أبوي .. عزّي .. تاج راسي

[عبدالله راشد الثويني]

السلام عليكم والرحمه


للتواصل قصيده متواضعه لعلها تنال القليل من اعجابكم

يحتار مثلي كيف يبدع قوافيه = لا شك واللي بذكره صعب(ن) أوفيـه
غالي وعندي غير كل الخلايق=كلـّـي انا ملكه ، وفدوت مواطيــه
أبوي ،، عزّي ،، تاج راسي .. عساني = أنول برّه كل الاوقات وارضيه
ولا جزاه ؟ أبطي وانا مالحقته = ياجعل ربّي بجنـّـة الخـُـلد يجزيه
الطيـّـب اللي كم تحمّل طيشي = لجلي يكنْ الضيق ، والوُد يبديه
بالطـِـيب كل من واجهه ... يشهد له=من حقي أفخر به ليا حـَـلْ طاريه
منـّـه تعلمت المراجل ولا زلت = أعدْ نفسي طالب(ن) بين أياديه
علمني آوزن كلمتي قبل أقولها = وآحشم لساني عن ردا الهرج وآنهيه
ولا اشتكي همّي سوا لخالق الكون= ولا البشر ؟ كلـّـن معه مايكفـّـيه
الناس لو بظهر لها كل خافـي = جرحي إذا مازادته ؟؟؟ ماتداويـه
واوصاني اتجنّب دروب المعاصي=في وقتنا اللي كاثراتن بلاويه
العمر يمضي والليالي قصيره = والرابح اللي مامشى في مشاهيه
ماقدّمت يمناك تلقاه باكـر = لو العمل مثقال ذرّه ... تلاقيــه
واوصاني اتخيـّـر من الناس صاحب=على الرذيله ماتقوده خطاويه
لان الردي لا بد شرّه ينولك = من عادته يجذب خـُـطا من يخاويه
واوصاني اكرم ضيفي اللي لفاني=أفز بقدومـه .. وآرحـّـب .. واحيـّيـه
الضيف له حق(ن) وواجب علينا =يجْهله من شوفه عن الطيب معميه
هذا وانا مازلت منه آتعلـّـم=وادعي له اللي كل مخلوق يرجيـه
بالصحْه إيمتـّـعه .. ويطول عمره = وبجنـّـته في ساعه الحشر يجزيـه

[نجم الإبداع]

الله الله

صح لسانك ياعبدالله

ونعم بك وبا ابوك

واكسبك الله رضاه ويستاهل الطيب

وهل اجمل من مدح الوالدين؟

شكرا لاتحافنا

لاهنت

تقبل مروري

وتقديري

[داعي الشوق]

صح لساانك يا بو راشد

قصيدة جزله و وافيه

ولاهنت يالشاعر

[حوريه]

الله يجـزا والديـنا الجنه
نص رائع وجـميل
لا فـض فـوك
تحيتي و ودي
0
0

[سعيد عوده الحويطي]

صح لسانك شاعرنا عبالله الثويني والنعم فيك وفي ابيك ونسال الله ان يرزقك البر به وان يكون راضيا عليك

أبدعت ياعبدالله وأبيات في قمة الروعه،رزقك الله بر والديك، وجمعك وإياهم في جناته ..

لافض فوك ويعطيك العافيه

تحياتي وتقديري

[سناعيس]

صح لسانك يالسمح
ورزقك الله بر والدك وأبقاه لك ذخرا
لاهنت يالغالي

تحياتي

[عبدالله الشويمان]

المشاركة الأصلية كتبت بواسطة عبدالله راشد الثويني

السلام عليكم والرحمه


للتواصل قصيده متواضعه لعلها تنال القليل من اعجابكم

يحتار مثلي كيف يبدع قوافيه = لا شك واللي بذكره صعب(ن) أوفيـه
غالي وعندي غير كل الخلايق=كلـّـي انا ملكه ، وفدوت مواطيــه
أبوي ،، عزّي ،، تاج راسي .. عساني = أنول برّه كل الاوقات وارضيه
ولا جزاه ؟ أبطي وانا مالحقته = ياجعل ربّي بجنـّـة الخـُـلد يجزيه
الطيـّـب اللي كم تحمّل طيشي = لجلي يكنْ الضيق ، والوُد يبديه
بالطـِـيب كل من واجهه ... يشهد له=من حقي أفخر به ليا حـَـلْ طاريه
منـّـه تعلمت المراجل ولا زلت = أعدْ نفسي طالب(ن) بين أياديه
علمني آوزن كلمتي قبل أقولها = وآحشم لساني عن ردا الهرج وآنهيه
ولا اشتكي همّي سوا لخالق الكون= ولا البشر ؟ كلـّـن معه مايكفـّـيه
الناس لو بظهر لها كل خافـي = جرحي إذا مازادته ؟؟؟ ماتداويـه
واوصاني اتجنّب دروب المعاصي=في وقتنا اللي كاثراتن بلاويه
العمر يمضي والليالي قصيره = والرابح اللي مامشى في مشاهيه
ماقدّمت يمناك تلقاه باكـر = لو العمل مثقال ذرّه ... تلاقيــه
واوصاني اتخيـّـر من الناس صاحب=على الرذيله ماتقوده خطاويه
لان الردي لا بد شرّه ينولك = من عادته يجذب خـُـطا من يخاويه
واوصاني اكرم ضيفي اللي لفاني=أفز بقدومـه .. وآرحـّـب .. واحيـّيـه
الضيف له حق(ن) وواجب علينا =يجْهله من شوفه عن الطيب معميه
هذا وانا مازلت منه آتعلـّـم=وادعي له اللي كل مخلوق يرجيـه
بالصحْه إيمتـّـعه .. ويطول عمره = وبجنـّـته في ساعه الحشر يجزيـه

صح السانك يا اخ عبدالله

نص جزل..كيف لا وهو يتحدث عن الوالدين..

دمت بخير ولا هنت

[عبدالله راشد الثويني]

صح بدنك اخوي الغالي نجم الابداع

ولا هنت على مرورك العطر وكلماتك الطيبه

تقبل تحيتي

[عبدالله راشد الثويني]

صح بدنك اخوي الغالي سعود ولا هنت على مرورك العطر

وتقبل تحيتي