كل شعب له خصوصيه وشخصيه فريده

[الطائر المهاجر]

https://www.youtube.com/watch?v=ar6bBqSkEjE

كل شعب له خصوصيه وشخصيه فريده= بالتدين والتأمل والتعايش والسياسه
ماصلح للغرب مايصلح لمن عنده عقيده=تحكمه في كل درب ف العلاقه بين ناسه
قرر الإسلام بيعه تخدم اهدافٍ بعيده= لاختيار اللي يحكم الناس في عدل وكياسه
بينما ف الغرب واللي قلده فكره بليده= تخدع الجاهل يصوت للذي يجهل اساسه
بانتخاباتٍ تجاريه توصّل من تريده= شان يخدم اثرياء القوم في ذل وتياسه
دمية من خلفها روسٍ تحركها عتيده = ماتفكر ف الفقير ومن تعرى من لباسه
همها تمتص ثروات الشعوب ابلا نقيده= وتحكم العالم بقوة او بخبثٍ او نجاسه
واي شعب ما يطبق فكرها شاف النكيده= سلطوا اعلامهم ينقد لساسه وراسه
واول سلاحٍ يشيلوا حقوق انسان بمكيده= وهم يعانوا عنصريه واضحه لاهل الدراسه
والهدف احضار من يضمن لهم يدٍ مديده= لسرق ثروات أي ديره والقيام ابْها حراسه
حتى لو غيروا في خطهم بفكره جديده= ودفعوا باعداء امس لياصلوا قصر الرياسه
بعد ماهم روضوهم وافقروهم للحديده = وحاربوهم وسجنوهم وعيشوهم في تعاسه
بصموا بالعشر للخدمه بلا عقولٍ رشيده = والوطن باعوه في لحظات من اجل الوناسه
مدعين الدين صاروا للغرب انذل عبيده= نفذوا ما كان يبغي وابتدوا شغل النحاسه
وسرع ما انقلبوا عليهم بعد فتره لو زهيده= ورجعوهم للسجون فالهدف انتج غراسه
فتنةٍ كبرى ورفيق الأمس اصبح له ضديده= والقتل يمضي بشعبٍ احمقٍ مابه فراسه
ويستمر الغرب يبحث عن مصالحه العديده= يضرب الإسلام بالإسلام في خبث ونجاسه

[عبدالله الشويمان]

الله الله صح لسانك

قصيده طيبه من شاعر طيب

لا هنت لا هنت يابوعبدالله

[منيع]

جزاله وبعد نظر
شكرا لك
تحياتي

[عبدالله السويلم]

صح لسانك يابوعبدالله

لافض فوك

قصيده معبره وتحكي الواقع المر

والله يصلح احوال المسلمين
تحياتي لك

[داعي الشوق]

صح لسانك يا بو عبدالله

قصيدة في الصميم

صورت واقع محزن

و مستقبل ما يبشر بخير

لاهنت لاهنت و طاب حالك و صح لسانك مدد

[نجم الإبداع]

صح لسانك يادكتور ونظره ثاقبه للامور

لاهنت

[حي الضمير]

نطره ثاقبه من خبير
ومدد صح لسانك ياعلم
ابدعت لافض فوك

[الطامي]

الطائر
صح السانك ملايين
ابداع ومواكبة لما يدور حولنا
لاهنت

[بنت النور]

صح لسانك يا شاعرنا

يعطيك العافيه قصيدة في الصميم

لاهنت تحياتي

[ابراهيم غضيان الشراري]

الله الله الله يالطائر.

صح الله لسانك والله يعطيك العافية.

على هذه الرائعة.

تحياتي وتقديري.