العودة   منتديات الفطاحله > المنتديات التعليميه/يمنع الفيديو > اكاديمية الشعر النبطي

اكاديمية الشعر النبطي شعراء مبتدئين/دراسات وحوارات في الشعر النبطي

إضافة رد
 
أدوات الموضوع
قديم 13-01-2013, 12:30 AM   رقم المشاركة : 1
محمد مطر المطرفي
ضيف
 الصورة الرمزية محمد مطر المطرفي






معلومات إضافية
  النقاط : 10
  الحالة :محمد مطر المطرفي غير متواجد حالياً

 

Thumbs up فرخ (ن) وحش متميز (ن) بالنداره


هذي قصيدة عياده نومان الثابتي الشمري
وتليها ابيات كتبنها مجارتاً له .
ارجو ان تحوز على رضاكم
لا والله ألي قربـت طلعـت سهيـل = وفزه قلوب اهل الولـع والصقـاره
قفي سموم القيض واقبل رجى السيل = الله يعوضنـا المطـر عـن غبـاره
وشوف كن الجو بيـرد لجـا الليـل = وليا الضحى والجـو مابـه حـراره
ولقيت في بعض الغصـون البلابيـل = ندر عبور(ن) نازحـه عـن ديـاره
واشتقت للممشـى ومـد الدرابيـل = امـا يميـن المالحـه او يـسـاره
يعـل تسيقهـا الخيـال المقابـيـل = تسقي القاع الواطيـه مـع فقـاره
وعقب المحل تبقي فياضه تقل نيـل = ماينفـرق زرق الزهـور وخضـاره
دارن بها ذكـر الرجـال المشاكيـل = حقـه علـي لغيـر اجيلـه زيـاره
لو اترك اشغالي وبعض المحاصيـل = ويازيـن بنـي إخيامهـا بالزبـاره
وتنزيله العزبـه وصـف المعاميـل = والمشي مع خطلان الأيدي إتجـاره
ربعن نقو مابـه إعفـون ومهابيـل = وأرداهم أللـي مايهـاب الخسـاره
نبي على العـاده ضحـوك وتعاليـل = ونفرش ابسـاط الأحمـدي للعيـاره
ناخذ بها عن رجه المـدن تعسيـل = وحنـا بـدو يامهتويـن الحضـاره
وضحت معناها لبعـض الرجاجيـل = والحـر يفهـم مقصـدي بالاشـاره
هذا هواي وكل نفسـن لهـا ميـل = ولكل شخص (ن) راضي (ن) بختياره
تمت وصلـوا عـد وبـل الهماليـل = على الرسول ومن سكن فـي جـواره
وهذي مجاراتي لقصيده

يالله يالمعبود ياعادل الميل = ومحيي إعظام (ن) باليه بندثاره
تعينني يالله أنشد على إيل = وإختامها تصبح على قاف آره
ابوزياد القرم جتنى المراسيل = قافك جميل وحابكه بالشطاره
خذ جاك كل القاف مزح وتهاويل = وعلوم رجل (ن) مهتوي للصقاره
أثريك مثلي يوم أشكي البهاذيل = فرحان في نجم (ن) سطع في مساره
فرحان في نجم (ن)ويظهر بتأويل = كل البدو عرفوه وأهل الحضاره
هذاك يأهل العرف هو نجمة سهيل = يامهتوين الصيد هذي الإشاره
تبرد به الأجواء في تالي الليل = ووقت الضحى ياخوك مابه حراره
عياده يابن نومان ذيب الرجاجيل = قم ناخذ العزبه وننفض إغباره
انجهز العزبه وكل المعاميل = وتربيطنا للجيب مابه خساره
نشري شبكنا والشرك والمحابيل = وناخذ حمام (ن) مهتوي للطياره
نبي ديار الكيف دار المشاكيل = إما يمين المحاله آو يساره
دارن سقها الله من وافر السيل = يروي القاع اليابسه مع فقاره
ناخذ بها سجه ودوجه وتجويل = نبي طيور (ن) نادره أو إحباره
نمسح سهلها بعد الدرابيل = وإعيوننا تاخذ مع الجو غاره
ذكرتني ياخوك ذيك التعاليل = مع رجال (ن) معرفتهم إتجاره
فلاح ويا خليف ذربين بالحيل = وابو حمد لاهان كله نماره
لافي مع حماد وسعدون لاقيل = نعم (ن) به ونعمين هو ريف جاره
يازين جمعتنا لياجات بالليل = والأحمدي مفروش ضحك وعياره
وفنجال كايف وبهاره الهيل = من دلة (ن) صفرا على جال ناره
يالله منشي سحاب (ن) هماليل = يارازق (ن) داب عمى في مغاره
اسألك انا طير (ن) على الكف ماشيل = فرخ (ن) وحش متميز (ن) بالنداره
نادر ووافي كامل (ن) بالتماثيل = منشاه فارس ماكرن له وداره
تمت وصلوا عد ماحج من جيل = على النبي ومن يقتدي في أثآر

كلمات / محمد مطر هزاع المطرفي






توقيع محمد مطر المطرفي
 
آخر تعديل محمد مطر المطرفي يوم 13-01-2013 في 12:53 AM.
  رد مع اقتباس
قديم 26-12-2013, 03:04 AM   رقم المشاركة : 2
محمد مطر المطرفي
ضيف
 الصورة الرمزية محمد مطر المطرفي






معلومات إضافية
  النقاط : 10
  الحالة :محمد مطر المطرفي غير متواجد حالياً

 

افتراضي رد: فرخ (ن) وحش متميز (ن) بالنداره


وشرايكم يا خواني يهذه







توقيع محمد مطر المطرفي
 
رســـــ بدون لوحة ـــــام
  رد مع اقتباس
قديم 26-12-2013, 11:24 AM   رقم المشاركة : 3
الطامي
منصور المري/شاعر/نائب المشرف العام
 الصورة الرمزية الطامي





معلومات إضافية
  النقاط : 10
  الحالة : الطامي متواجد حالياً

 

افتراضي رد: فرخ (ن) وحش متميز (ن) بالنداره


لاباس بها جميعها
صح السانتكم







توقيع الطامي
 
ماتعودنا على خضع الجماهي=غير للي خالق انسه وجِنه
الفعول اخير من حكي الفكاهي=وكل رجال بفعله فاح بِنه
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 2 ( الأعضاء 0 والزوار 2)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
كشكول - الفطحول محمد بن عمار مملكتي الخاصة 60 12-01-2013 12:18 PM
نريد أبليس .. ولا أدريس ،،، عجائب الشعوب الطامي حوارات هادفة 25 10-01-2012 01:25 PM


الساعة الآن 12:33 AM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة