العودة   منتديات الفطاحله > المنتديات العامة/يمنع الفيديو > القبائل بلدانها وشعرائها

إضافة رد
 
أدوات الموضوع
قديم 18-01-2007, 04:17 AM   رقم المشاركة : 1
السهلي




معلومات إضافية
  النقاط :
  الحالة :

 

افتراضي شجرة قبيلة السهول








توقيع السهلي
 
  رد مع اقتباس
قديم 18-01-2007, 04:23 AM   رقم المشاركة : 2
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي


مشكور يالغالي
يبي لك تكمل جميلك وتكتب عن البلدان والشعراء وبالذات شعراء التراث
حتى نجمعها كلها في قسم خاص . وتفهرس مثل البقية . ليتعرف عليها
من لايعرفها.
تحياتي الطيبة







توقيع الطائر المهاجر
 
تفاعلك مع غيرك يشجعهم على التفاعل معك
  رد مع اقتباس
قديم 17-03-2007, 10:11 AM   رقم المشاركة : 3
ناصر السهلي
شاعر






معلومات إضافية
  النقاط : 10
  الحالة :ناصر السهلي غير متواجد حالياً

 

افتراضي قبيلة السهول : نسبها وفروعها واسرها


قبيلة السهول

هذه بعض المعلومات عنهم
هم ورثة بنى كلاب الان وتعتبر من القبائل التى ورد نسبها واضحا جليا لا لبس فيه
السهول:قبيلة عدنانية من بني عامر بن صعصعة.

فهم:بنوسهل بن أنس بن ربيعة بن كعب بن أبي بكر بن كلاب بن ربيعة بن عامر بن صعصعة بن معاوية بن بكر بن هوازن بن منصور بن خصفة بن قيس عيلان بن مضر بن نزار بن معد بن عدنان.

ذكرهم أبو علي الهجري (من علماء القرن الثالث الهجري ) في كتابه (التعليقات والنوادر) قال: "وسألت السهلي من بني أبي بكر بن كلاب ...".

وذكرهم ياقوت الحموي (من علماء القرنين السادس والسابع الهجريين) في كتابه ( معجم البلدان ) قال : " اخطب : اسم جبل بنجد لبني سهل بن أنس بن ربيعة بن كعب )

وذكر الزبيدي تسلل النسب ذاته في ( تاج العروس ).

وقال علامة الجزيرة حمد الجاسر : " السهول : من بني عامر بن صعصعة".

وقال الشيخ عبدالرحمن بن عبدالله التويجري في كتابه : ( تيسير العلام ببيان ما ورد في منتخب المغيري من الأوهام ) : " والذي ذكره كثير من علماء أهل النسب أن سبيعا والسهول متفرعين من بني عامر بن صعصعة".

قال أحد شعراء البرازات من السهول بعد معركة قديمة جرت بين قومه السهول وسبيع وبين شريف مكة.

حنا بني عامر هل الجود والصخا
سهول وسبعان تحوش الغنــــــــايم
حنا بني عامر إلى صاح صــايح
على الخيل عجلات تلادي الشكايم
تناخو بعامر واقتفى العج خيـلهم
وجمع المعادي راح منــــــــهم قسايم

وقال آخر :

انا من بني عامر لا عسكر الدخان
اليا حل عند الخيل سو البــــــلا فيها
لي لابة مرباعها يمه الصمان
سهول عشي الطير من جدع اياديها
مصاييفها في نجد والعرق والوديان
مع البل جنبها دايـــــم ماتخليــــــها

................اقسامهم ......................

تنقسم قبيلة السهول إلى عشرة بطون، تندرج تحتها فروع كثيرة وسنكتفي ها هنا بذكر البطون العشرة وفروعها الرئيسية فقط، وهاهي بحسب ترتيبها الألفبائي:

أولاً: البرازات: وينقسمون إلى قسمين هما :

1- آل راشد.
2- آل رشيد.

ثانياً: الزقاعين: وينقسمون إلى ستة أقسام:

1- آل رويضان.
2- آل ثنيان.
3- آل خضير.
4- آل دمخ.
5- آل شلهوب.
6- آل حمضان.

ثالثاً: الصعوب: وينقسمون إلى ثلاثة أقسام:

1- آل مدهش.
2- آل مفرح.
3- آل علي.

رابعاً: الظهران: وينقسمون إلى ثمانية أقسام:

1- آل معدل
2- الدخنة.
3- آل جفون.
4- آل زايد.
5- آل منيخر.
6- آل حمضة.
7- الفطامين.
8- آل عبود.

خامساً: آل عبيد: وينقسمون إلى قسمين:

1- آل قطيان.
2- آل جربوع.

سادساً: القبابنة: وينقسمون إلى أحد عشر قسماً هي:

1- الشخاتلة.
2- المحاركة.
3- السواقين.
4- آل غليظ.
5- الحوازمة.
6- آل جلال.
7- آل جريبة.
8- آل زيد.
9- العناقيد.


سابعاً: المحانية: وينقسمون إلى خمسة أقسام:

1- آل فضل.
2- آل فالح.
3- آل حمود.
4- آل فليح.
5- آل عريفج.

ثامناً: المحلف: وينقسمون إلى قسمين:

1- آل هويمل.
2- الرصعان.

تاسعاً: آل محيميد: وينقسمون إلى قسمين:

1- آل شعف.
2- المراطين.

عاشراً: آل منجل: وينقسمون إلى ثلاثة أقسام:

1- آل مفرج.
2- آل عليان.
3- آل الوعلة.

.............................. ..بعض من عوائل السهول الحاضرة ..................

- آل بداح : في رويضة العرض من الظهران من السهول.
- آل بعيجان : في الخرج والحوطة من البرازات من السهول.
- آل تركي : في رويضة العرض من الظهران من السهول.
- آل ثامر : في المحمل من المحلف من السهول .
- آل ثامر ( المحمل) : في عشيرة سدير من آل منجل من السهول.
- آل جاهل : في عنيزة من آل محيميد من السهول .
- آل جبر: في الخرج من المحلف من السهول .
- آل جدعة : في رويضة العرض من الظهران من السهول.
- آل جريبة : في حريملاء والحريق من البرازات من السهول .
- آل جلعود : في الرغبة من آل منجل من السهول .
- آل جليميد : في حوطة بني تميم من القبابنة من السهول .
- آل جليبين : في رويضة العرض من الظهران من السهول.
- الجهيمي : في الرياض من القبابنه السهول .
- آل حتيري : في رويضة العرض من الظهران من السهول.
- آل حجاب : في رويضة العرض من الظهران من السهول.
- آل حديد : في رويضة العرض من الظهران من السهول.
- آل حسن : في الدمام من القبابنة من السهول .
- آل حسين : في رويضة العرض من المحانية من السهول .
- آل حصان : في وادي الدواسر من آل محيميد من السهول .
- آل حضان : في رويضة العرض من الظهران من السهول .
- آل حمد : في ماوان من المحلف من السهول .
- آل حمود : في القويعية والرياض من آل منجل من السهول .
- آل حويل : في رويضة العرض من الظهران من السهول.
- آل خشقان : في رويضة العرض من الظهران من السهول.
- آل خطاف : في الصحنة من القبابنة من السهول .
- آل خنيفر : في رويضة العرض من الظهران من السهول.
- آل دابان : في حوطة بني تميم من القبابنة من السهول .
- آل دحملي : من رويضة العرض من الظهران من السهول.
- الدهام ( الهندي ) : في ثرمدا من المحلف من السهول.
- الدهلاوي : في ثرمدا من البرازات من السهول.
- الرافعي (الروافع): في مشاش السهول ونعام من آل محيميد من السهول .
- آل راشد (الكيخ) : في المراح بالأحساء والدمام والظهران من آل محيميد من السهول.
- آل رويغ(الروغة) : في حوطة بني تميم من القبابنة من السهول.
- آل ردن : في الإحساء من المحلف من السهول.
- آل رديني : في رويضة العرض من الظهران من السهول.
- آل رشدان : في سدوس من القبابنة من السهول.
- آل سعد البرازي : في الجبيلة من البرازات من السهول.
- آل سليم : في صياح بالرياض من القبابنة من السهول.
- آل السهلي : في الشماسية من آل محيميد من السهول.
- آل سويحل : في الكويت من البرازات من السهول.
- آل سيف : في رويضة العرض من الظهران من السهول.
- آل شداد : في سدوس من القبابنه من السهول.
- آل شديد : في الرياض من السهول.
- الشنيفي : في رويضة العرض من الظهران من السهول.
- الشيباني : في العمارية من آل محيميد من السهول.
- آل شينان : في رويضة العرض من الظهران من السهول.
- آل صديان : في الدمام من القبابنة من السهول.
- آل صقر : في ثرمداء والرياض من المحلف من السهول.
- آل ضبعان : من في حريملا من الظهران من السهول.
- آل ضويحي : في مرات من البرازات من السهول.
- آل ضويحي : في رويضة العرض من القبابنة من السهول.
- آل طحنون : في رويضة العرض من الظهران من السهول.
- آل عامر : في الأحساء من السهول.
- آل عامر : في الرغبة من آل محيميد من السهول.
- آل عبداللطيف : في الكويت من القبابنة من السهول.
- آل عجلان : في الرياض من المحلف من السهول.
- آل عجيم : في رويضة العرض من الظهران من السهول .
- آل عفيش : في رويضة العرض من الظهران من السهول.
- آل عمر : في حوطة بني تميم من القبابنة من السهول.
- آل عواد : في الشقيق بالأحساء من القبابنة من السهول.
- آل عوضة : في حوطة بني تميم من القبابنة من السهول.
- آل عون : في رويضة العرض من الظهران من السهول.
- آل عوين : في حوطة بني تميم والخرج من المحلف من السهول.
- آل عويني : في رويضة العرض من الظهران من السهول .
- آل غالي : في القويعية من البرازات من السهول.
- آل غشم : في الدرعية من البرازات من السهول.
- آل غفر : في رويضة العرض من الظهران من السهول.
- آل فاضل : في المزاحمية والرياض من البرازات من السهول.
- آل فراج : في نعام من البرازات من السهول.
- آل فراج : في حوطة بني تميم من القبابنة من السهول.
- آل فراج : في الرياض من الظهران من السهول.
- الفطيماني : في الرياض من الظهران من السهول.
- آل فلاح : في العمارية من آل محيميد من السهول.
- آل فوزان : في القويعية من البرازات من اسهول.
- آل فنيس : في رويضة العرض من الظهران من السهول.
- آل فيصل : في رويضة العرض من الظهران من السهول.
- آل قطيان : في رغبة من آل عبيد من السهول.
- القناعات : في القصب والكويت من القبابنة من السهول.
- آل قنيان : في الأحساء من السهول.
- آل ماضي : في رويضة العرض من الظهران من السهول.
- آل مبخوت : في رويضة العرض من الظهران من السهول.
- آل مجلي : في مرات وجلاجل من القبابنة من السهول.
- آل مخيزيم : في القرينة من المحلف من السهول.
- آل مدلول : في رغبة من آل محيميد من السهول.
- آل مرشد : في المراح بالأحساء من آل محيميد من السهول.
- آل مساعد : في حوطة بني تميم من القبابنة من السهول.
- آل مغضب : في أشيقر من آل عبيد من السهول.
- آل ملحم : في القويعية من المحلف من السهول.
- آل منصور : في ثرمدا من المحلف من السهول.
- آل منيعير : في رويضة العرض من الظهران من السهول.
- آل مهنا : في رويضة العرض من الظهران من السهول .
- آل ناهض : في الكويت من البرازات من السهول.
- آل نصار : في رويضة العرض من الظهران من السهول .
- آل نمشان : في الطائف من الظهران من السهول.
- آل نميان : في المزاحمية والرياض من البرازات من السهول.
- آل نواش : في رويضة العرض من الظهران من السهول.
- آل نويف : في الكويت من القبابنة من السهول .
- آل هاشل : في الدمام من القبابنة من السهول.
- آل هجرس : في القويعية من البرازات من السهول.
- آل هدبان : في رويضة العرض من الظهران من السهول .
- آل هديب في الأحساء من السهول.
- آل هديان : في البحرين من آل عبيد من السهول.
- آل هلال : في البحرين من المحلف من السهول .
- آل هويدي : في العمارية من المحلف من السهول.
- آل وسيعة : في رويضة العرض من البرازات من السهول.
- آل ونيان : في ثرمدا من المحلف من السهول.
- آل وهق : في رويضة العرض من الظهران من السهول.







توقيع ناصر السهلي
 
  رد مع اقتباس
قديم 17-03-2007, 11:55 AM   رقم المشاركة : 4
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد على: قبيلة السهول : نسبها وفروعها واسرها


مشكور اخي الكريم
على هذه المعلومات القيمة ، التي قد يبدو لي منها ان معظم العوائل
تسكن الحواضر وهم حضر ، وقد يلاحظ ذلك ايضا في القبائل العدنانية
بوجه عام ، بينما نلاحظ ان القبائل القحطانية لايزال اغلبها من الباديه
وهنا يطرأ على البال فكرة عاربة ومستعربة ، التي فسرت (حسب اطلاعي على بعض كتب التاريخ) بأن المقصود
بها ان العاربة هم العرب الأصليون والمستعربة هم في الأساس من غير العرب ، ولكن يبدو لي ان هذا تفسير غير صحيح ، فالأقرب والله أعلم ان العاربة المقصود بهم من لايزالون في البداوة ، بينما المستعربة هم من استقر وتوطن
وكون الحواضر وبدأ يتخلى عن البداوة وما تعنيه من تنقل وكثرة ترحال (والتي تفسر كلمة عاربه)
لاهنت
تحياتي الطيبة







توقيع الطائر المهاجر
 
تفاعلك مع غيرك يشجعهم على التفاعل معك
  رد مع اقتباس
قديم 08-04-2007, 10:24 PM   رقم المشاركة : 5
سعود النداح
شاعر
 الصورة الرمزية سعود النداح






معلومات إضافية
  النقاط : 10
  الحالة :سعود النداح غير متواجد حالياً

 

افتراضي رد على: قبيلة السهول : نسبها وفروعها واسرها


والله والنعم في قبيلة السهول


ننتظر المزيد يا الغالي


تحيتي







توقيع سعود النداح
 
  رد مع اقتباس
قديم 20-04-2007, 11:53 AM   رقم المشاركة : 6
ناصر السهلي
شاعر






معلومات إضافية
  النقاط : 10
  الحالة :ناصر السهلي غير متواجد حالياً

 

افتراضي رد على: قبيلة السهول : نسبها وفروعها واسرها


اقتباس:
المشاركة الأصلية كتبت بواسطة الطائر المهاجر
مشكور اخي الكريم
على هذه المعلومات القيمة ، التي قد يبدو لي منها ان معظم العوائل
تسكن الحواضر وهم حضر ، وقد يلاحظ ذلك ايضا في القبائل العدنانية
بوجه عام ، بينما نلاحظ ان القبائل القحطانية لايزال اغلبها من الباديه
وهنا يطرأ على البال فكرة عاربة ومستعربة ، التي فسرت (حسب اطلاعي على بعض كتب التاريخ) بأن المقصود
بها ان العاربة هم العرب الأصليون والمستعربة هم في الأساس من غير العرب ، ولكن يبدو لي ان هذا تفسير غير صحيح ، فالأقرب والله أعلم ان العاربة المقصود بهم من لايزالون في البداوة ، بينما المستعربة هم من استقر وتوطن
وكون الحواضر وبدأ يتخلى عن البداوة وما تعنيه من تنقل وكثرة ترحال (والتي تفسر كلمة عاربه)
لاهنت
تحياتي الطيبة

لاشكر على واجب ياطويل العمر


الاسر الي ذكرتها هي حسب اعتقادي المام الى حد 80% من اسر السهول المتحضره لذلك تعتقد ان السهول المتحضرين هم كثير والعكس صحيح هناك من السهول باديه الى وقتك الحاضر

اما بالنسبه للعرب العاربه والعرب المستعربه فهي مجالها وسيع والتحدث فيها يأخذ مأخذ كبير ووسيع


لكن المهم لنا هو نسب قبيلة السهول العدنانيه


شكراً لك على اتاحة الفرصه وان شاء الله في القريب سوف اورد ملحمة السهول للشاعر / خالد بن غنام السهلي


تحيتي




,,,






توقيع ناصر السهلي
 
  رد مع اقتباس
قديم 20-04-2007, 11:59 AM   رقم المشاركة : 7
ناصر السهلي
شاعر






معلومات إضافية
  النقاط : 10
  الحالة :ناصر السهلي غير متواجد حالياً

 

افتراضي رد على: قبيلة السهول : نسبها وفروعها واسرها


اقتباس:
المشاركة الأصلية كتبت بواسطة احاسيسي
والله والنعم في قبيلة السهول


ننتظر المزيد يا الغالي


تحيتي

ماعليك زود يالغالي



وابشر بالجديد



لاهنت على مرورك من هنا


الله يعطيك العافيه


تحيتي




,,,






توقيع ناصر السهلي
 
  رد مع اقتباس
قديم 20-04-2007, 02:49 PM   رقم المشاركة : 8
ناصر السهلي
شاعر






معلومات إضافية
  النقاط : 10
  الحالة :ناصر السهلي غير متواجد حالياً

 

افتراضي رد على: قبيلة السهول : نسبها وفروعها واسرها


ملحمة الشاعر الكبير / خالد بن غنام العبيدي السهلي



ملحمه عباره عن 300 بيت





حار القدم والدمع فاض وحار=من شوفتي بايد رسوم الدار
نصيتها من يوم قلت حيلتي= ذكرى وانا مالي سوى التذكار
نصيتها من يوم طالت غصتي= مع قصتي والصدر كله نار
ادور آثار تعفت وانتهت =لوكان مامقصودي الاثار
سرى عليها كل مزن مظلم=تلعب بروقه به يمين يسار
لامن نشا عقب العشا ثم احتشى =خير وغشى دار الغضي بامطار
ابدى الدفين اللي كنين من السنين=وصار طين ولاعليه غبار
متلزب والمزن فوقه مرزم =وليا برق يلمع على الاحجار
للرعد بين طبوق مزنه حنة=حنة خلوج فجّعت بحوار
واصبح برده من السحابة كنه =لول نثر من كيسة البحار
امست له الوديان ترمي بالزبد=تجري بماها كنه الانهار
ماتترك اللي في الطريق تمره = صارت بحور سفنها الاشجار
رزق ليا جا الوسم بكر جيته = سبعة عوام تنبت الاثمار
وان زل وقته كن ماشي حصل=ولا اخضرّ جانبها ولاش صار
بدّل براد الوقت قيظ لاهب=وعاصوف صيف يتبعه معصار
وناب الزمان اركى عليها حده = وامست محول يابسات قفار
صيف محيف جاير متمادي = فيه السراب يخادع الانظار
وعدت عليه الشمس لين اذابته = سبعة عوام قيضها صهّار
صدت عنه عيني بعد ما استنكرت =ماصار فيه وطال الاستنكار
عدت النظر فيها ولولا شامخ =في جالها لا اقفي وانا محتار
هلت عيوني دمعها ويحق لع=يوني على ماشافت التعبار
والدمع مارجع حبيب ولانفع = قبلي حد الايعمي الابصار
سد الهوى مابيني وبين العرب =وامسيت ازيد الونة بتزفار
باح الكنين وبحت باسم منتقش=على مقر الحب والاسرار
ياليت خل كل هذا لاجله=يدري بقلب فيه طار طيار
عيني تشوفه مير كفي قاصر=دونه ولو ماني قصير اشبار
ابغاه بالمعروف ما ابغى جبرته=لاخير في شي يجي باجبار
با اصبر بصبر ايوب لو حزني حزن= يعقوب وانا عادتي صبار
وان مت من غبني وقلة حيلتي =الارض تاسعني ولي قبار
مانيب بدعة كم قتل قبلي هوى= دعج العيون اهل وفا واخيار
راحت سوالفهم تدور مع العرب = وعلومهم مضرب مثل واشعار
واليوم انا ثامن سنة في علتي = يارب تستر وانته الستار
وامرّ ماشفته وذوقني العنا =ماشفت بالاعيان وانا مار
رسوم دار مابقى منها سوى=هاك الاثافي في مشب النار
زين الدلع ماهوب داري عني = وروحي تغرغر منه للمظهار
وان ماحصل لي في حياتي شوفته =ان مت كيف ادري عن الزوار
اول سنة ياقرد حظي فيها = ظنيت في حظي وحظي بار
وثاني سنة حاولت اعوض مامضى=وفات الذي بيدي نهار جهار
واصبحت في الباقي ما غير ازاور=دار الغضي وابكي على الاعمار
يامل قلب مابقلى من صبره= قطرة لكن همومه الابحار
عز الله اني ماصبرت مخير =غصب على الشارب بدون خيار
ياشيب عيني وين ابالقى خلي = ماعاد به شوفه ولامسيار
قالو رجب والا صفر حروتهم = وافنتني الارجاب والاصفار
عزالله اني يوم اطاوع نفسي = اني ركبت من الشقا حدبار
واجهت ماواجه من الغرب العرب= من ظلم واستعباد واستعمار
العين تسهر كلما التم الدجى= ولدمعها من موقها انتثار
والقلب من حبه وهمه كنه = يصلاه صالي لاهب الاكيار
ياعين كم لك عن هواك بعيدة = عناك كفّر باقي الاوزار
حتى حلوم الليل ماساعفتك = تطفي لهب نار لها سجّار
مستقبلي كنت احسب انه منور=واثره ظلام ماعليه انوار
من سبة الحب العفيف اصبح علي =حمل عنيف وفوقها قنطار
هل شوفة عقب البطا والا عطا=لو حلم ليل بطيفه المرار
هل شربة عقب الظما او طعم ما=لو مرّ يمكن تروي الامرار
سر ياقلم واكتب معاناة لجت= وسط الحشا ولها به استقرار
كم ذقت طعم الموت من سكراتها= بغت تجنني وازور شهار
وانا بعيد عن الجنون وعاقل=ومن عزوة فيها الكرم والكار
ربعي السهول اهل المكارم والثنا=بيض الوجيه اهل الوفا الابرار
من نسل عامر عامر بن صعصعة=عامر وللمجد الرضي عمار
سادة هوازن والكتب تشهد لنا = من قيس بن عيلان بن نزار
من روس عدنان وهم عيال النبي =ابراهيم نعم الجد والاطهار
عامر بوقت الجاهلية ذكره= دونه تقاصر باقي الاذكار
نسيبهم سيد البشر نعم النسي=ب ونعم ثم ونعم بالاصهار
خذ منهم اللي سميت بام المسا=كين الطهورة زينبِ باقرار
والثانية ميمونة الميمونة= الام خالة سيد الاحبار
هي خالة الحبر بن عباس الذي= مايبغضه كود اكفر الكفار
وحنا خوال بن الوليد الاول= راس الشجاعة فارس مغوار
ومنا لبيد الشاعر المخضرم= والنابغة عمالق الشعار
ومنا المحدث مسلم اللي يعرف = اللي خذت علمه هل الاقطار
صحيح مسلم كل مسلم يعرفه = اللي روى الحديث والاثار
-سادة هوازن فالزمان الاول= قبيلة تشهر كرمها اشهار
سبعة قبايل عامرية واكثر= ماحد يناطح جيشها الجرار
واذكارهم تملا الجزيرة كلها= وتمشي بطيب وعز فالاقطار
سبعة قبايل واكبر جموع العرب= جموعهم ماهم بخمس انفار
في الشعر وجزال الخطب والحرب واك= رام الضيوف ان حل كل صرار
بيوتهم وقت القسا ظليلة = يزبن على اهلها الضعيف الفارّ
فيها الحجا ركن حصين راسي = ماهي على ماقيل جرف هار
منا افرس الفرسان فارس قرزل = اللي على كبود العرب مسمار
وملاعب الاسنة اللي مشتهر = لاهاز قوم ولت الادبار
والاحوص وخالد مع عويمر عدي = ماهي سوالف كاذب مهذار
وبن الطفيل اللي يسمى عامر = ماله ضديد وفاللقا كرار
وعمر بن ود وقصته مشهورة = يكفي فخر شاهد له المختار
نبذة عن الفرسان ولو با اعدهم = شيبت قبل اصل عشر معشار
واشهر معاركهم على شعب جبلة = يوم العدو يفرض عليه حصار
يوم العرب من كل دار وديرة = جتها بزخرة جيشها الدفّار
والله نصرهم وانسحق عدوهم = واقفو لهم عقب الهدير جغار
سادة تميم مصفدة بقيودها = عنك انهم ما ارضتهم الاقدار
وفي رحرحان الموت طق خيامه = يوم به الفارس كما الجزار
وحنا غلبنا قريش مع كنانة = قد سميت في حربها الفجّار
وايام تذكر غيرها خذ منها = في يوم فيف الريح والنسار
ذكرت نبذة والمعارك واجد = ماتحتملها الكتب والاسطار
اجدادنا سادات سادات العرب = والكتب تروي عنهم الاخبار
وحنا بني سهل وحنا نسلهم = كل على نيل المكارم حارّ
يجري الكرم فعروقنا من طيبنا = ورث من الاجداد وكسب قارّ
ترثة سهل يالايمي في مدحهم = مانيب اطيع الحاسد الثرثار
احسد ولم ماحد يلد لك النظر = وان غرت كم قبلك حسود غار
والله لامدحهم واعد افعالهم = واللي يضيق يدور ادنى جدار
حنا السهول اللي تعرف علومنا = اهل البلاد البدو والحضار
حنا السهول اللي تزوم جموعنا = نكسر بها شوكة مغير غار
حنا السهول اللي حمينا دارنا = باعمارنا لو الزمن دوار
حنا السهول اللي ليا جتنا النذر = ندقم شباة الصارم البتار
حنا السهول اللي نعز ضيوفنا= على سمان الحيل للخطار
لاقامت ام الورع تبخل دونه = بالزاد قدمناه بالمعذار
حنا السهول اللي لنا بأمجادنا=وسلومنا وعلومنا منار
اللي يريد السلم نكرم لحيته = ماله يكود الطيب والوقار
واللي يريد الحرب نلعن كوثره = ماله يكود يداس بالبسطار
كم خفرة منا تشق ثيابها = ما ابقو لها حي يجيب الثار
ما اكثر علوم الحق لو اذكرها = ما احد حصاها والفعول كثار
ذباحة الترك اسمهم من فعلهم = في الترك في مجزل على الخبار
تاريخ نجد لبن بشر قد عدهم = تسعين فارس رورحو دمار
واللي بقا سالم عطا الخريمة = ودرى ان مابديارنا قرار
مقدين ياربعي بصهبان اللحى = اللي عفرتوها على العفار
الله يرحم من توفى منكم = واللي من الترك هلكو في النار
ويم العفيرة صار للترك رهجة = لكن حباريهم لقت حرار
لاشك دون الغيل غول حلوقهم = وزرق العيون يصيبهن صفار
لليوم خاشعة رسوم قبورهم = من جا حذفها حذفة الج
وعند العويند عاندو مير اعقبو= وارض العرب ماهي لهم عقار
ويوم على بنبان حشنا خيره =وشره بقا من قسمة الاشرار
وفي يوم حدبا قذلة لنا عز = غيب تحته الكوكب السيار
ويوم الحنية تعرف الدواسر =وش صاير فيها ووش ماصار
ويوم المحيجر يوم شبت ناره = ماعاد به مهرب ولامجحار
ويوم الدلم رف العلم باطرافه = وش قال فيه الشاعر البيطار
وعند البويبة مع بن لامي = وامير رخمانه لهم معثار
عقب اخذو من جنادرية ذودنا = لحقو الرجال بعجلة المثار
وفي يوم كنزان حضر في هوله = فرسان ميدان وحرار اوكار
وتشهد لنا الدوشان في فعل محلف = يوم احتمينا حسكة الاوبار
وفي روضة مهنا الخيول تعنا= والذل راس العار والشنار
والسر قدجينا عليه مع عنزة=والموت له مارد بلا مصدار
وعلى العويند قد تلاقينابهم = ولابنا ولابهم خوار
امسو وعلط رماحنا بجنوبهم = مثل القلم لاركز في الفرجار
وحنا حمينا زعب من دون الشريف = يطرد وراهم في رجا المهار
لين انثنى عقب الطماعة عايف = ويرصد طلايعنا مع الرادار
وش قال فيها ماجد القباني = يوم الحوافر تقدح الشرار
ويوم الرويضة ضالو ابنا زايد = مير احتمينا الذود والابار
ومطير جونا في الرويضة لكن = ماحصلو درهم ولادينار
وجونا بها العجمان لكن ردهم = ضرب تزلزل له جبل سنجار
ويوم على يام فرقنا جمعهم = في جنادرية والطوال قصار
سبعة بيارق برقها يعمي البصر = كالسيل لاروح بواد نمار
اقفو ولا احد عن خويه ينشد = يوم السبوق يبين فالمضمار
والخرج قد خذنا الفضول وجمعهم = فوقه ولاخفنا من الثوار
كم هية في الخرج حنا هلها = بقت لنا في الكتب والاسطار
وكم هية صارت على الحيسية = وكم من مناخ فوقها ومغار
وفي المستوي مايستوي فعل بلا = برهان واللولو من المحار
ورماح ردينا العدا عن ذودنا = فيها وقد جونا ثلاث امرار
والانجل اللي تعرف الناس امرها = امسى العدو فيها قصير هجار
وعروا نموت بها على الكرامة = ناطا المنايا ماندوس العار
والحرملية كم مناخ عدته = مناصرين مرة وانصار
وايضا حمينا يام دون بن سعود = بسيوفنا والمستجير مجار
وجينا على الحيسية بموقعة = قشرا بعد ماعمست الاشوار
وفي يوم ركبة هي وحزم الراقي= نفتك بالاعدا فتكة التتار
ويم الجمانية يورخ يومها = ضديدنا يرجع بصك اعسار
وفي هية الابيض على شمر لنا = ضرب يخلي خصمنا ينهار
ولنا مع العجمان في عرجه وعد = تممه من هو للكسر جبار
ويوم السماوة قد ذبحنا شيخهم = مطلق ولو مثله ماهوب يدار
ويوم الرضيمة كاشفين ضيمه= نشري الشقا لاغليت الاسعار
ويو السبية مايذكر زية = ننصى الحريب ونقطع المشوار
وعلى طلال لنا فعول تذكر= والحق مايستر عليه ستار
وسدير مع هلها نطيع قضاتنا = وقضاتنا الاسياف في المحضار
والوشم مثل الوشم فيه فعولنا = لو الزمن بعدين دار وجار
وجراب ماسيف بقا بجرابه = ياعنك ماغير الله القهار
ويوم القويعية تناغق بومه= لكن حشر منا العدا حشار
وفي وقعة الوفرا اشتركنا كلنا = ولابنا باير ولاجوار
ويوم الصبيحية بعدها صبحت = خيل العدا وامست على الزبار
وفي ملح ثار الملح والبارود به = فيها العدو علق على الشنكار
وفي هية الطبعة طعام الضبعة = تشبع بها عواية الاسحار
وفي وقعة المنسف مع بن تركي = على مطير ومن حضر مانار
وداورد ريح الموت فيها هبت = كل من النخوة تقل به زار
وفي يوم جودة فتنتة معهودة = والكل مهدر دم عربه اهدار
والمعتلى والبرة وفي الحرة = ماحد يرد بعيرنا الهدار
وشقرا لنا مع من سكنها قصة = ماسورتهم دوننا الاسوار
ويوم القطيف به اقتطفنا زمرة = زمرة ردا تمشي ورا زمار
وفي يوم جزعة يوم الانفس جزعة = جينا مع الفزعة ولانحتار
ويوم الصريف مصرفين خصمنا = كم حفرة وقع بها الحفار
وفي يوم ابوخيالة الخيالة = من فوق قحص مهارها الضمّار
وفي يوم جثجاثية لنا وقعة =تسوجر ابواب الرد سوجار
وبن رشيد اللي تهيل جموعه = ماله علينا ميل مهما صار
ولنا معه يوم دهنا مايجهل = وبيوم بنبان بنصر سارّ
وفي وقعة الرمحية المشهورة = تسعر بها النار ونزيد سعار
وفي وقعة عنيزة ذكرنا ميزة = مانجضر ولانرحم الجضار
والبدع ماهو بدعة من فعلنا = يوم اغتشى لون السما حمار
ويوم طرفية كم تركنا فيّة = وطرباتنا شوف الخيول تكارّ
وقدام فيها فعولنا القدايم = يضيع في جرح العدا المسبار
يوم الطريح يصيح ما احد شاله = ولا على جرحه يحط غيار
ويوم تربة تربت وجيه اضدادنا = نملى من جثثهم خبب وجفار
ويوم سبلة ما ادراك مايوم سبلة = ذكره وصل بغداد والانبار
لنا بها فعل مسجل بالكتب = ماهي علوم مقلب الاطوار
وايضا على القاعية لنا ضرب = ضيق على الي هجو المعبار
وام رضمة فيها ويم الشوكي = ليت العدو من دونها استخار
وفي روضة المذبح على الدعجاني =يوم احتمينا حقنا نهار
وعيدة حضرنا العيد والعيدية = كسر الدويش وقطفة النوار
والخفس ومبايض يقول الشاعر = منها يكفي عجة وقتار
وفي جولبن وايا سلام جينا = بكل غمر خايض الغمار
والحرملية والحفر مكرورة = يوم المعاند جا يطق الطار
غير البكيرية وغير عشيرة= ماننثني لمجامل الغدار
افعالنا مذكورة مشهورة = ما انّا برجوى مدحة العهّار
في نجد عشر قرون او زيادة = راضين في صفوه وفي الاكدار
نضرب بحد السيف وندوس الخطر = لنا النصر ولضدنا الثبار
يوم لنا ويوم علينا مابه = للناس حقران ولا استكبار
صوارم سيوف لها بايماننا = صوم على روس العدا وافطار
تشفع بهم مرٍّ ومرٍّ موترة=والموت بين الشفع والأوتار
متكاتفين تحت راي واحد = ولاتغير وحدة المسار
يوم الخبول اية خبل يخلفهم = كالسوس في غصون الشجر نخّار
ومن اوسط الصمان حتى العارض = والغيل وماحوله خلا وديار
وفي غيرها والموت دون ديرنا = من دونها كل الكبار صغار
ليا كشف برق تبعنا نوره = ببكارنا نرعى بها المخضار
نرعى الخطر وسيوفنا مسلولة =واذوادنا مخضرّة الازوار
مخضبين سيوفنا من ضربنا = في ضدنا وبكل ثقة واصرار
مانخشر ولانختشر في ديرنا=حيث الدير ماتقبل المخشار
واعدادنا عشرة فخوذ وافية = المجد فيها والكرم شعار
عيال شماس مع المشاعبة = جبال نارية ماهي فخّار
والاد شماس يعدون اربعة = من طيبهم تستنشق الازهار
منهم دوى المغلوث برازية = عليهم بكل المديح يشار
ومنهم الظهران يامااطيبهم = لضد العدا والضيف والقصّار
والاد قبان مقابيس الوغى = وان ثارت البندق بغير عيار
والا محلف وقت التلف جزامة = ماتنفهق لاجا الفشق مدرار
واما بني مشعب فست فخوذهم = من شافهم مع كل فج ذار
ربع بن جلعود الكرام اهل الثنا = وجيههم بيض كما الاقمار
بالعز يحمون الدبايل وان لجا = مضهود قامو معه ماش اعذار
ومناجلة ماحد وصل ميصالهم = مزبان من حده زمنه وجار
ومنهم محانية بعاد عن الردا = من ضربهم عظم الخصيم كسار
ولاد العبيدي ماتمل ضيوفها = وسيوفها بالدم لهن قطار
وصعوب اكرام وريف لضيفهم = كنه فابا الخصيب والعشّار
ومنهم زقاعين لهم كل الثنا=ولمن حربهم جمعهم دحّار
ومنا من الفرسان اعاجيب العرب= لاردو الهارب عن الفرار
منهم خزيم ولد لحيان الذي = مضرابه بخصمه على الفقار
فرس عمير الطيبة قلعها = وحسبت على عسّافها مخسار
يشهد على ماقوله بن هادي = شيخ قحطان وطيب الميكار
يقول له حولت عنها راضي = ماعاد تلحق فاتك القطار
وعرهان بن باتل كعام العايل= تخاف من سيفه هل الاغوار
والاخر مهنا ولا احد يجهله = زبن الضعيف الخايف المذعار
وعلي بن جودة من بيجحد جوده = وفعله لاحزّ المعصم السوار
واذكر جليدان وكلام حوله = وصفه بن رشيد بافتخار
وعثفر بن رويضان وايا شايع = لاساقو العدوان سوق عشار
وعلي بن طريخم وذعذاع اللي = من هازهم في حكم الانتحار
وشعف ولد سجوان وبن معدل = فرسان وابطال مضو بادوار
ورغوان ومشنان لهم هيباتهم =لامنهم ركبو على الاكوار
وحقلان ال عريج وبن السودا = على مداغيش العيال جسار
وهباس ولد عبيد وهادي بن ثقل = نطاحة الغارت باقتدار
وشري وبن زليغيف وبن دويحس = حريبهم ماحوله انتصار
وضويحي بن خزيم ولايجهل = لاجا المجوخ كن فيه سكار
وانا لو ابا اعدهم ما ابدهم = لكن غيض من بحور غزار
ومنا منادي بالعشا لضيوفه = يقدم الترحيب بابتدار
سلطان بن ذيب الذي نفخر = يشهد له التاريح فالاسطار
ومعشي العوشق بطيبه مثله = طيبه ومثله مايبي اختبار
مجلس كريم الاصل زين السيرة=ماهوب يخلى دلة ووجار
والشيخ بن جلعود مكرم ضيفه = في ضفه لمن جاه رزق دارّ
والشيخ بن ريحان وبن قعية = ماهم بنخل يابس الجمّار
حنا السهول ولاجهلنا جاهل = واقول مايشوي الصقر صقار
حنا هل الطالات غصب بلا رضى= لاشبهرت عدواننا شبهار
اضدادنا مايمرحون بعافية = والضيف له دلة كرم وبهار
هذا بعض بعض مزايا ربعي= ولو باستمر أتعبت الاستمرار
اقولها واللي رضا فله الرضى = وحتيش لو اللاش دمه فار
ماقلتها ابغى من وراها حاجة = مانيب من عبادة الدولار
ولا اقبل عليها نقدة من هافي =وانا علي ماتلعب الشطار
يفرح بمدح الطيبين الطيب = والشعر حر ولابه احتكار
ويضيق من مدح القروم اهل الردا = واهل الحسد حلابة الابقار
ترى ضعيف النفس يترك دينه = ويعوشر مع الرافضة عوشار
رايه مصادر كل يوم بشلة = غصنه ضعيف مع الهوى مهصار
متلوث من كل علم وعالم = عود سوات كناسة العطار
يالابتي هذي حميا دونكم = من حبكم قلبي على مجمار
نظمتها فيكم بيوت جزلة = تفيض عفوية بلا استحضار
ترمي جواهرها من كنوز الحشا = بذل ما ادور خلفه استثمار
مدحي لربعي طيب ماهو مصلحة = واللي يشكك به تراه حمار
لايحسب اني مثل منهو خابر = ماني كما الطرطور والطرار
اللي يلاحظ نقص لايبخل به= ويقدم الملحوظ باستفسار
صح بدنك ياللي تصح لساني = وياحاسدي خلك ورا المقطار
مالك علي فضل ولالك منة = خذها على ماقيل باختصار
ما احد يرد الشمس دون شروقها = لوبعدها عن يده خمس امتار
بعض العرب خيره يروح لغيره = مخلوعة يادرفة النجار
وماني من اللي يمغطون حلوقهم = ما من فعول وبالحكي تجار
عاشو على ذم الرجال الوافية = لو انهم على الشمال اصفار
ولايجحد الوافي يكود الهافي = يوم انه انجس واخبث من الفار
ماعشت في الدنيا من اطراف العرب = مثل البليد الهابي المفغار
شاعر واعرف العلم واحمى ماقفي = مانيب اضيرها لغير ضيار
واللي يبي سوق الاوادم كلهم = يطر جيبه من زمانه طارّ
ومنهو تقدم ماتندم لكن = يصبر على سقي الثرى البذار
راع الحسد لاشك ماطاوعته = ومن الذرور بحجر عينه ذارّ
لمن حربني حربة في نحره = وانا لمن هو برّ فيني بارّ
قال المثل ياللي تعرفون المثل =ان كنت ريح فواجهك معصار
اللاش لاندي ولاهو همي = ماله مخاليب ولاش اظفار
ولايستوي قصر عزاز حصونه = مع بيت من الطين سقفه خارّ
ولايستوي بالخايبين الطيب = والله ولا المسجد سوات البار
ويانار ياللي ساقني سناها = وانا لحالي مذهب ودوّار
امشي وانا حافي على رجلي لها = للي على جمر السمر سمّار
القا عليك العلم والا اولّي = والنار تصلى الضامر المحشار
عن صاحب كن القمر في جبهته = او لبته لافتح عنها زرار
والا العيون الواسعة في وصفها = ماللشعر قدرة ولامقدار
تشوف ظل رموشها في عيونها = وحجاجها من فوقها مندار
كن المياسم في الفواد تبرّد =لاحمّيت في نار بن عمار
قضّت ظلام الليل فوق متونها = واصبح على رجلي سببها حيار
لاوالله الا راح عمري حظها = واثر الذي ماهوب ينفع ضارّ
رحنا سبايب نجلها في رجلها = والقلب كنه مطلي بالقار
طوعت عاصي القاف لاجل عيونها = وقضيت كل العمر في انتظار
هذي نهاية قصتي مع غصتي = راحت حياتي في هدم واعمار
يالابتي لاتذخرون الفزعة = وانا بكم مستبشر استبشار
تمت وصلى الله على محمد= عداد ماهلت من الامطار
وعداد ما ارمشت العيون وما خفقت =كل القلوب وغنت الاطيار
والناس تدري ماش به طيارة = تقطع محيط ولابها طيار
الاولة والثانية مني لهم =والاولة هي عندي المعيار
والذيب يدري مايغره علمي= من غيره اللي لا اهتوى صخار
والخير في الثنتين والله الولي= ختمت بليل والنجوم ازهار
ولاتلومون الفجيع ان غنى= من شوفته بايد رسوم الدار






توقيع ناصر السهلي
 
  رد مع اقتباس
قديم 20-04-2007, 02:58 PM   رقم المشاركة : 9
ناصر السهلي
شاعر






معلومات إضافية
  النقاط : 10
  الحالة :ناصر السهلي غير متواجد حالياً

 

افتراضي رد على: قبيلة السهول


لعل هذا الرابط يفي بالغرض



http://www.fatahilah.com/showthread....499#post232499







توقيع ناصر السهلي
 
  رد مع اقتباس
قديم 13-07-2007, 04:47 PM   رقم المشاركة : 10
ناصر السهلي
شاعر






معلومات إضافية
  النقاط : 10
  الحالة :ناصر السهلي غير متواجد حالياً

 

افتراضي ملحمة قبيلة السهول ((( 300 بيت ))) للشاعر خالد السهلي


السلام عليكم ورحمة الله وبركاته



أنقل لكم إخواني وأخواتي هذي الملحمه للشاعر / خالد بن غنام السهلي


وهي 300 بيت




حار القدم والدمع فاض وحار=من شوفتي بايد رسوم الدار
نصيتها من يوم قلت حيلتي= ذكرى وانا مالي سوى التذكار
نصيتها من يوم طالت غصتي= مع قصتي والصدر كله نار
ادور آثار تعفت وانتهت =لوكان مامقصودي الاثار
سرى عليها كل مزن مظلم=تلعب بروقه به يمين يسار
لامن نشا عقب العشا ثم احتشى =خير وغشى دار الغضي بامطار
ابدى الدفين اللي كنين من السنين=وصار طين ولاعليه غبار
متلزب والمزن فوقه مرزم =وليا برق يلمع على الاحجار
للرعد بين طبوق مزنه حنة=حنة خلوج فجّعت بحوار
واصبح برده من السحابة كنه =لول نثر من كيسة البحار
امست له الوديان ترمي بالزبد=تجري بماها كنه الانهار
ماتترك اللي في الطريق تمره = صارت بحور سفنها الاشجار
رزق ليا جا الوسم بكر جيته = سبعة عوام تنبت الاثمار
وان زل وقته كن ماشي حصل=ولا اخضرّ جانبها ولاش صار
بدّل براد الوقت قيظ لاهب=وعاصوف صيف يتبعه معصار
وناب الزمان اركى عليها حده = وامست محول يابسات قفار
صيف محيف جاير متمادي = فيه السراب يخادع الانظار
وعدت عليه الشمس لين اذابته = سبعة عوام قيضها صهّار
صدت عنه عيني بعد ما استنكرت =ماصار فيه وطال الاستنكار
عدت النظر فيها ولولا شامخ =في جالها لا اقفي وانا محتار
هلت عيوني دمعها ويحق لع=يوني على ماشافت التعبار
والدمع مارجع حبيب ولانفع = قبلي حد الايعمي الابصار
سد الهوى مابيني وبين العرب =وامسيت ازيد الونة بتزفار
باح الكنين وبحت باسم منتقش=على مقر الحب والاسرار
ياليت خل كل هذا لاجله=يدري بقلب فيه طار طيار
عيني تشوفه مير كفي قاصر=دونه ولو ماني قصير اشبار
ابغاه بالمعروف ما ابغى جبرته=لاخير في شي يجي باجبار
با اصبر بصبر ايوب لو حزني حزن= يعقوب وانا عادتي صبار
وان مت من غبني وقلة حيلتي =الارض تاسعني ولي قبار
مانيب بدعة كم قتل قبلي هوى= دعج العيون اهل وفا واخيار
راحت سوالفهم تدور مع العرب = وعلومهم مضرب مثل واشعار
واليوم انا ثامن سنة في علتي = يارب تستر وانته الستار
وامرّ ماشفته وذوقني العنا =ماشفت بالاعيان وانا مار
رسوم دار مابقى منها سوى=هاك الاثافي في مشب النار
زين الدلع ماهوب داري عني = وروحي تغرغر منه للمظهار
وان ماحصل لي في حياتي شوفته =ان مت كيف ادري عن الزوار
اول سنة ياقرد حظي فيها = ظنيت في حظي وحظي بار
وثاني سنة حاولت اعوض مامضى=وفات الذي بيدي نهار جهار
واصبحت في الباقي ما غير ازاور=دار الغضي وابكي على الاعمار
يامل قلب مابقلى من صبره= قطرة لكن همومه الابحار
عز الله اني ماصبرت مخير =غصب على الشارب بدون خيار
ياشيب عيني وين ابالقى خلي = ماعاد به شوفه ولامسيار
قالو رجب والا صفر حروتهم = وافنتني الارجاب والاصفار
عزالله اني يوم اطاوع نفسي = اني ركبت من الشقا حدبار
واجهت ماواجه من الغرب العرب= من ظلم واستعباد واستعمار
العين تسهر كلما التم الدجى= ولدمعها من موقها انتثار
والقلب من حبه وهمه كنه = يصلاه صالي لاهب الاكيار
ياعين كم لك عن هواك بعيدة = عناك كفّر باقي الاوزار
حتى حلوم الليل ماساعفتك = تطفي لهب نار لها سجّار
مستقبلي كنت احسب انه منور=واثره ظلام ماعليه انوار
من سبة الحب العفيف اصبح علي =حمل عنيف وفوقها قنطار
هل شوفة عقب البطا والا عطا=لو حلم ليل بطيفه المرار
هل شربة عقب الظما او طعم ما=لو مرّ يمكن تروي الامرار
سر ياقلم واكتب معاناة لجت= وسط الحشا ولها به استقرار
كم ذقت طعم الموت من سكراتها= بغت تجنني وازور شهار
وانا بعيد عن الجنون وعاقل=ومن عزوة فيها الكرم والكار
ربعي السهول اهل المكارم والثنا=بيض الوجيه اهل الوفا الابرار
من نسل عامر عامر بن صعصعة=عامر وللمجد الرضي عمار
سادة هوازن والكتب تشهد لنا = من قيس بن عيلان بن نزار
من روس عدنان وهم عيال النبي =ابراهيم نعم الجد والاطهار
عامر بوقت الجاهلية ذكره= دونه تقاصر باقي الاذكار
نسيبهم سيد البشر نعم النسي=ب ونعم ثم ونعم بالاصهار
خذ منهم اللي سميت بام المسا=كين الطهورة زينبِ باقرار
والثانية ميمونة الميمونة= الام خالة سيد الاحبار
هي خالة الحبر بن عباس الذي= مايبغضه كود اكفر الكفار
وحنا خوال بن الوليد الاول= راس الشجاعة فارس مغوار
ومنا لبيد الشاعر المخضرم= والنابغة عمالق الشعار
ومنا المحدث مسلم اللي يعرف = اللي خذت علمه هل الاقطار
صحيح مسلم كل مسلم يعرفه = اللي روى الحديث والاثار
-سادة هوازن فالزمان الاول= قبيلة تشهر كرمها اشهار
سبعة قبايل عامرية واكثر= ماحد يناطح جيشها الجرار
واذكارهم تملا الجزيرة كلها= وتمشي بطيب وعز فالاقطار
سبعة قبايل واكبر جموع العرب= جموعهم ماهم بخمس انفار
في الشعر وجزال الخطب والحرب واك= رام الضيوف ان حل كل صرار
بيوتهم وقت القسا ظليلة = يزبن على اهلها الضعيف الفارّ
فيها الحجا ركن حصين راسي = ماهي على ماقيل جرف هار
منا افرس الفرسان فارس قرزل = اللي على كبود العرب مسمار
وملاعب الاسنة اللي مشتهر = لاهاز قوم ولت الادبار
والاحوص وخالد مع عويمر عدي = ماهي سوالف كاذب مهذار
وبن الطفيل اللي يسمى عامر = ماله ضديد وفاللقا كرار
وعمر بن ود وقصته مشهورة = يكفي فخر شاهد له المختار
نبذة عن الفرسان ولو با اعدهم = شيبت قبل اصل عشر معشار
واشهر معاركهم على شعب جبلة = يوم العدو يفرض عليه حصار
يوم العرب من كل دار وديرة = جتها بزخرة جيشها الدفّار
والله نصرهم وانسحق عدوهم = واقفو لهم عقب الهدير جغار
سادة تميم مصفدة بقيودها = عنك انهم ما ارضتهم الاقدار
وفي رحرحان الموت طق خيامه = يوم به الفارس كما الجزار
وحنا غلبنا قريش مع كنانة = قد سميت في حربها الفجّار
وايام تذكر غيرها خذ منها = في يوم فيف الريح والنسار
ذكرت نبذة والمعارك واجد = ماتحتملها الكتب والاسطار
اجدادنا سادات سادات العرب = والكتب تروي عنهم الاخبار
وحنا بني سهل وحنا نسلهم = كل على نيل المكارم حارّ
يجري الكرم فعروقنا من طيبنا = ورث من الاجداد وكسب قارّ
ترثة سهل يالايمي في مدحهم = مانيب اطيع الحاسد الثرثار
احسد ولم ماحد يلد لك النظر = وان غرت كم قبلك حسود غار
والله لامدحهم واعد افعالهم = واللي يضيق يدور ادنى جدار
حنا السهول اللي تعرف علومنا = اهل البلاد البدو والحضار
حنا السهول اللي تزوم جموعنا = نكسر بها شوكة مغير غار
حنا السهول اللي حمينا دارنا = باعمارنا لو الزمن دوار
حنا السهول اللي ليا جتنا النذر = ندقم شباة الصارم البتار
حنا السهول اللي نعز ضيوفنا= على سمان الحيل للخطار
لاقامت ام الورع تبخل دونه = بالزاد قدمناه بالمعذار
حنا السهول اللي لنا بأمجادنا=وسلومنا وعلومنا منار
اللي يريد السلم نكرم لحيته = ماله يكود الطيب والوقار
واللي يريد الحرب نلعن كوثره = ماله يكود يداس بالبسطار
كم خفرة منا تشق ثيابها = ما ابقو لها حي يجيب الثار
ما اكثر علوم الحق لو اذكرها = ما احد حصاها والفعول كثار
ذباحة الترك اسمهم من فعلهم = في الترك في مجزل على الخبار
تاريخ نجد لبن بشر قد عدهم = تسعين فارس رورحو دمار
واللي بقا سالم عطا الخريمة = ودرى ان مابديارنا قرار
مقدين ياربعي بصهبان اللحى = اللي عفرتوها على العفار
الله يرحم من توفى منكم = واللي من الترك هلكو في النار
ويم العفيرة صار للترك رهجة = لكن حباريهم لقت حرار
لاشك دون الغيل غول حلوقهم = وزرق العيون يصيبهن صفار
لليوم خاشعة رسوم قبورهم = من جا حذفها حذفة الج
وعند العويند عاندو مير اعقبو= وارض العرب ماهي لهم عقار
ويوم على بنبان حشنا خيره =وشره بقا من قسمة الاشرار
وفي يوم حدبا قذلة لنا عز = غيب تحته الكوكب السيار
ويوم الحنية تعرف الدواسر =وش صاير فيها ووش ماصار
ويوم المحيجر يوم شبت ناره = ماعاد به مهرب ولامجحار
ويوم الدلم رف العلم باطرافه = وش قال فيه الشاعر البيطار
وعند البويبة مع بن لامي = وامير رخمانه لهم معثار
عقب اخذو من جنادرية ذودنا = لحقو الرجال بعجلة المثار
وفي يوم كنزان حضر في هوله = فرسان ميدان وحرار اوكار
وتشهد لنا الدوشان في فعل محلف = يوم احتمينا حسكة الاوبار
وفي روضة مهنا الخيول تعنا= والذل راس العار والشنار
والسر قدجينا عليه مع عنزة=والموت له مارد بلا مصدار
وعلى العويند قد تلاقينابهم = ولابنا ولابهم خوار
امسو وعلط رماحنا بجنوبهم = مثل القلم لاركز في الفرجار
وحنا حمينا زعب من دون الشريف = يطرد وراهم في رجا المهار
لين انثنى عقب الطماعة عايف = ويرصد طلايعنا مع الرادار
وش قال فيها ماجد القباني = يوم الحوافر تقدح الشرار
ويوم الرويضة ضالو ابنا زايد = مير احتمينا الذود والابار
ومطير جونا في الرويضة لكن = ماحصلو درهم ولادينار
وجونا بها العجمان لكن ردهم = ضرب تزلزل له جبل سنجار
ويوم على يام فرقنا جمعهم = في جنادرية والطوال قصار
سبعة بيارق برقها يعمي البصر = كالسيل لاروح بواد نمار
اقفو ولا احد عن خويه ينشد = يوم السبوق يبين فالمضمار
والخرج قد خذنا الفضول وجمعهم = فوقه ولاخفنا من الثوار
كم هية في الخرج حنا هلها = بقت لنا في الكتب والاسطار
وكم هية صارت على الحيسية = وكم من مناخ فوقها ومغار
وفي المستوي مايستوي فعل بلا = برهان واللولو من المحار
ورماح ردينا العدا عن ذودنا = فيها وقد جونا ثلاث امرار
والانجل اللي تعرف الناس امرها = امسى العدو فيها قصير هجار
وعروا نموت بها على الكرامة = ناطا المنايا ماندوس العار
والحرملية كم مناخ عدته = مناصرين مرة وانصار
وايضا حمينا يام دون بن سعود = بسيوفنا والمستجير مجار
وجينا على الحيسية بموقعة = قشرا بعد ماعمست الاشوار
وفي يوم ركبة هي وحزم الراقي= نفتك بالاعدا فتكة التتار
ويم الجمانية يورخ يومها = ضديدنا يرجع بصك اعسار
وفي هية الابيض على شمر لنا = ضرب يخلي خصمنا ينهار
ولنا مع العجمان في عرجه وعد = تممه من هو للكسر جبار
ويوم السماوة قد ذبحنا شيخهم = مطلق ولو مثله ماهوب يدار
ويوم الرضيمة كاشفين ضيمه= نشري الشقا لاغليت الاسعار
ويو السبية مايذكر زية = ننصى الحريب ونقطع المشوار
وعلى طلال لنا فعول تذكر= والحق مايستر عليه ستار
وسدير مع هلها نطيع قضاتنا = وقضاتنا الاسياف في المحضار
والوشم مثل الوشم فيه فعولنا = لو الزمن بعدين دار وجار
وجراب ماسيف بقا بجرابه = ياعنك ماغير الله القهار
ويوم القويعية تناغق بومه= لكن حشر منا العدا حشار
وفي وقعة الوفرا اشتركنا كلنا = ولابنا باير ولاجوار
ويوم الصبيحية بعدها صبحت = خيل العدا وامست على الزبار
وفي ملح ثار الملح والبارود به = فيها العدو علق على الشنكار
وفي هية الطبعة طعام الضبعة = تشبع بها عواية الاسحار
وفي وقعة المنسف مع بن تركي = على مطير ومن حضر مانار
وداورد ريح الموت فيها هبت = كل من النخوة تقل به زار
وفي يوم جودة فتنتة معهودة = والكل مهدر دم عربه اهدار
والمعتلى والبرة وفي الحرة = ماحد يرد بعيرنا الهدار
وشقرا لنا مع من سكنها قصة = ماسورتهم دوننا الاسوار
ويوم القطيف به اقتطفنا زمرة = زمرة ردا تمشي ورا زمار
وفي يوم جزعة يوم الانفس جزعة = جينا مع الفزعة ولانحتار
ويوم الصريف مصرفين خصمنا = كم حفرة وقع بها الحفار
وفي يوم ابوخيالة الخيالة = من فوق قحص مهارها الضمّار
وفي يوم جثجاثية لنا وقعة =تسوجر ابواب الرد سوجار
وبن رشيد اللي تهيل جموعه = ماله علينا ميل مهما صار
ولنا معه يوم دهنا مايجهل = وبيوم بنبان بنصر سارّ
وفي وقعة الرمحية المشهورة = تسعر بها النار ونزيد سعار
وفي وقعة عنيزة ذكرنا ميزة = مانجضر ولانرحم الجضار
والبدع ماهو بدعة من فعلنا = يوم اغتشى لون السما حمار
ويوم طرفية كم تركنا فيّة = وطرباتنا شوف الخيول تكارّ
وقدام فيها فعولنا القدايم = يضيع في جرح العدا المسبار
يوم الطريح يصيح ما احد شاله = ولا على جرحه يحط غيار
ويوم تربة تربت وجيه اضدادنا = نملى من جثثهم خبب وجفار
ويوم سبلة ما ادراك مايوم سبلة = ذكره وصل بغداد والانبار
لنا بها فعل مسجل بالكتب = ماهي علوم مقلب الاطوار
وايضا على القاعية لنا ضرب = ضيق على الي هجو المعبار
وام رضمة فيها ويم الشوكي = ليت العدو من دونها استخار
وفي روضة المذبح على الدعجاني =يوم احتمينا حقنا نهار
وعيدة حضرنا العيد والعيدية = كسر الدويش وقطفة النوار
والخفس ومبايض يقول الشاعر = منها يكفي عجة وقتار
وفي جولبن وايا سلام جينا = بكل غمر خايض الغمار
والحرملية والحفر مكرورة = يوم المعاند جا يطق الطار
غير البكيرية وغير عشيرة= ماننثني لمجامل الغدار
افعالنا مذكورة مشهورة = ما انّا برجوى مدحة العهّار
في نجد عشر قرون او زيادة = راضين في صفوه وفي الاكدار
نضرب بحد السيف وندوس الخطر = لنا النصر ولضدنا الثبار
يوم لنا ويوم علينا مابه = للناس حقران ولا استكبار
صوارم سيوف لها بايماننا = صوم على روس العدا وافطار
تشفع بهم مرٍّ ومرٍّ موترة=والموت بين الشفع والأوتار
متكاتفين تحت راي واحد = ولاتغير وحدة المسار
يوم الخبول اية خبل يخلفهم = كالسوس في غصون الشجر نخّار
ومن اوسط الصمان حتى العارض = والغيل وماحوله خلا وديار
وفي غيرها والموت دون ديرنا = من دونها كل الكبار صغار
ليا كشف برق تبعنا نوره = ببكارنا نرعى بها المخضار
نرعى الخطر وسيوفنا مسلولة =واذوادنا مخضرّة الازوار
مخضبين سيوفنا من ضربنا = في ضدنا وبكل ثقة واصرار
مانخشر ولانختشر في ديرنا=حيث الدير ماتقبل المخشار
واعدادنا عشرة فخوذ وافية = المجد فيها والكرم شعار
عيال شماس مع المشاعبة = جبال نارية ماهي فخّار
والاد شماس يعدون اربعة = من طيبهم تستنشق الازهار
منهم دوى المغلوث برازية = عليهم بكل المديح يشار
ومنهم الظهران يامااطيبهم = لضد العدا والضيف والقصّار
والاد قبان مقابيس الوغى = وان ثارت البندق بغير عيار
والا محلف وقت التلف جزامة = ماتنفهق لاجا الفشق مدرار
واما بني مشعب فست فخوذهم = من شافهم مع كل فج ذار
ربع بن جلعود الكرام اهل الثنا = وجيههم بيض كما الاقمار
بالعز يحمون الدبايل وان لجا = مضهود قامو معه ماش اعذار
ومناجلة ماحد وصل ميصالهم = مزبان من حده زمنه وجار
ومنهم محانية بعاد عن الردا = من ضربهم عظم الخصيم كسار
ولاد العبيدي ماتمل ضيوفها = وسيوفها بالدم لهن قطار
وصعوب اكرام وريف لضيفهم = كنه فابا الخصيب والعشّار
ومنهم زقاعين لهم كل الثنا=ولمن حربهم جمعهم دحّار
ومنا من الفرسان اعاجيب العرب= لاردو الهارب عن الفرار
منهم خزيم ولد لحيان الذي = مضرابه بخصمه على الفقار
فرس عمير الطيبة قلعها = وحسبت على عسّافها مخسار
يشهد على ماقوله بن هادي = شيخ قحطان وطيب الميكار
يقول له حولت عنها راضي = ماعاد تلحق فاتك القطار
وعرهان بن باتل كعام العايل= تخاف من سيفه هل الاغوار
والاخر مهنا ولا احد يجهله = زبن الضعيف الخايف المذعار
وعلي بن جودة من بيجحد جوده = وفعله لاحزّ المعصم السوار
واذكر جليدان وكلام حوله = وصفه بن رشيد بافتخار
وعثفر بن رويضان وايا شايع = لاساقو العدوان سوق عشار
وعلي بن طريخم وذعذاع اللي = من هازهم في حكم الانتحار
وشعف ولد سجوان وبن معدل = فرسان وابطال مضو بادوار
ورغوان ومشنان لهم هيباتهم =لامنهم ركبو على الاكوار
وحقلان ال عريج وبن السودا = على مداغيش العيال جسار
وهباس ولد عبيد وهادي بن ثقل = نطاحة الغارت باقتدار
وشري وبن زليغيف وبن دويحس = حريبهم ماحوله انتصار
وضويحي بن خزيم ولايجهل = لاجا المجوخ كن فيه سكار
وانا لو ابا اعدهم ما ابدهم = لكن غيض من بحور غزار
ومنا منادي بالعشا لضيوفه = يقدم الترحيب بابتدار
سلطان بن ذيب الذي نفخر = يشهد له التاريح فالاسطار
ومعشي العوشق بطيبه مثله = طيبه ومثله مايبي اختبار
مجلس كريم الاصل زين السيرة=ماهوب يخلى دلة ووجار
والشيخ بن جلعود مكرم ضيفه = في ضفه لمن جاه رزق دارّ
والشيخ بن ريحان وبن قعية = ماهم بنخل يابس الجمّار
حنا السهول ولاجهلنا جاهل = واقول مايشوي الصقر صقار
حنا هل الطالات غصب بلا رضى= لاشبهرت عدواننا شبهار
اضدادنا مايمرحون بعافية = والضيف له دلة كرم وبهار
هذا بعض بعض مزايا ربعي= ولو باستمر أتعبت الاستمرار
اقولها واللي رضا فله الرضى = وحتيش لو اللاش دمه فار
ماقلتها ابغى من وراها حاجة = مانيب من عبادة الدولار
ولا اقبل عليها نقدة من هافي =وانا علي ماتلعب الشطار
يفرح بمدح الطيبين الطيب = والشعر حر ولابه احتكار
ويضيق من مدح القروم اهل الردا = واهل الحسد حلابة الابقار
ترى ضعيف النفس يترك دينه = ويعوشر مع الرافضة عوشار
رايه مصادر كل يوم بشلة = غصنه ضعيف مع الهوى مهصار
متلوث من كل علم وعالم = عود سوات كناسة العطار
يالابتي هذي حميا دونكم = من حبكم قلبي على مجمار
نظمتها فيكم بيوت جزلة = تفيض عفوية بلا استحضار
ترمي جواهرها من كنوز الحشا = بذل ما ادور خلفه استثمار
مدحي لربعي طيب ماهو مصلحة = واللي يشكك به تراه حمار
لايحسب اني مثل منهو خابر = ماني كما الطرطور والطرار
اللي يلاحظ نقص لايبخل به= ويقدم الملحوظ باستفسار
صح بدنك ياللي تصح لساني = وياحاسدي خلك ورا المقطار
مالك علي فضل ولالك منة = خذها على ماقيل باختصار
ما احد يرد الشمس دون شروقها = لوبعدها عن يده خمس امتار
بعض العرب خيره يروح لغيره = مخلوعة يادرفة النجار
وماني من اللي يمغطون حلوقهم = ما من فعول وبالحكي تجار
عاشو على ذم الرجال الوافية = لو انهم على الشمال اصفار
ولايجحد الوافي يكود الهافي = يوم انه انجس واخبث من الفار
ماعشت في الدنيا من اطراف العرب = مثل البليد الهابي المفغار
شاعر واعرف العلم واحمى ماقفي = مانيب اضيرها لغير ضيار
واللي يبي سوق الاوادم كلهم = يطر جيبه من زمانه طارّ
ومنهو تقدم ماتندم لكن = يصبر على سقي الثرى البذار
راع الحسد لاشك ماطاوعته = ومن الذرور بحجر عينه ذارّ
لمن حربني حربة في نحره = وانا لمن هو برّ فيني بارّ
قال المثل ياللي تعرفون المثل =ان كنت ريح فواجهك معصار
اللاش لاندي ولاهو همي = ماله مخاليب ولاش اظفار
ولايستوي قصر عزاز حصونه = مع بيت من الطين سقفه خارّ
ولايستوي بالخايبين الطيب = والله ولا المسجد سوات البار
ويانار ياللي ساقني سناها = وانا لحالي مذهب ودوّار
امشي وانا حافي على رجلي لها = للي على جمر السمر سمّار
القا عليك العلم والا اولّي = والنار تصلى الضامر المحشار
عن صاحب كن القمر في جبهته = او لبته لافتح عنها زرار
والا العيون الواسعة في وصفها = ماللشعر قدرة ولامقدار
تشوف ظل رموشها في عيونها = وحجاجها من فوقها مندار
كن المياسم في الفواد تبرّد =لاحمّيت في نار بن عمار
قضّت ظلام الليل فوق متونها = واصبح على رجلي سببها حيار
لاوالله الا راح عمري حظها = واثر الذي ماهوب ينفع ضارّ
رحنا سبايب نجلها في رجلها = والقلب كنه مطلي بالقار
طوعت عاصي القاف لاجل عيونها = وقضيت كل العمر في انتظار
هذي نهاية قصتي مع غصتي = راحت حياتي في هدم واعمار
يالابتي لاتذخرون الفزعة = وانا بكم مستبشر استبشار
تمت وصلى الله على محمد= عداد ماهلت من الامطار
وعداد ما ارمشت العيون وما خفقت =كل القلوب وغنت الاطيار
والناس تدري ماش به طيارة = تقطع محيط ولابها طيار
الاولة والثانية مني لهم =والاولة هي عندي المعيار
والذيب يدري مايغره علمي= من غيره اللي لا اهتوى صخار
والخير في الثنتين والله الولي= ختمت بليل والنجوم ازهار
ولاتلومون الفجيع ان غنى= من شوفته بايد رسوم الدار






توقيع ناصر السهلي
 
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 23 ( الأعضاء 0 والزوار 23)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:09 PM.


Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة