ياهلا بالفطاحل

[الطائر المهاجر]

ياهلا بالفطاحل من جميع القبايل = يا عيال الحمايل داركم وانهضوها
العواصف شديده لابروق وهمايل= والمساييل جفت كيف ما تقرضوها

[سناعيس]

يالمهلي هلا بك ياعريب السلايل=العلوم الوكيده سمها وانت أبوها
العواصف الى جت مالنا من عمايل=غير صبر جميل وغيرنا ماقووها

[الطائر المهاجر]

شدوا العزم ياربعي رجالٍ اصايل = نرفع العمد ماننشد عن اللي نسوها
صارت اليوم نجمه تنعرف بالفعايل= الضياء من سناكم والملا يعرفوها

[سناعيس]

الفطاحل يجونك من الحساء لين حايل=ومن السراة العذيه الرجل ماثنوها
أجتمع شمل ربع من كبار الحمايل= العلوم الرديه كلهم هملوها

[سناعيس]

	تأخرت كثير يابو عبدالله

[فارس القوافي]

ياسلام ياسلام


الله الله

واصلوا

وينك يبو عبد الله

[الطائر المهاجر]

قال وينك واقول العود في الدرب مايل = مثل هرش يجر الرجل ماعالجوها
ابتلش بالرسوم وصار للرسم مايل = بين فرشه وفرشه رسم ما تفهمومها