بشرى ساره ساره ساره

[سناعيس]

أعلن خادم الحرمين الشريفين هذه الليله عن الصندوق الاستثماري للدوله
والذي سوف يكون لمتوسطي الدخل والأدنى من ذلك أي 500000 فما دون
وهذا الصندوق هو عبارة عن مساهمه لمدة سنتين مع ضمان رأس المال
بمعنى اذا لم تكسب فلن تخسر

هذا ماقله حرفيا هذه الليله
وقال أيضا أنا يهمني ذوي الدخل المحدود ولايهمني الهوامير

لله درك من ملك وأطال الله في عمرك
تحياتي

جزاه الله خير الجزاء وهناك خبر ثاني وهي زياده 10بالمئه سوف تضاف الى الراتب الاساسي لموظفين الدوله بدل سكن ....وهذا الخبر اكد لي من قبل مصدر موثوق بالدوله هذه الليله...

[أصالة تميم]

والله اخبار روعه


من أناس رائعين



من ملك أحن وأروع ملوك الأرض هذا أبو متعب


ولو نتكلم من اليوم لبكره ما وفيناه حقه الله يجزاه خير ويجعله في ميزان حسناته

الله ينصرك ياابو متعب اقسم باالله انك فى قلب كل سعودي شريف

[أم ريما]

مشكور اخوي سناعيس

وفعلا انا شفته يقول هالكلام الله يجزاه كل خيرررررررررر يارب

ويوفقه لعمل الخير

تحياتي لك

[الخنساء]

الله يطول عمره وينصر المظلومبن والفقراء
شكرا اخوي الشاعر سناعيس
علي الاخبار الساره الله يسعد قلبك
اجمل تحياتي

[الغريب]

مشكور اخ سناعيس على ها الخبر

والله يحفظ ابومتعب من كل شر

بس نبي نعرف اقل مبلغ كم؟

الله يجزاه كل خير


بس الصندوق هذا اللي فهمته انه لذوي الدخل المحدود..!

صح..؟


طيب اللي دخله محدود مايجي يوم 17 من الشهر الا ومخباته مايلقى فيها 200 ريال

وبعد ثلاثة ايام يتسلف من زميله 500 ريال لين يستلم الراتب


بالله عليكم اذا فتح هالصندوق اللي محطوط له .. من وين يجيب راس مال ويستثمره فيه..؟؟


يعني في نهاية الامر ماراح يستفيد هو منه .. واللي بيستفيد منه بسسسسسسس اللي عنده فلوس ان كانت خمس مية الف او اقل او اكثر

لذلك انا اشوف ان الصندوق هذا بيوسع الفجوه اكثر بين المقتدر وصاحب الدخل المحدود .. وبتكون النتيجة عكسية ولا تخدم ذوي الدخل المحدود اللي في الاساس انشئ هذا الصندوق لهم..!!


وعلشان يحقق ابو متعب الهدف اللي من شأنه امر بوضع مثل هالصندوق..!

ليته بعد يدعم الصندوق هذا بمبلغ يستفاد منه بمنح قروض لذوي الدخل المحدود معفيه من الفوائد تدخل في حساب المستثمر في الصندوق مباشرة وتسترد منه عن طريق الاقساط الشهرية ان كان بدفعها من قبل المستثمر او اقتطاعها من ارباحه في الصندوق

خصوصا ان المبلغ بكامله في حوزة الصندوق ولا يحق للمستثمر سحبه او التصرف به


وبالحل هذا يكون فعلا خدم ذوي الدخل المحدود واوجد لهم دخل مستقبلي سوف يعود عليهم بالفائدة بطريقة ميسرة وخالية من الشوائب.



ليت اذا فيه احد بيشوف الملك هاليومين يعطيه الرابط :d



================

[سناعيس]

يعني ظنك يالزعيم تلغى الفكره على شان تستفيد ؟؟؟؟

ياجماعة الخير .........................
ما جا في بالكم امر ......................
بالمعنى البسيط العامي ..........مو اذا حطيت فلوس وتجيك يا اكثر يا ما تقل .....معناه ربا ؟؟؟؟؟؟؟؟؟؟؟؟!!!!!