صعبه على طفل مولـود
لاشك هذي اقدارنـا والنصيبـا=والموت حق وكلنا لقمـة الـدود
انااشهد فـراق الاحبـه صعيبـا=مثل الجمر بالكف والكف مردود
مافادني كثر البكـاء والصخيبـا=شكوى لغيـر الله مامنهـا فـود
عليه منـي مـن بعيـد وقريبـا=سلام لويُزرع طلـع نبتـه ورود
وذي قصتي ياطفـل لاتستريبـا=كلٍ يشوف المر ويذوقـه بـزود
كله من صروف الزمان العجيبـا=وحنا علينالصبر لو كان معقود

[مبروك بن ماضي]

الاخ الفاضل الشاعر / مسلم عواد العميري
قصيده في غاية الروعه
صح نبضك وبوحك الصادق
ولاعدمناك يابو عواد
تقبل تحياتي وتقديري ،

[نايف مقبول العمراني]

يكفيك ياطفـلاً دموعـك سكيبـا جرحت قلبٍ بالمعاليق مضهـود
ارجوك لاتجـر البكـا والنحيبـا ارجوك لاتذكرني ايامـي السـود

صــح لـسـانـك مليوووووون
{يابوعمر}

كعادتك لاتأتي الا بالاجمل
قصيده معبره تحكي قصه محزنه
وأجدت سرد قصتها لنا في قصيده جميله
والقصيد موقف

{تقبل مروري}

/تحياتي\

[دايود صالح الخلف]

مسلم عواد العميري

رحم الله تلك الأمرأهـ واسكنها فسيح وجناته
ورحم الله من فقدت واسكنهم فسيح جناته

صح لسانك يالغالي ولاهنت

[داعي الشوق]

صح لسانك يالشاعر مسلم

شاعر كبير و جزل

والقصيدة صورت الحدث المحزن

أبدعت يا مسلم

صح لسانك مدد بلا عدد

تحيتي لك مع التقدير

،،،،،،،،،،،،،،،،،،،،،،،،

[صعبة المنال]

سلمت يا مسلم وصح لسانك

صعووب

[الطائر المهاجر]

لو حزنا لو بكينا فالحزن ما فيه فاده=ما يعوّض من فقـدنا ولا يرّجعهم إلينـا
حكمة الله في كتابه قبلما يخلق عباده=لازمٍ نرضى المقدّر مهما شيئنا او أبينا
كلنا نولد فرادا نصرخ بلحظـة ولاده=وكلنا نرحـل احادا غيرنا يبكي علينـا

الله يغفر لمن توفي من اهلكم ويجبر عزاكم
ويغفر لوالدة ذلك الطفل ويتكفل به ويرعاه

احببت مشاركتك بأبيات من قصيدة لي في ديواني
صح لسانك
ولا هان راسك
تحياتي الطيبة

[نجم الإبداع]

الله الله يامسلم

صح لسانك وقلبك

مصافحه رائعه بفكرتها وشجونها

ابدعت ياشاعر

ولاهنت

تقبل مروري

وتقديري

[الطامي]

العميري
صح السانك
صورت الحادث وكأننا نراه بأم اعيينا لافض فوك
شكرا لك

[عذب القوافي]

الجزل / مسلم العميري

صح لسانك

نص وافي من وافي

تقديري ,,,,,,,