عن شعر ((الحداثة )) الليل الطارف يجي

يا سلام الله سلامي عد ما شفت الخيال=من هجوس الشاعر إللي يقتلي والليل طال
والسبب شعر الحداثة راحت علوم الرجال=لعنبو شعر الحداثة لا قوافي لا وزون

يا سلامي وكل(ن) يحتزم بالحزام =ودنا نلعب الطاروق والليل بدري
من شمال الجزيرة لين نجران يام=اسمع العلم واحذر وانتبه كون حذري

[الطائر المهاجر]

ياهلا بك يالسنافي عد ما هل الهلال = هات هاجوسك وقرب ولا تجود بالحبال
وش بلى شعر الحداثه هيضك في كل حال= كل سلعه يارفيقي في الحراج الها زبون

امتحزم بحرفي لاسيوف وسهام = ومن بقى الملعبه لياه ياصاح يسري
في الفطاحل تلاقي كل قرم همام= هات علمك قبل مابدا وتسمع لخبري

يا مدير الشعر روح مع مراويح الرياح =راحت أبيات القصايد راحت أوزان ٍ قراح
يوم جونا بالحداثة في عصور الانفتـاح=لعنبوا شعر الحداثة لا قوافي لا وزون

البقاااآ يا كريم ٍ يا سليل الكرام=قدركووم حافظينه دام ما احفوظ قدري
الغشيم ليا تهيض جاتك علومه تمام=والحداثة ما يبيها انكان عن صاحبك تدري

[الطائر المهاجر]

كان ما باقي سوى الاشعار هم وجراح = نحمد الله بوقتٍ فيه ذل وانبطاح
الأعادي تكاثر من عيالٍ السفاح = لعنبو وقت غدينا فيه نشكي من الطعون

الحداثة وليده من حضارة خمام = ولدوها معاقه لايدين وصدري
جبروا ما تكسر من هشيم العظام= وان مشت شفت فيها بين انثى وخكري

واحد(ن) منا يقول الشعر والمعنى جزيل=جاه من ينقد كلامه يعتبر نظمه هزيل
وأن نشدته ويش تنقد يالفراهيدي خليل=قال مدري بس أظن النظم ما وافق لحون

الصَقُرْ فالعلالي يرقب أسراب الحمام=موثق ٍ له سلاله له عروق ٍ وجذري
علمنا علم ٍ جزيل ٍ دام مركوز السنام=والخبل يبقى خبل . لا هَذَا جعله يهذري

للمعلوميه مشرفنا الغالي
لقد ضيقت واسع
بالنسبه للمروبع أعلى البدع الالتزام يكون بالشق الرابع فقط وبالأمكان تكراره
((لعنبوشعر الحداثة لا قوافي لا وزون))
أما الثلاثة الأشطر فإمكانك تغيير القافية
للمعلومية فقط يالغالي
والالتزام يكون بقافية اللحن إللي أسفل الموال
للإطلاع ثم الحذف

[الطائر المهاجر]

انا خابر وش تبي ، لكن الشطر المذكور رأي شخصي لك
وقد لااتفق معه ، وهذا السبب أنني لم اتقيد به , اما الطاروق
فانت ركبت على طاروقين ، واحاول اني امشي معك ، فإن شفتني
ملت عن الجاده وهذا محتمل ، بسبب الشغل في الموقع ، فنبهني.

ما فيه مشكله يالمشرف بس لا تلزم نفسك بقافية الموال أعلاه هذا ما وددت إيضاحه
يعني لا تلزم نفسك بقافيتي في الموال
الالتزام بقافية الطرق أسفل الموال فقط حتى يتيسر عليك الرد
أرجو أن تكون فهمتني
للحذف بعد الإطلاع

[الطائر المهاجر]

للشعر لحنه وله ميزان ما يقبل بميل= ومن بغى ينقد عليه انه يثبّت بالدليل
وناقدٍ ماهوب شاعر كل هرجه لو جميل= لو يقول اللي يقوله ماعرف وزن ولحون

الصقر كان اماليوم ياهملالي= راح وقته فكل فيه بايع ويشري
كان تقصد شعرنا فشعرنا مابه كلام= ترثة الاجداد ماهو بدعةٍ من راس مصري

شعر من نظم الحداثة شعر يبغى مطربين=وبالمسيقه يزربقونه يا عسى يظهر يبين
وعندنا شعر الجزاله من كلام الغانمين=شعرنا شعر المعاني ما نبى شعر المجون

حاشااا والله وكلا اتهامك لي حرام=أنت شاعر وأديب ٍ وانتبه بالليل تسري
الصباح إن كان بان الشمس تجلا لك غمام=والمزارع بعد حرثه ينثر الحبة ويذري