الموت حق وحزني تعطرو به

[نجم الإبداع]

مرحوم يالي مات في يوم الاثنين=في غرفته حتى هله مادرو به
ماقد شكى عله لبعض القريبين =والا يكون اهله لها سافرو به
لايافلاح وعمتي جرحها بين = جرح ودموع وحزن تروي غروبه
يابن سعيد الحزن بقلوبنا شين=والله ان فقدك زاد فكري هروبه
سميّي الي سيرته من رياحين = مثل العسل قوله والاحسان روبه
زينة شباب الدار عندي براهين =عزيز ماغير لوقته دروبه
خوي درب وبالمواقيف شاهين=من صغر سنه والشجاعه شروبه
مكتوب في عز الشباب انقضى الدين=قبل الذنوب الى المقابر سرو به
ان شاء الله انه في ثرى الجنه الحين=في جنة الفردوس يتسامرو به
ياروح ويلك لالتقى فيك جرحين= من فقد خلانك جوى شهرو به
الحمد لله والقدر فيه راضن =والموت حق وحزني تعطرو به

[منيع]

مرثية مؤثره
رحم الله الفقيد واسكنه الفسيح من جنته
تعازينا لكم وللاسرة الكريمه
تحياتي

[داعي الشوق]

صح لسانك يالشاعر فلاح

مع عميق حزننا لك

و دعواتنا بأن يرحم الفقيد

و الصبر الصبر يا فلاح

صح لسانك

مع التقدير

،،،،،،،،،،،،،،،،،،،

[عبدالعزيز العقيدي]

أخوي فلاح بن منشار

رحم الله مواتكم و
موتانا وموتى المسلمين
ربي يجعلها آخر الأحزان
ويلهمكم الصبر والسلوان

[ناصر عبيد الهواوي]

الاخ الغالي فلاح
احسن الله لكم العزاء واجزل الاجر والهم الصبر
انا لله وانا اليه راجعون
رحم الله من فقدتموه وجعله في موازين حسنات اهله
وعوضهم خيرا منه والحمد لله على كل حال

[الطائر المهاجر]

الله يغفر له ويرحمه ويتقبله في واسع رحمته
صح لسانك
ولا هان راسك
تحياتي

[نجم الإبداع]

الاخوه الكرام

جزاكم الله خير الجزاء

واسأله ان لايريكم مكروه في من يعز عليكم

والحمد لله على قضائه وقدره

لاعدمتكم

[الـزلـزال]

فلاح بن منشار
مرثيه مؤثره ومؤلمه
من شاعر ونجم رائع ومتميز في كل مايقدمه
رحم الله ميتكم وأسكنه فسيح جناته
وعظم الله اجركم
صح لسانك ملايين ملايين
ولك فائق تحياتي وتقديري

[همس الورد]

صح لساااااانك مليون

و صح بدنك

بوووووووح رائع

يسلموووووووووووا

[زهرة اللوتس]

مرثية مؤثره
رحم الله الفقيد واسكنه الفسيح من جنته
تعازينا لكم وللاسرة الكريمه
تحياتي

زهرة